Iruruputo 2:30 - BAṈARA KO VAIRU AMA LEVELEVEO

³⁰ Melai vota kala poropita ni vota okai nianiiovi vo Baṉara o vati korotikema quli: Baṉara ta o erekake ko matu piza kama leveleveo tu vota aikovakova o ivou kala pado maba Devita ko vikuvikula kale ala Devita o evevoa lekasa puo jari.

Iruruputo 2:30 교차 참조

Matiu 22:43

“Ta noi sole inio vo Devita ta vo Baṉara vo Auvana kale ‘Aṉavo Lekasa’ va kiolake voa Pakio? Ako eri kiolake sole vo Devita,

Matiu 27:35

Ni sai nio seta ke patoevake vo Jisu korosi topi. Koko tova inio seta kekai puarikiniake vo Jisu ko suma seko kai daisimato kale.

Maka 12:36

Melai Tabu ala Auvana inio o kativake ko kerukeru vo Aikovakova Devita ti vota eri kiolake o kera kale, ‘Vo Baṉara ta eri vati kiolake aṉavo Lekasa, ṉota papi aṉako palo rana tu ṉo lekasa puo, ti kobeta barolou so keru aṉa a vaemou keru kiadama ṉoko kana poso ṉoko pizato kale.’

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Iruruputo 1:16

“A baerebaere poso mela, Tabu ama Riki kale ko kaseima quli ta lula tuvevo kota eva Tabu ala Auvana o kasekema Devita kale kude, vo Jiudasi ko pidokivo kale, vilua pikopiko oma eveni se Jisu ke noqoeveni. Ni kota ko malezikake ni so ko kake, ako Tabu ama Buka kale ama pidokato ta ko puratika kiada keru koko epa sole.

Romu 1:3

Koko raki komia Uri ama Bazu ta vo Baṉara vo Meqora animevo Lekasa Jisu Karisito ikio. Vo maba jaria ereilo ni alilo o eveni vo Devita ko vikuvikula kale,

Romu 15:12

Ni mata, Aisea ta eri kiolake, “Kala pado vo Jese ko vikuvikula kale ala ta o puratou, ni vota Lekasa oma elou se peuru ma peuru kale ama qoqono poso, ni seta kevai keruvou vo,” kikolako.

2 Timoti 2:8

Ṉota kerukerueva vo Jisu Karisito, vo o saeveni voukale azo, vo Aikovakova Devita ko vikuvikula kale ala, vo o kaseivani Uri ama Bazu kale ko aṉa aqai bazubazutako.

Hiburu 1:1

Lulavo, vo Baṉara ta o pesiovi kubo taku animeko taite poso kasi ni kubo keve kale se poropita madu kale kude,

Hiburu 3:7

So sole animeta me viqou vo Baṉara vo Tabu ala Auvana ko pesio kikolani, “Meta me viqou vo Baṉara ko pesio vairutu,

Hiburu 4:7

Kokale avo vo Baṉara ta o suirikake edoloma taku “Vairutu” ka kikolako. Kubo sabere kota paloasake inio vota o kaseke Devita kale kude Tabu ama Riki ko aṉa lula a qasekako kale, “Meta me viqou vo Baṉara ko pesio vairutu, ta meta pui zokele me ikou meko bulo.”

Hiburu 6:17

So sole so keru Baṉara oka zariovi keru uria kasa pueko ko vota maba pui opa besiekou voko vatolo seke kovo amu kasi vo oma inainaekema tu ke kovo, vota o vaekake ko kejo voko leveleveo topi.

Hiburu 7:21

Melai Jisu siama o evake, so keru inio Baṉara ta kejo saṉa o ikake voko pesio ni eri kiolake, “Aṉata lula kejo a iṉa tu ṉota noqola siama ṉo elou, ni aṉako vatolo ta pui kopa besiziovou,” kiolake.

2 Pita 1:21

Ako puliama se poropita madu ko bazu ikio kopa utu erei vo maba ko vatolo kale. Melai sea maba poso seke odiziani Tabu ala Auvana kale inio kekai pesiake vo Baṉara ko bazu.

Kelokelozato 17:14

Ni seta ke vati pazokiniou vo Sipi Meqora, melai vo Sipi Meqora, ni se o nokaemeni ni o pitoemeni ni se piza kama oqu samu ke luluevani vo, ta ke koqotaemou se, ako vota piza kala Lekasa kiadama lekasa poso azo ni vota piza kala Aikovakova kiadama aikovakova poso azo sole,” kiolake vo mateana.

Kelokelozato 19:16

Voko rosia sabosabo ni kiti topi ta ko rikiziovi koa ṉi: “Piza kala Aikovakova kiadama aikovakova madu azo ni Piza kala Lekasa kiadama lekasa poso azo,” ikio koa ṉi.