Iruruputo 2:40 - BAṈARA KO VAIRU AMA LEVELEVEO

⁴⁰ Ni Pita ta o balauvimake se komi kale ni mata kubo voko piza kama pesio kale, ni eri ma kiolake, “Meta pakiemo koa koqotato kasi azo vo Baṉara o soroeko ama se erisaṉama ruqe ama maba poso kasi se kevai keduini sevo Pakio!” ma kiolake.

Iruruputo 2:40 교차 참조

Matiu 12:34

Meta dole jaria ruqea mela, me ruqe ama maba poso mela ta pui me rovea kaseko ko uri ama quli. Ako ko quli vo maba ko bulo kale ko sukatako quli kio vota o rukueka voko suto kale sole.

Matiu 16:4

Mea maba poso komia taku kalea mela ta me baseka kama aqasiele ama iruruputo, melai meta ruqea mela ni pui meqa zariani mela vai nianiio vo Baṉara! Omadeu pado aqasiele ama iruruputo ko kiada ikio me qelou, koa omadeuma vo poropita Jona kova ereima jari lulavo,” ma kiolake. Nio sai nio vota o vaemake se.

Matiu 17:17

Nio Jisu ta eri kiolake, “Mea maba poso komia taku kalea mela ta puliama oqu samela ni sarusarua mela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!”

Matiu 23:33

Meta dole jaria ruqea mela ni dole ko meqora poso mela! Meta maba pui meba taka lapasou vo Baṉara ko koqotato ko lula o mela vaekema heli kale.

Maka 8:38

Ako voa maba vo ota la qurato ala aṉa ni aṉako nianiiekato se oqu pide amu ni boutare sama maba poso kasi komia taku kale amu, ta aṉa maba a eveni lala melai ada va zoliovou voa maba so keru aṉa a vaitou keru aṉavo Mama ko ṉaṉaidara kale ni voko mateana madu sase.”

Luke 16:28

sai sea sike aṉako kaka ni visi poso ke evakoi. Zarieva tu o zio tu opa balauvimo se, tu puliala kala pado se azo ta o kilou komia tola kama zaekale!’ kiolake.

Luke 21:36

So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.

Jone 21:25

Ni matu kubo quli ta mata ikoana vo Jisu o erekema quli. Koa kiadama ko paziziovou rikizio tea, esa peuru ma peuru ta pui kopa malezou koko rikiziovo ama quli kale.

Iruruputo 10:42

Ni vota o sorueṉele eṉe tu eṉeta ṉeqai bazubazuto voko Uri ama Bazu maba poso kasi tu ṉema kaseko ta vo inio vo Baṉara lula o pitoini se saevomu ni voumu o titizimo ala.

Iruruputo 15:32

Ni Jiudasi ni Sailasi ta poropita kidi nio rosi ama taku kale qo kasekani nioqa sekasi ko zuvarato ni pizatimo ko bazubazu.

Iruruputo 20:11

Ni vota mata ota koitake okate ama volei kale, ni o palamukake ko bereti ni o kuake. Koko tova inio Paula ta rosia pesipesito oma evake ti ṉaniu kobeta peatake. Ni Paula ta ota olake.

Iruruputo 20:2

Vota o olake koa kena kale ama peuru poso kale ni o zuvarimake se kubo bazubazu kale. Saita inio vota o olake Akaia peuru poso kale,

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.

Iruruputo 20:24

Melai aṉata pui aqai tuqutuqua a ṉaviko saevo tu a ṉamuko. Aṉako zario ta a okotiko aṉako soru ni a baiko koa iruruputo vo Lekasa Jisu o katilema aṉa tu a ereko, tu aqai bazubazuto ko Uri ama Bazu vo Baṉara ko pakiezato sama roquano sama.

Iruruputo 20:9

Ni kala vairu ala rusu lutikasi va kikelani ta obeta papuake vuida topi, ni Paula ko bazubazuto ta rosi kota evake, so sole lutikasi ta ota dureduretake ti obeta umatiake ti obeta piake inio zouke volei kama pade topi azo ti miduku kale. Ni so keru se kepa niaqueva keru vo, vota lula ota vouva.

Iruruputo 28:23

So sole seta ke takumukake ko ṉaniu Paula sate, ni matuma vaki ta ke kuevake koa ṉaniu kale sai vo Paula o evakoi. Nio vikale azo ti kobeta baroake ipu kale vota zakaremu omai ikake vo Baṉara ko lekasa puo voko bazubazu kale, ni vota matuma pesipesi o mati erekake se voko zakaremu pueko kale Mosese ko Bazu ni poropita madu ko riki ko kasekako quli, tu tuvevo ke ivo vo Jisu.

Iruruputo 4:36

Ni vo Josepa ta kala Livai toutou kale ala Saipirasi udu kale o alileni ni se apositolo madu Banabasi va kikeveni. Koa ṉi ko kio ni kalo ta “Vo o zuvaratani.”

2 Koriniti 5:20

So inio eṉeta vo Karisito o soroeṉeleni ṉela, eṉe ṉevai bazutani ṉela vo, omadeuvo eṉeko bauta kale inio obe pasepasemela vo Baṉara eṉe kale kude. So sole eṉeta ṉe mela titia me vo Karisito ko ṉikale, tu meta vo Baṉara ko baerebaere poso emo voko kanaekivo kale azo!

2 Koriniti 6:17

Sokale avo inio vo Baṉara ta o balauvimake se Izireli amu ni so kiolake, “Erisaṉa meta vaemomo se ni meta pitasiomo sekasi azo. Meta taka papariomo ko kuna kama quli, Sokale kude inio aṉata a mela lilitou me.

Qelesia 5:3

Ni mata kama taku aṉata eri kiala kiadama lasive poso mela kasi: Meta meqai zariovou moveilo, ta meta me maba luluekou koa kiadama vo Mosese ko Bazu.

Epesasi 4:17

Vo Lekasa Jisu ko ṉikale aṉata a melai bazueka komi quli, ni a balauvimela, tu meta pui mata me dova luluekou se pui ke tuvevo putani ko saevo jari ama saevo. Ako seko kerukeru ta utube ama sole,

Pilipai 2:15

so inio meta kuiripato pidea mela ni bulebulea mela vo Baṉara ko korokoroti ama meqora poso mela meda elou meko saevo kale se kaido ama maba madu ni boutare samu ko valuvalu. So inio seko tiania meta talolomo suti jari.

1 Tesalonaika 2:11

Meta meqai nianiia ta eṉeta ṉe roquemele mea kiada mela omadeuvo kala mama ta o roquema jari voko meqora poso.

1 Timoti 4:16

Ṉota balauve ṉoko saevo ni nianiiekato kale. Ṉota vinai komi quli poso ko ereko kale, ako ṉota so ṉo qalou, inio ṉo ṉavi ni seke viqani ta meda pakiovou.

1 Pita 5:12

Aṉata a rikieka komia puju ama riki mekasi Sailasi ko tauvelo kale. Ni aṉata avai nianiia ta vota kala pado animevo tamania kale ala kerula kala vo Jisu Karisito kale. Aṉata a mela rikita me tu a zaubarimelo me ni a melai bazueko ko quli aṉa a uria kai nianiiako quli, ako komi ta tuvevo ama vo Baṉara ko tauvezato sama roquano sole. So sole meta pataitomo koa tauvezato sama roquano kale.