Iruruputo 19:22 - BAṈARA KO VAIRU AMA LEVELEVEO

²² So sole vota o soroekake voko omuqa tauvezato ko maba kidi Timoti ni Erasitasi Masedonia rana kuleto, melai o ṉavi ta obeta evake Eisia vasia rana saita.

Iruruputo 19:22 교차 참조

Iruruputo 13:5

Ni so keru nioqa qo varerike keru Salamisi peuru kale inio nioqata qokai bazubazutake vo Baṉara ko bazubazu saizama Jiu amu ko ilusato ko pade poso kale. Ni nioqata qo vati keve vo Jone Maka tu vota o tauvezato koa iruruputo kale.

Iruruputo 16:1

Ni Paula ni Sailasi ta qo olake Debi ni sai kazo Lisitara peuru kale sai kala lotu maba o evakoi o ṉi ta Timoti va kikelani. Voko niania melai kama pado lotu maba, kota Jiu ama, melai vovo mama ta Quriki ala.

Iruruputo 16:3

Nio vo Paula ta ova zariake odievo vo Timoti tu vota o luluevo vo kiolake, so sole vota o movevake vo. Vota so o movevake vo ako kiadama Jiu amu seke evani koa omuqa peuru kale amu ta lula ke paqumuke ta Timoti vo Mama ta Quriki ala sole.

Iruruputo 18:5

Ni so keru Sailasi ni Timoti qo baroake sai Masedonia azo, Paula ta okai iruruputake voko pado ama taku kai bazubazutole ko bazubazu, ni vota oma matu kasevake se Jiu amu vo Jisu vo inio vo Baṉara o soroeveni Pakio kiolake.

Iruruputo 19:10

Komi quli ta omuqa sabere kota ereivake, so sole kiadama maba se Eisia rana ke evani, Jiu amu ni pui Jiu amu, ta ke viqake vo Lekasa Jisu ko bazu.

Iruruputo 19:21

Ni ko quli poso ko ereilo ko tova inio Paula ta o vatoeke tu o zio Masedonia ni Akaia ranama peuru poso kale ni soa beta zio Jerusalema. Ni eri kiolake, “Sai a ziovou saita, inio Romu peuru melai aba soipikou,” kiolake.

Iruruputo 19:29

Ni matuma tibaraputo kota evake koa pado ama peuru kale. Ni seke ikiratani ta ke saputikake Qaiasi ni Arisitakasi, nioqata Masedonia nioqa qo lulueveni nioqa vo Paula, ni ke rerikiniake seko padoilo ko matu zaekale.

Iruruputo 20:1

Ni koa ṉiṉoreo ko epezake, nio Paula ta o padoemake se disaipeli madu ni o zuvarimake se ni o uluemake se. Ni vota ota zolaike ni ota olake Masedonia peuru poso kale.

Iruruputo 20:34

Ni meta lula meqai nianiia ko aṉata a irurupute komia aṉako ṉase kale tu a dabariko kiadama quli a baerebaere poso ni a ṉavi ṉeqa zarima quli.

Romu 16:23

Vo Qaiasi, vo aṉa o ranelani voko pade kasi, sai lotu qoqono ko padoivakoi, ta o melai soroeka voko roquano. Ni Erasitasi, vo o kati vailani ko takula komia peuru kale, ni animeko tamania kale ala Kuatasi melai qo soroeka nioqako roquano.

2 Koriniti 1:16

Ako aṉata a joipimelou me kiave aṉako zio keru Masedonia peuru poso kale ni mata aṉako vaito keru sai kazo sole, tu meta me dauvelo aṉa aṉako Jiudiama ziokale.

2 Koriniti 11:9

Ni so keru koa taku kale aṉa a eve keru mekasi aṉata pui tapata aba melai ike me so keru aṉa seleni aqa zaria keru; ako animeko lotu tamania kale amu seke kuevini Masedonia azo ta ke lati kue kiadama quli ko aṉa aqa zariovima quli. Kobeta kavani ko paloasako taku kale jari, ti kobeta kalou koko kuevako taku kale; aṉata maba pui riteraite aba melai ikou me kama quli.

2 Koriniti 2:13

Melai aṉata matu duki ada evake, ako aṉata pui a veake vo animevo lolo Taitasi sole. So sole aṉata a qasekake aṉako uluto sama pesio sea maba poso kasi ni aṉata ada olake Masedonia peuru poso kale.

2 Koriniti 8:1

A qaka ni visi poso mela, eṉeta ṉe mela zaria me tu meta kai nianiiomo vo Baṉara ta lula kasa o ika voko roquano koa kiadama Masedonia peuru poso kale ama lotu qoqono poso kale.

2 Koriniti 8:19

Koko topi tiniavo inio vota lula ke pitoeva kiadama lotu qoqono tu vota o zomano talio eṉe sase komia eṉeko roquano sama pikazato ko iruruputo kale, ko animevo Lekasa ṉaṉaidara ko ivako, ni ko kasa ko ikako eṉeko ka zario tauvezato.

1 Tesalonaika 1:8

Ako vo Lekasa ko bazu ta ko tanite mekasi ni kota ko aere koa pado ama Masedonia ni Akaia rana ko evako peuru poso kale, ni pui sai ko kiada, melai meko vo Baṉara vai oqu ko bazu ta kokai zaroa kiadama zae poso kale. So sole pulia quli mata ikoana tu eṉeta ṉe qaseko ko meko oqu ko bazu.

2 Timoti 4:20

Erasitasi ta ota loiva Koriniti peuru kale, ni Toropimasi ta a vaeve Miletasi peuru kale, ako ota verepe sole.