1 Ni koa ṉiṉoreo ko epezake, nio Paula ta o padoemake se disaipeli madu ni o zuvarimake se ni o uluemake se. Ni vota ota zolaike ni ota olake Masedonia peuru poso kale.
Ni so keru vo o veve keru vo, vota o vati olake vo sai Anitioko, ni nioqata omadeu pado ama sabere qo mati evake se lotu maba poso sai ke evani ni nioqata qo nianiiekimake matuma vaki. Anitioko inio kuleto seke tuvevo putani maba poso ta Kurisitiani madu ma kikeveni.
Sai kazo inio eṉeta ṉe qailake kiṉu kale ni ṉe baroake Pilipai Masedonia tanala kuleto ala matu peuru kale, kubo Romu amu ke evekoi. Ni eṉeta ṉe evake sai kama ṉaniu poso.
Ni koa ipu kale inio Paula ta o keake kama pado kelokelozato. Ni koa kelokelozato kale vota o veake kala Masedoniala maba vo obeta lojoani ni o pasevani vo, vo eri kiolani, “Kua koi Masedonia peuru poso kale tauvenelole eṉe!” kiolani.
Ni ko quli poso ko ereilo ko tova inio Paula ta o vatoeke tu o zio Masedonia ni Akaia ranama peuru poso kale ni soa beta zio Jerusalema. Ni eri kiolake, “Sai a ziovou saita, inio Romu peuru melai aba soipikou,” kiolake.
sai vo zouke kaboso o evekoi. Ni vota ota inainaoke tu ota pakeo sai kazo Siria kiolake, melai vota okai nianiiovi se Jiu amu ko abamuvo vo; so sole vota o pitoekake tu o vaito Masedonia kude.
ni aqasiele ama iruruputo ni urikato ko pizato kale, ni vo Baṉara ko Auvana ko pizato kale. So inio kiadama talio kale Jerusalema azo ti ko baroa Ilirikamu peuru kale, aṉata lula aqai bazubazuta ko Uri ama Bazu Karisito ko kasevako.
Lula ṉebeta baroa sai koa Masedonia peuru poso kale melai eṉeta puliama mamazo ṉeba koe, ako koa kiadakoi ta kubo tapata sole, kake ta ke ṉelati aivekinie eṉe, ni eṉeta ṉeda ṉake.
Aṉata aṉa zaria ṉo tu beta eve Epesasi peuru kale, lula ṉati kiavevo jari so keru aṉa Masedonia peuru poso kale a qeve keru. Ako kama maba poso ta kebe kai nianiiekata sai ko lipalipa kama lotu ko bazu poso; tu ṉota maba dokolimo eve se.
