Iruruputo 19:8 - BAṈARA KO VAIRU AMA LEVELEVEO

⁸ Ni vo Paula ta o amaqeake mati se Jiu amu ko ilusato ko pade kale ni zouke kaboso vota parani putole o bazubazutake sai ke ilusatani maba poso kasi. Vota omai titiake se ni o madoekake mai nianiiekiko vo Baṉara ko lekasa puo.

Iruruputo 19:8 교차 참조

Iruruputo 1:3

Ni ariku toni ṉaniu ko poro kale voko vou ko tova inio vota omai purapurataitake kubo taku matu zakaremu ama kalo kale, tu seta pui niuniala kekai elo ta vota lula mata ota saevala kio, ni seta ke veake vo, ni vota omai bazuekake se vo Baṉara ko lekasa puo.

Iruruputo 13:14

Ni nioqata qopeta olake talio ni qo baroake Anitioko peuru kale Pisidia rana, ni Sabati ṉaniu kale inio nioqata qo amaqeake Jiu amu ko ilusato ko pade kale ni qo papuake sai.

Iruruputo 13:46

Melai Paula ni Banabasi ta matu parani putole qo pesiake ni eri kiqolake, “Ko male ikio tu mekasi nio kuleto ko kaseilo vo Baṉara ko bazu, melai meta meda ka lupaova viqo ko ti lula kuiripato saṉa meda eva me ṉavi ni pui me malezika ko noqola kama saevo, so sole eqeta qe vaemelou me ni qeta ziovou pui Jiu amu kasi.

Iruruputo 14:1

Ni Aikoniami peuru kale melai koa omadeuvo ama iruruputo kobeta ereivake: Paula ni Banabasi ta qo amaqeake se Jiu amu ko ilusato ko pade kale, ni koa omadeuvoa bazubazuto qo evake, ni matu kubo madu se Jiu amu ni pui Jiu amu ta ke tuvevo putake.

Iruruputo 17:17

So sole vota Jiu amu ko ilusato ko pade kale o mati pesipesitake se Jiu amu ni se pui Jiu amu Baṉara ke ilusivani, ni so jari kiadama ṉaniu maketi pade kasi o mati pesipesitake se sai ke alokatani maba poso.

Iruruputo 18:19

Ni seta ke varerikake Epesasi, sai vo o vaekekoi Pirisila ni Akuila. Sai nio vota o amaqeake se Jiu amu ko ilusato ko pade kale ni o mati pesipesitake se Jiu amu.

Iruruputo 18:26

Ni Apolosi ta parani putole o bazubazutake se Jiu amu ko ilusato ko pade Ni Pirisila ni Akuila ta qota va viqake voko bazubazuto, Saita inio nioqata qo odievake vo ni qo vati olake nioqako pade kasi ni nioqata sidopua zakaremu pueko qovai evake vo Baṉara ko keve.

Iruruputo 18:4

Ni vota o bazubazutake Jiu amu ko ilusato ko pade kiadama Sabati ṉaniu poso kale tu o madoeko lilimo se Jiu amu ni se sai ke lotumatani Quriki amu.

Iruruputo 19:10

Komi quli ta omuqa sabere kota ereivake, so sole kiadama maba se Eisia rana ke evani, Jiu amu ni pui Jiu amu, ta ke viqake vo Lekasa Jisu ko bazu.

Iruruputo 19:7

Ni sea poso ko ataataiti ta kama toni omuqa madu.

Iruruputo 19:9

Melai kake ta zokele bulo keta evake ni seta pui ke tuvevo putake, ni seta kekai balebaleitake vo Baṉara ko keve koa matuma padopadoilo maba ko tanama kale. So sole Paula ta o odiemake seke tuvevo putani ni o mati olake, ni kiadama ṉaniu poso kale seta ke pesipesitake vo Tairanasi ko nianiiekato ko pade kale.

Iruruputo 20:31

So sole vailomo, ni kerukeruekomo aṉako nianiiekimelo mea kiada mela kubo deumu sate ipu ni ṉaniu zouke sabere ko poro kale.

Iruruputo 28:23

So sole seta ke takumukake ko ṉaniu Paula sate, ni matuma vaki ta ke kuevake koa ṉaniu kale sai vo Paula o evakoi. Nio vikale azo ti kobeta baroake ipu kale vota zakaremu omai ikake vo Baṉara ko lekasa puo voko bazubazu kale, ni vota matuma pesipesi o mati erekake se voko zakaremu pueko kale Mosese ko Bazu ni poropita madu ko riki ko kasekako quli, tu tuvevo ke ivo vo Jisu.

Jiudi 1:3

Aṉako baerebaere poso mela, aṉata aqa matu zariovi tu rikito mekasi tu kai bazuto ko pakio animea kiada mela me ṉeamukako, melai aṉata a qea ta uri tu a rikito mekasi tutumazi avole tu a mela titio meko piza kai oqu koa tuveano besizio pide ama vo Baṉara lula o katimelema me voko mabamu mela.