Iruruputo 2:22 - BAṈARA KO VAIRU AMA LEVELEVEO

²² “Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.

Iruruputo 2:22 교차 참조

Matiu 12:28

Ako aṉata pui vo Setani inio o katila ko pizato inio a rerika ko ziolo poso sole, melai vo Baṉara vo Auvana kale inio, ni kokale nio meta me duvevo puekou ta vo Baṉara ko lekasa puo ta lula ko melai baroa.

Matiu 2:23

Nio vota Nazareti peuru kale o evake, tu vo Baṉara kiovevo se poropita madu kale kude ta tuvevo ko elo, ko eri kikovema, “Voa Pakio ta Nazareti ala o elou,” kikovema.

Matiu 9:8

Nio so keru sea maba poso ke kea keru ko quli ko ereivako quli, seta keta ṉake ni ke ilusivake vo Baṉara voko kativo kale ko urikato ni akoekato ko pizato ke ṉavi jari ala va kikelani.

Luke 11:20

Melai aṉata a rerima inio sea ziolo poso Baṉara ko pizato kale tu komi ta kasa ko iko mekasi vo Baṉara kasi azo ko kuevako saevo vo okai lekasa puako ta lula kota baroa mekasi kio.

Luke 18:37

Nio seta ke bazuevake, “Nazareti ala Jisu ta ota alokata,” va kikelake.

Luke 24:18

Nio kala pado nioqʼazo Kiliopasi va kikelani ta eri kiolake vokasi, “Esa ṉoṉo qiada inio sea kiadamu azo seke soipikani Jerusalema komia taku kale ṉo pui ṉoqai nianiiani ṉa koko ereilama quli koa poso ṉaniu ko paloasako kale,” kiolake.

Jone 1:45

Nio Pilipi ta o luluevake vo Jisu, ni koko tova inio vota o veake vo Nataniala ni o bazuevake vo, “Eṉeta ṉe veala vo tivoine vo o kaseini vo Mosese ko Bazu kale, ni se poropita madu ko riki kale. Vo inio vo Nazareti ala Jisu, Josepa vo meqora,” kiolake.

Jone 10:37

Aṉata pui a ereka tea ko quli aṉavo Mama oka zariako tu aṉata a ereko, ta uri tu pui tuvevo puelo. Melai aṉata abe ereka ko, sole meta tuvevo puekomo koa uri ama iruruputo poso ko kasekako kale, pui mebe tuvevo puelou aṉa melai,

Jone 11:47

So sole se Parese madu ni se raura kama siama poso ta ke padoivake se Jiu ama lotu tanatanamu ko Kauniseli madu sase seko padoilo kale nio eri kikelake, “Loma ikio animeta me erekou? Keatini nea maba ta o ereka kiadama aqasiele ama iruruputo sole!

Jone 12:17

Ni sea maba poso seke eveni Jisu sase, so keru vo o nokaeve keru vo Lazarasi kea niami kale azo vo o saevive keru vo voukale azo, ta lula kekai bazutake koko ereima quli sai.

Jone 15:24

Aṉata pui aba ereke koa iruruputo sekasi ko puliala maba opa roveovima ereko tea, puliama ikio seko sarueko. Melai seta lula ke kea aṉa a erekako quli melai inio seta ke qelai kideipa aṉa ni a Mama.

Jone 19:19

Ni Paelati ta o rikiekake kama pado bazu nio se pazokinio ko maba poso ta ke nasoekake korosi topi, “Nei nio vo Nazareti ala Jisu, se Jiu amu vo Aikovakova” kikolako.

Jone 3:2

Ni vota o kuevake Jisu kasi ipu kale nio eri kiolake vokasi, “Eṉeta ṉeṉai nianiia, ṉota kala pado Titisa ṉa ṉo joroini ṉa Baṉara kasi azo. Ako ṉota pui ṉoba roveovou ereko ko aqasiele ama iruruputo ṉoṉo erekako, puliama Baṉara ko pizato salaṉa tea,” kiolake.

Jone 4:48

Nio Jisu ta eri kiolake vokasi, “Puliala me azo ta opa tuvevo putou puliako me kelo ko aqasiele ama iruruputo,” kiolake.

Jone 5:36

Melai aṉata mata kama pado quli salala ko kolai bazubazutake aṉa, ko kokai paloasako vo Jone ota lai bazubazutema aṉa, ko ikio koa iruruputo poso aṉa a erekako. Ko ikio koa iruruputo poso aṉavo Mama o katilema tu aṉata a ereko, ni ko ikio mata ko tuvevo puela aṉa tu ko puratiko vo Mama inio o soroeleni kio.

Jone 6:14

Sai ke evani maba poso ta ke keake koa aqasiele ama iruruputo vo Jisu o erekako, nio eri kikelake, “Matu tuvevo, nei nio voa Poropita vo o kaseini tu o kilo peuru ma peuru kale!” kikelake.

Jone 6:27

Meta pui ka iruruputo koko sapeovo ama sailao melai ka iruruputomo koa sailao koko melati barolo ama noqola kama saevo kale. Koa sailao ikio aṉa maba a eveni lala a qatimelo ama me, ako aṉa inio vo Baṉara voa Mama aṉa lula ola zoleini lala,” kiolake.

