Iruruputo 2:20 - BAṈARA KO VAIRU AMA LEVELEVEO

²⁰ vo ṉaniu ta kutumana ota elou, ni kaboso ta dara jaria diridiri ota elou, puliako vo Lekasa ko matuma ni ṉaṉaidara kama Ṉaniu barolo.

Iruruputo 2:20 교차 참조

Matiu 24:29

Ni vo Jisu ta mata eri kiolake sekasi, “Ni koa tapata poso ko tova nio vo ṉaniu ta kutumana inio obeta elou, ni kaboso ta pui opa talolou, ni ko suti ta kota pialou aukale azo, ni ko okate ama pizato ta kota vezovezokatou.

Matiu 27:45

Ni ṉadale inio kutumana ta ko boulukake koa Jerusalema ko pado ama levoano, zouke aoa tiniavo, ti kobe kai baroake matu sebiviuru keru.

Maka 13:24

Ni vo Jisu ta obeta olake pesio ni eri kiolake, “Ni koa tapata poso ko tova nio vo ṉaniu ta kutumana ota elou, ni kaboso ta pui opa talolou,

Luke 21:25

Ni Jisu ta mata eri kiolake, “Kama mamola ta ko ereilou ṉaniu ni kaboso ni Suti poso tona. Ni se peuru ma peuru kale ama maba poso ta keta ka ṉalou ko ivere ni koko qeo ko ovaṉo.

Iruruputo 2:19

Aṉata a redanikou ko aqasiele ama quli aukale ni a erekou ṉaloṉalo ama quli miduku kale. Sai ta dara kota elou, ni uza, ni mota kama kolu,

Iruruputo 2:21

Nio vo o paseko ala ko tauvezato vo Lekasa kasi ta o pakiovou.’

1 Koriniti 5:5

meta me luavivou nea maba Setani kasi tu voko tupu kale ama zario ta ko epezou voko tolailo kale, inio vota o pakiovou vo animevo Lekasa Jisu okai vaito ama Ṉaniu kale.

1 Tesalonaika 5:2

Ako meta meqai uria nianiia sole koa taku vo Lekasa Jisu okai vaito ama ta kota barolou puliala maba opa kai nianiiovo avo, omadeuvo vo kuilokuilo ala maba vo o kuevani ipu kale jari.

2 Pita 3:10

Melai vo Baṉara ko ṉaniu vo Lekasa Jisu oka vaito ama ta kala maba o kuilani ko kilo jari nio ko elou. Ni koa ṉaniu kale inio ko au ta kota parakou matuma tibaraputo kale, ni kiadama quli aukale ama ta ko niaqariovou uza kale. Ni miduku ni kiadama quli saizama ta kota siqailou.

2 Pita 3:7

Ni koa omadeuma vo Baṉara ko pesio kio ko kati vaila ko erisaṉama au ni peuru ma peuru, anime mebe kai evako. Ni komia omuqa quli ta kobeta taruana tu ko siqailou uza kale. Ni kota kobeta taruanou ti kobeta barolou se Baṉara kevai keduani maba poso ke titiziovou keru ti ke ṉamuilou keru heli kale.

Kelokelozato 16:8

Ni voa ariku ala mateana ta o raibikake ṉaniu topi voko lolulolu Baṉara ko korakorailo sama, ni vo ṉaniu ta o siqaemake se maba poso voko matuma soperato sama siqato kale.

Kelokelozato 6:12

Ni so keru voa Sipi Meqora o rupasike keru koa varimujama vinavina inio aṉata a qeake matuma nunu ta kota evake, nio vo ṉaniu ta mukamuka kama suma jaria matu sibisibi ota evake, ni vo kaboso ta maba dara jaria diridiri ota evake.