Iruruputo 2:3 - BAṈARA KO VAIRU AMA LEVELEVEO

³ Ni seta ke keake uza jari ama quli, lenio poso jaria kelo ama, ni koa lenio poso ta komai okotake mai sato kiadamu sea maba poso.

Iruruputo 2:3 교차 참조

Matiu 3:11

“Aṉata bapitaiso a imela mea maba poso mela jukale tu ko mamola pueko meko lilizio, melai vo mainio opa kilo ala aṉako tova inio bapitaiso o imelou me Tabu ala Auvana ni uza kale, ni vota matu raura kala aṉa kasi azo, ni aṉata pui a male tu vovo mabaku va elo tu ava boriko voko kiti ko kiazakiaza.

Matiu 3:15

Melai vo Jisu ta o vati tiorikake vo ni eri kiolake vokasi, “Komia taku kale ta vaeka tu so ko kalo tu aniqeta qe korotiko vo Baṉara oka zariani tu qe ereko,” kiolake. So sole vo Jone ta o opatikake vo Jisu ko zario.

Luke 24:32

Nio nioqata eri kiqolake qo ṉavio kude, “Tuvevo, aniqeko bulo ta matu vualavuala kota evala so keru vo o qelati pesila keru aniqe keve tona ni o qelai zakaremu puekala keru ko Tabu ama Riki kikolani,” kiqolake.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 2:11

Jiu amu melai, pui Jiu amu seke luluekani Jiu amu ko lotu melai, ni kake mela anime ta Kiriti ni Arebia azo—melai animea kiada mela ta mebe tama viqa se kekai bazubazutake quli me navinavi ko maba pesio kale koa matuma quli vo Baṉara o erekako!” kikelake.

Iruruputo 2:2

Ni ota podoloa koi kama pado qurumo ta ko kuevake aukale azo, piza kama ururu ko puzeto ko qurumo jaria viqo ama, ni koa pade se kekai papima ko poro ta kokai sukatake.

Iruruputo 2:4

Nio sea kiadamu ta omai sukatake Tabu ala Auvana, ni seta ke tanitake kai pesio edoedoloma pesio poso, voa Tabu ala Auvana ko ikirimo kale.

1 Koriniti 12:10

Vota o kativa mata kala maba aqasiele ama iruruputo ko pizato, ni mata kala ta o kativa vo Baṉara kasi azo ama bazu poso kai pesio ko pizato, ni mata kala ta o kativa ko pizato tu o nianiieko ko soama bazu poso ta Tabu ala Auvana kasi azo ko kuevako ma ziolo kasi azo ko kuevako kio. Mata kala ta o kativa kai bazuto ko pui okai nianiiako pesio poso ko pizato, ni mata kala ta o kativa ko pizato tu o rupasiko ko lula ko kaseivako koa pesio poso kale.

Jemisi 3:6

Lenio ta omadeuvo kama pado uza jari. Kota kama pado quli kubo quli ko saruekako, kota ko ereka ko ruqe animeko tupu poso kale ni ko zaroeka ko ruqe animeko pado ama saevo kale. Omadeuvo ko uza ta ko bainaeka mata kama pado uza, so jari nio vo Setani, heli ko lekasa, ko iruruputo kale inio vo maba ta o kaseka ko ruqe voko lenio kale.

Kelokelozato 11:3

Ni aṉata a joroekou aṉako omuqa poropita kidi baeke sabosaboa nioqa, buniubuniuo ko sabosabo, nio nioqa inio qokai bazubazutoa nioqa vo Baṉara ko upotuqu sama bazubazu koa zouke sabere varimuja kaboso kale,” lati kiolake.

Kelokelozato 14:6

Ni aṉata mata a veake kala pado mateana vo o akazani okate vasi okale, noqola kama ni uri ama bazu sala tu o kaseko se miduku kale ke evani maba poso kasi, kiadama toutou poso kasi, se aza pesiomu, kiadama qoqono kale amu ni se azaaza tupu amu kasi.