Jone 7:31

Melai kubo madu koa padopadoilo kale amu ta ke tuvevo puevake vo, nio eri kikelake, “Nei tivoine voa Baṉara o soroevani Pakio o kuevini, vo puliala ota vai paloasani vo o erekako aqasiele ama iruruputo,” kikelake.

Jone 9:33

Nea maba ta pui Baṉara kasi azo o kuevani tea, vota maba pui opa roveovou ereko soama quli,” kiolake.

Iruruputo 13:16

Nio Paula ta o lojoake ni o zolaekake voko ṉase, ni o taniekake pesio, ni eri kiolake: “Me Izireli amu mela ni kiadama me pui Jiu amu mela me koi me evani mela ni me ilusivani mela vo Baṉara, meta didielomo aṉa!

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Iruruputo 2:19

Aṉata a redanikou ko aqasiele ama quli aukale ni a erekou ṉaloṉalo ama quli miduku kale. Sai ta dara kota elou, ni uza, ni mota kama kolu,

Iruruputo 2:43

Ni se apositolo madu ta ke erekake kubo urikato ni aqasiele ama iruruputo, so sole kiadama maba poso ta komai sukatake vo Baṉara tava paṉao.

Iruruputo 21:28

Ni eri kikelake matuma kora kale, “Me Izireli amu mela! Tauveṉelomo! Nea maba inio vo o erekani ko nianiiekato kiadamu kasi kiadama zae poso kale tu o kapakapaemou se Izireli ama maba poso, ni vo Mosese ko Bazu, ni komia Jelepade. Ni erisaṉa ta vota mata o mati kue se pui Jiu amu Jelepade ko poro kale ni seko kapakapato ta lula sarosaroro ko ikala komia tabu ama pade!”

Iruruputo 22:8

Ni aṉata a vati tiorikake, ni eri va kialake, ‘Lalaṉa inio ṉo, Lekasa?’ kialake. Ni vota eri kiolake, ‘Aṉa Jisu Nazaretia lala, aṉa ṉoṉo niumaniumaelani lala,’ la kiolake.

Iruruputo 24:5

Eṉeta lula ṉevai potoi nea maba ta vota matu ruqe meomeo kala maba, ni o taniekani ko ṉiṉoreo ko ikirato se Jiu amu kasi peuru ma peuru kale ke evani, ni vo inio kala pado se Nazareti ama poqala ko kuleto ota ka evani.

Iruruputo 26:26

Aikovakova Aqiripa, aṉata parani putole a besia ṉokasi, ako ṉota ṉoqai nianiia kiadama komi quli sole. A duvevo pueka ta ṉota lula ṉo viqa komia kiadama koko ereima quli, ako komi quli ta pui ko mutaivako kama livaṉale sole.

Iruruputo 26:9

“Lulali aṉa melai a qerukerutake ta sidopu ikio tu aṉata a erekou kiadama quli aṉa aqai kanaekiko ama vo Nazareti ala Jisu ko ṉi.

Iruruputo 3:12

Nio Pita ta o meake sea maba poso, ni eri ma kiolake, “Me Izireli amu mela, noi sole inio meta aqasiele meqai eva komi quli, ni noi sole inio meta me doiritoiriqela eqe? Me qerukeruta ta qe ṉavi eqeko pizato ni tabu kale inio eqeta qe taliekiva nea maba kimela kio?

Iruruputo 3:6

Melai Pita ta eri kiolake vokasi, “Aṉata puliama siliva ni qolo seleni salala, melai aṉata ikoana ka pado quli salala ni ko quli kio a qatiṉou ṉo. Sole vo Nazareti ala Jisu ko ṉikale aṉata a bazueṉa ṉo tu ṉota loje ni tali!” va kiolake.

Iruruputo 4:10

sole mea kiada mela ta meqai nianiiovou, ni kiadama Izireli qoqono melai uri tu kekai nianiiovou, ta nea maba koi o lojoani meko tanama kale ta ota maba urikala, vo Jisu Karisito o ṉi sala maba Nazareti ala ko pizato kale, vo meme vouvaeveni korosi topi ni vo Baṉara mata o saeviveni voukale azo.

Iruruputo 5:35

so maqa inio vota eri kiolake sea tanatanamu kasi, “Me Izireli amu mela, meta taka balauvomo ko me meqai zariako mai ereko nia maba poso.

Iruruputo 6:14

Eṉeta ṉeda va viqala ta voa Nazareti ala Jisu ta o biresukou ko Jelepade ni vota o besiekou kiadama animeko bazu poso koko vikima anime tona Mosese kasi azo!” kikelake.

2 Koriniti 12:12

Koa kubo aqasiele ama urikato ni aqasiele ama iruruputo ko aṉa kiada keru a erekema mekasi ta kasa ko ika ta aṉata apositolo lala, sole ko male tu meta me duvevo pueko aṉako apositolo elo.

Hiburu 2:4

Koa taku kale vo Baṉara ta o mati vinaekake ko voko pizato kale, voko ereko kale kiadama aqasiele ama iruruputo ni voko puariko kale azaazama iruruputo ko pizato Tabu ala Auvana kasi azo ko kuevako o ṉaviko vatolo kale.