Iruruputo 19:13 - BAṈARA KO VAIRU AMA LEVELEVEO

¹³ Nio kake se Jiu amu seke lipilipitani ni ke rerikani ko ziolo poso, se melai ke madoekake kai iruruputo vo Lekasa Jisu ko ṉi se ziolo komai onobatani kasi kikelake. So sole seta eri kikelake se ziolo poso kasi, “Aṉata a akoemela me vo Jisu ko ṉikale, vo Paula ovai bazubazutani,” kikelake.

Iruruputo 19:13 교차 참조

Matiu 12:27

Ni meta eri kimela, ‘Vo Setani inio o kativa vo ko pizato ni vota o rerika ko ziolo,’ kimela. Zio, ta lala inio o katimeni ko pizato meko disaipeli madu inio seta ke rerika ko ziolo poso? Vo Setani inio o katima koa pizato? Pui! Sole ko quli se meko disaipeli madu ke erekako quli kale inio ko tuvevo pueka ta meta meda saruiva inio.

Matiu 26:63

Melai Jisu ta pui o pesiake. Nio vo Nisa Siama ta mata eri kiolake vokasi, “Vo saevola Baṉara ko ṉikale aṉata maulu aṉa pika. Tu ṉota bazueṉela eṉe, ṉo inio voa Pakio ṉa vo Baṉara vo Meqora ṉa?” kiolake.

Maka 5:7

Nio vo Jisu ta o bazuekake koa ziolo tu ko saqoro voa maba kale azo. Nio koa ziolo ta kota karakararautake matuma kora kale ni eri kikolake, “Jisu, vo matu raura kala Baṉara vo Meqora ṉa! Noni ṉo ilo kinola inio aṉa? Vo Baṉara ko ṉikale, aṉata a baseṉa ṉo tu pui ṉo qoqotaelo aṉa,” kikolake.

Maka 9:38

Ni vo Jone ta eri kiolake vokasi, “Tanala, eṉeta ṉe veala kala maba vo obe rerikani ko ziolo ṉoko ṉikale, ni eṉeta ṉe bazuevala vo tu o epezo, ako vota pui anime kale ala sole,” kiolake.

Luke 11:19

Melai aṉata koa pizato kale soa reriko a eva ko ziolo poso tea, seke luluemelani me melai koa pizato kale inio ke reriko ko ziolo poso. So sole me ke luluemelani ta ke paqumuka ta meta meda saruiva meko kerukeru kale!

Luke 9:49

Ni Jone ta eri kiolake, “Lekasa, eṉeta ṉe veala kala maba vo obe rerikani ko ziolo ṉoko ṉikale, ni eṉeta ṉe bazuevala vo tu o epezo, ako vota pui anime kale ala sole,” kiolake.

Iruruputo 19:14

Ni sea sikeura tamania, vo Jiu ala raura kala siama Sikeva va kikelani ko lasive meqora poso ta ke erekake koa kalo.

2 Koriniti 11:4

Ako meta meqai zoleiva viqo kama lipalipa kama bazu Jisu ko kasevako kama maba poso kasi seke kuevani mekasi, ko pui aṉa lula aqai bazubazutako mekasi, ni meta meqai zoleiva edoloma auvana ko bazu ko se Tabu ama Auvana ka kikelako, ni meqai zoleiva edoloma lotu bazu ko se Uri ama Bazu ka kikelako, ko eṉe pui ṉeba melai bazuekema!