Iruruputo 18:4 - BAṈARA KO VAIRU AMA LEVELEVEO

⁴ Ni vota o bazubazutake Jiu amu ko ilusato ko pade kiadama Sabati ṉaniu poso kale tu o madoeko lilimo se Jiu amu ni se sai ke lotumatani Quriki amu.

Iruruputo 18:4 교차 참조

Luke 16:31

Melai Ebarahami ta o vati tiorikake vo ni eri kiolake, ‘Seta pui keta ma viqou ni luluekou Mosese ni poropita madu kikevevo, ta seta mata pui kepa tava viqou kala vo o saevo ala voukale azo,’ kiolake.”

Luke 4:16

Ni Jisu ta o olake Nazareti peuru kale, sai voko rusu keru o evekoi, ni vota o olake Sabati ṉaniu kale ilusato ko pade kale kiada keru obeta kavani. Ni vota o lojoake sai tu o tiromiko ko Tabu ama Riki,

Jone 7:35

Nio se Jiu ama tanatanamu ta eri kikelake ke ṉavio kude, “Lai nio vo o ziovoa koi inio animeta pui meba roveovo avo velo vo? Ota ziovou nio se Quriki amu ko matu peuru kale sai Jiu amu ke evakoi, tu opa nianiiekimo se Quriki ama maba poso kio?

Iruruputo 13:14

Ni nioqata qopeta olake talio ni qo baroake Anitioko peuru kale Pisidia rana, ni Sabati ṉaniu kale inio nioqata qo amaqeake Jiu amu ko ilusato ko pade kale ni qo papuake sai.

Iruruputo 14:1

Ni Aikoniami peuru kale melai koa omadeuvo ama iruruputo kobeta ereivake: Paula ni Banabasi ta qo amaqeake se Jiu amu ko ilusato ko pade kale, ni koa omadeuvoa bazubazuto qo evake, ni matu kubo madu se Jiu amu ni pui Jiu amu ta ke tuvevo putake.

Iruruputo 17:11

Ni saizama maba poso ta uri ama kerukeru samu pui se Tesalonaika mu jaria ruqe amu. So inio seta ke matu uria didiekake ko bazubazu, ni kiadama ṉaniu seta ke tiromikake ko Tabu ama Riki tu keta ka kelo vo Paula ni Sailasi kiqolani koko tuveano kikelake sole.

Iruruputo 17:17

So sole vota Jiu amu ko ilusato ko pade kale o mati pesipesitake se Jiu amu ni se pui Jiu amu Baṉara ke ilusivani, ni so jari kiadama ṉaniu maketi pade kasi o mati pesipesitake se sai ke alokatani maba poso.

Iruruputo 18:13

Ni seta eri kikelake, “Nea maba ta omai titia se maba poso tu seta ke ilusivo vo Baṉara bazu ko bikoirikako kalo kale!” kikelake.

Iruruputo 18:19

Ni seta ke varerikake Epesasi, sai vo o vaekekoi Pirisila ni Akuila. Sai nio vota o amaqeake se Jiu amu ko ilusato ko pade kale ni o mati pesipesitake se Jiu amu.

Iruruputo 19:26

Ni erisana, meta meqai nianiia ni me viqa nea maba Paula o erekako quli. Vota eri kiola, maba madu ṉase kale ke erekako beku baṉara poso, ta pui tuvevo ama baṉara poso kiola, ni vota lula o lilima matu kubo maba madu komia Epesasi peuru kale amu ni sipole kiadama komia Eisia ranama peuru poso kale amu.

Iruruputo 19:8

Ni vo Paula ta o amaqeake mati se Jiu amu ko ilusato ko pade kale ni zouke kaboso vota parani putole o bazubazutake sai ke ilusatani maba poso kasi. Vota omai titiake se ni o madoekake mai nianiiekiko vo Baṉara ko lekasa puo.

Iruruputo 26:28

Nio Aqiripa ta eri kiolake Paula kasi, “Ṉo qerukeruta ta komia puju ama taku kale inio Karisito o luluevani maba ṉo ilo kinola kio?” kiolake.

Iruruputo 28:23

So sole seta ke takumukake ko ṉaniu Paula sate, ni matuma vaki ta ke kuevake koa ṉaniu kale sai vo Paula o evakoi. Nio vikale azo ti kobeta baroake ipu kale vota zakaremu omai ikake vo Baṉara ko lekasa puo voko bazubazu kale, ni vota matuma pesipesi o mati erekake se voko zakaremu pueko kale Mosese ko Bazu ni poropita madu ko riki ko kasekako quli, tu tuvevo ke ivo vo Jisu.

Iruruputo 9:20

Ni vota tutumazi avole o olake se Jiu amu ko ilusato ko pade poso ni o tanitake kai bazubazuto ta vo Jisu ta vo Baṉara vo Meqora inio kio.

2 Koriniti 5:11

So inio koa titizato ko ṉaniu ko kerukerueko kale ta eṉe melai ṉe baqumuka animevo Lekasa tava paṉao ko kalo, Sokale inio eṉeta ṉe madoeka tu mai tuvevo pueko eṉeko sidopu ama vatolo se maba poso. Vo Baṉara ta okai uria nianiia eṉeko uri ama vatolo, nio aṉako zario ta me melai so padoa nianiio me ṉelai elou eṉe meko kerukeru kale.