Iruruputo 19:10 - BAṈARA KO VAIRU AMA LEVELEVEO

¹⁰ Komi quli ta omuqa sabere kota ereivake, so sole kiadama maba se Eisia rana ke evani, Jiu amu ni pui Jiu amu, ta ke viqake vo Lekasa Jisu ko bazu.

Iruruputo 19:10 교차 참조

Iruruputo 13:12

Nio so keru vo qavuna o kea keru koko ereima quli, vota ota tuvevo putake, ako vota matu aqasiele okai evake vo Lekasa Jisu vai nianiiekato sole.

Iruruputo 16:6

Ni seta keta olake koa Pirijia ni Qelesia ranama peuru poso kale kude, ako vo Tabu ala Auvana ta pui o zariemake se tu seta kekai bazubazuto ko Uri ama Bazu Eisia ranama peuru poso kale sole.

Iruruputo 18:11

So sole Paula ta o evake sai omadeu ka kobu sabere, ni vota omai nianiiekikake vo Baṉara ko bazubazu.

Iruruputo 18:4

Ni vota o bazubazutake Jiu amu ko ilusato ko pade kiadama Sabati ṉaniu poso kale tu o madoeko lilimo se Jiu amu ni se sai ke lotumatani Quriki amu.

Iruruputo 19:20

Nio koa piza kama keve kale inio vo Lekasa Jisu ko bazu kobeta olake aera ni lilimo matu kubo madu.

Iruruputo 19:22

So sole vota o soroekake voko omuqa tauvezato ko maba kidi Timoti ni Erasitasi Masedonia rana kuleto, melai o ṉavi ta obeta evake Eisia vasia rana saita.

Iruruputo 19:8

Ni vo Paula ta o amaqeake mati se Jiu amu ko ilusato ko pade kale ni zouke kaboso vota parani putole o bazubazutake sai ke ilusatani maba poso kasi. Vota omai titiake se ni o madoekake mai nianiiekiko vo Baṉara ko lekasa puo.

Iruruputo 2:9

Ako kake mela anime ta Patia azoa mela, ni kake mela ta Midia, ni Ilamu ni Mesopotemia azo, ni Jiudia, ni Kapedosia azo, ni Ponitasi, ni Eisia azo,

Iruruputo 20:18

Ni so keru seke baroa keru, vota eri kiolake sekasi, “Meta meqai nianiia aṉa a qaevo koa pado ama taku kale aṉa a eve keru me sate, so keru aṉa a baroi keru azo komia Eisia rana.

Iruruputo 20:31

So sole vailomo, ni kerukeruekomo aṉako nianiiekimelo mea kiada mela kubo deumu sate ipu ni ṉaniu zouke sabere ko poro kale.

Iruruputo 6:9

Melai kake Jiu amu “Ruparupasi amu ko ilusato ko pade” ka kikelako poqala kale amu ta pui keka zariake tu vo Sitiveni ta ovai bazuto vo Jisu. Seta Sairini ni Alekezadaria azo ke kuevini Jiu amu. Ni se ni mata Silisia rana ni Eisia ranʼazo ke kuevini Jiu amu ta ke tanitake vati zolizoliekinio vo Sitiveni.

Romu 1:16

Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu.

Romu 10:12

Komi ta ko tuboemela kasemelo animea kiada mela, ako anime Jiu amu mela ni anime pui Jiu amu mela ta puliama koko edolovo sole; Baṉara inio animea kiada mela vo Lekasa vo mauru o imelani animea kiada mela ni o nokaemelani vokasi.

Romu 10:18

Nio noi nio: tuvevo ikio ko seta pui kepa viqe koa Bazu kio? Koe, seta maba ke uria viqe—omadeuvo ko Tabu ama Riki kikolani jari: “Seko pesio ko kora ta lula kokai zaroa kiadama peuru ma peuru; seko pesio poso ta lula ko baroa au ko sipo kasi,” kikolako.

Qelesia 3:28

Ako vo Jisu Karisito omadeu saevo me vati evani mela kale ta puliama koko azavo sole se Jiu mu ni pui Jiu amu, ni puliama koko azavo mabaku ni ruparupasi ala maba, ni puliama koko azavo se rekoreko ni lasive amu, ako mea kiada mela ti omadeuvo vo Jisu Karisito kale sole vo Baṉara ko kelokelozato kale.

Kolosi 3:11

So sole vo Jisu Karisito omadeu saevo me vati evani mela kale ta puliama koko edolovo se pui Jiu amu pui movemove amu ni se Jiu amu lula movemove amu, ni se edolokoi kazo amu, ni se piru ama siqoa maba poso, ni se mabaku poso, ni se pui mabaku poso. Animea kiada mela ta omadeu me eva Karisito kale vo raura kala.

2 Timoti 1:15

Ṉota ṉomai nianiia kiadama lotu maba se Eisia peuru poso kale amu ta lula ke vaele aṉa, Puqelasi ni Hemoqenesi melai qota la soqoi.

1 Pita 1:1

Aṉa Pita lala, vo Jisu Karisito vo apositolo lala, ta a joroeka komia riki mekasi, vo Baṉara ko pitopito ama qoqono mela kasi meme vaekeni mela meko peuru poso, ni me birebireini mela Ponitasi rana ni Qelesia rana, ni Kapadosia rana ni Eisia rana ni Bitinia rana.

Kelokelozato 1:11

Nio kota eri kikolake, “Rikieka ko ṉoṉo qeako quli, ni soroeka koa riki koa sikeura lotu qoqono kasi ko kobeta evako Epesasi, Samena, Peqamami, Taiataira, Sadisi, Piladelepia ni Leodisia,” kikovema.

Kelokelozato 1:4

Aṉa Jone lala ta a joroeka aṉako roquano mea sikeura lotu qoqono Eisia rana me evani mela kasi. Pakiezato sama roquano ni bule vo Baṉara kasi azo ko kuevako ta meko, vo koko tanitanila kale o eveni, ni vo erisaṉa obeta evani, ni vo mainio opa kilo ala, ni koa sikeura auvana kasi azo ama koko evako voko papupapu ko kuleto,