Iruruputo 2:42 - BAṈARA KO VAIRU AMA LEVELEVEO

⁴² Ni seta ke vinaitake se apositolo madu ko nianiiekato tama viqo kale kiada keru, ni kekai zomanake seko baerebaereo ko saevo, ni seta omadeu vuato ni vararaito ke evake.

Iruruputo 2:42 교차 참조

Luke 24:30

Nio vota o papuake nioqa sate, ni o koake ko bereti ni mauru o ikake, ni o palamukake ni o katikake nioqa.

Luke 24:35

Nio nioqata qo zakaremu puekake sekasi koko ereima keve tona ni nioqako nianiieve vo Lekasa so keru vo o palamuke keru ko bereti.

Iruruputo 1:14

Seta ke padoiva mati ni ke vararaita omadeu poukale, rekoreko sate ni Mere Jisu ko niania ni voko visi poso sate.

Iruruputo 11:23

Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 2:46

Ni seta ke padoivake kiadama ṉaniu poso Jelepade ko poro kale omadeu vatolo kale, ni seta omadeu vuato ke evake seko zoleilo ni inobe sate,

Iruruputo 20:11

Ni vota mata ota koitake okate ama volei kale, ni o palamukake ko bereti ni o kuake. Koko tova inio Paula ta rosia pesipesito oma evake ti ṉaniu kobeta peatake. Ni Paula ta ota olake.

Iruruputo 20:7

Ni Sarere ipu inio eṉeta ṉe badoivake tu ṉe ereko ko tabu ama sokesokeo. Ni Paula ta o bazubazuemake se maba poso ni vota pui o lalamatake bazubazuto ti kobeta baroake ipu tiania, ako koko raneo kale ta vota ota ziovou sole.

Iruruputo 4:23

Nio Pita ni Jone ta qo rupasiake, nio nioqata qo vaitake qo poqala kale amu kasi ni qomai bazuekake raura kama siama poso ni lotu tanatanamu kikelani.

Iruruputo 4:31

Ni so keru seke paika keru vararaito, koa zae seke kai padoivake ta kota nuvinuvitake. Ni vo Tabu ala Auvana ko pizato ta komai sukatake sea kiadamu ni seta ke taniekake kai bazubazuto vo Baṉara ko bazubazu parani putole.

Iruruputo 6:4

Ni ṉe ṉavi eṉeta ṉe vararaitou ni ṉeqai nianiiekatou vo Baṉara ko bazubazu eṉeko pado ama taku kale.”

Romu 12:12

Meta zoleimo meko kai keru kale ko kilo ama saevo, ni kaitiziomo meko tapata keru, ni vararaitomo kiada keru.

1 Koriniti 10:21

Meta pui meba nozuekou koa vaini ko ju ko anime mevai ilusikako animevo Lekasa Jisu ni mata koa vaini ko ju ko se kekai ilusikako ko ziolo poso; ni meta pui meba kuovou vo Baṉara ko bereti ni mata ziolo poso ko bereti.

1 Koriniti 11:2

Aṉata a mela zoleiva me ako meta me qerukeruela aṉa kiada keru ni meta me lulueka koa nianiiekato ko aṉa lula a melai bazuekema me.

1 Koriniti 14:6

A qaka ni visi poso mela, so keru aṉako kilo keru mekasi ta aqai pesiovou ko pui meqai nianiiako pesio ta kota ko tauvemelou me? Pui! Maba puliama tauvezato meba tala kovou, aṉa pui a qasekou ta kama vo Baṉara kasa ola ikema quli ma kama nianiio ma kama vo Baṉara kasi azo ama bazu, ma kama nianiiekato sama quli.

Qelesia 1:6

Aṉata a melai matu vuzeiva me! Ako puliako tu keu meta me vaeva vo Baṉara vo o nokaemeleni me vo Karisito ko pakiezato sama roquano kale ni tuvevo me ika edoloma bazu, ko kake Uri ama Bazu ka kikelako.

Epesasi 2:20

Ni me melai me orumuilou koa vola topi se apositolo ni poropita madu ke erekema. Ni o ṉavi Jisu Karisito inio koko viluabara koa oruorumu ko.

Epesasi 6:18

Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.

Pilipai 1:5

Aṉata a qaseka aṉako uriavo vo Baṉara kasi meko tauvelo kale avo, so keru aṉa aqai bazubazute keru ko Uri ama Bazu koko tanitanila keru azo, ti kobeta baroa vairutu.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

Kolosi 4:2

Pui lalamato vararaito vo Baṉara kasi meko zakaremu ama kerukeru kale, ni meta kativomo meko uriavo vo Baṉara.

2 Timoti 3:14

Melai ṉo ṉavi ṉota pizaka noqoeka koa tuveano ko lula ṉo ṉoqai nianiiako ni ṉo matu tuvevo puekako. Ako ṉota ṉomai nianiia sole sea kerula kamu se kekai nianiiekiṉeni koa tuveano,

Hiburu 10:25

Animeta pui niaba me elou animeko omadeu padoilo ilusato kale azo, animeta pui lekuleku meqai elou ko, omadeuvo kake ke kavani jari, melai animeta me zuvarikiniou muli matuvole, ako animeta meqai nianiia vo animevo Lekasa ko vaito ko Ṉaniu ta lula sipole kio sole.

Hiburu 10:39

Melai animeta pui so ko maba mela tu animeta me vaitou kutumana kale tu animeta me noqola tolailou heli kale. Melai animeta animeko oqu kale me bakiziani mela.

1 Jone 1:3

Ni vo eṉe ṉe veveni ni ṉeda va viqeni, vo inio mata ṉe melai bazueva me, tu meta omadeu lolopareo me ṉelati elou eṉe voko vai nianiio kale. Ni koa omadeu lolopareo animeko ta mata animevo Mama Baṉara ni vovo Meqora Jisu Karisito sate inio.

1 Jone 1:7

Vo Baṉara ta zakaremu kale o evani nio. Ni animeta me elou zakaremu kale, nio animeta omadeu lolopareo me elou animeko vai nianiio kale vo. Ni animeta me elou zakaremu kale inio vo Jisu Karisito, Baṉara vo Meqora ko dara ta bulebule ko imelou kiadama animeko sarueko kale azo.

1 Jone 2:19

Ni se vo Karisito ko kana madu ta animeko poqala kale ke eveni inio. Melai seta lula ke vaemele ni seko vaemelo ta kasa ko ika ta seta pui maba anime kale amu inio. Ako seta tuvevo avole animeko poqala kale amu tea, seta anime kasi nio kebeta elo. Melai ke vaemele sole meqai nianiia ta sea kiadamu ta pui maba anime kale amu kepa eve.

Jiudi 1:20

Melai me a baerebaere poso mela, meta rapukomo me ṉavi meko matu tabu ama oqu kale. Meta vararaitomo vo Tabu ala Auvana ko pizato kale,