Iruruputo 18:26 - BAṈARA KO VAIRU AMA LEVELEVEO

²⁶ Ni Apolosi ta parani putole o bazubazutake se Jiu amu ko ilusato ko pade Ni Pirisila ni Akuila ta qota va viqake voko bazubazuto, Saita inio nioqata qo odievake vo ni qo vati olake nioqako pade kasi ni nioqata sidopua zakaremu pueko qovai evake vo Baṉara ko keve.

Iruruputo 18:26 교차 참조

Maka 10:15

Meta kerukeruekomo komi! Se meqora poso pui kubo kerukeru kale ke koani ko puaro jaria kovo me elou vo Baṉara ko lekasa puo pado inio me roveovou amaqeo voko lekasa puo kale tu kai zomanole voko mauruto.”

Luke 19:26

Ni vota eri kiolake, ‘Aṉata a bazuemela me, vo uria kai iruruputo o evani vo o koako ta vovo lekasa ta mata o kativou vo mata kama, tu kota kubo kova elo. Melai vovo lekasa ta ota va kovou vo pui okai uria iruruputani voko puaro koa silo pala melai.

Luke 24:27

Nio Jisu ta oka zakaremu puekake nioqa Tabu ama Riki kikovevo vokale avo, Mosese o rikiekema buka poso kasi azo ti kiadama poropita madu ko riki poso kasi.

Jone 7:17

Vo oka zariani ereko vo Baṉara oka zariako quli ta okai nianiiovou aṉako nianiiekato ta ko kuevako Baṉara kasi azo kio ma aṉata a qaseka a ṉaviko pizato kale pala kio.

Iruruputo 14:3

Ni omuqa apositolo ta matu tu keu elo qota evake sai, ni nioqata parani putole qovai bazubazutake vo Lekasa Jisu, vo oka tuvevo puekeni nioqako bazubazuto kale voko pakiezato sama roquano voko katiko kale nioqa ko pizato tu qo ereko aqasiele ama iruruputo.

Iruruputo 18:18

Ni Paula ta o evake seke tuvevo putani sase matu kubo ṉaniu Koriniti peuru kale, ni koko tova vota o vaemake se ni ota zazuake kala tepe vaka topi tu o vaito Siria. Ni Pirisila ni Akuila melai qo luluevake vo. Vo Paula ta lula ota tabutabui voko pui kobueko kale voko tou, ni kota kobeta okote voko tabutabuo ko taku, so sole puliako tadao vaka kale Senikeria azo vota mata o kobuekake ko.

Iruruputo 18:25

Ni vota kevai uria nianiiekikeni vo Lekasa ko keve, ni matuma lainizato sate o bazubazutani ni sidopua kai nianiiekato okai evani vo Jisu ni voko kalo. Melai Jone ko bapitaiso ko kiada ikio vo okai nianiiako.

Iruruputo 19:8

Ni vo Paula ta o amaqeake mati se Jiu amu ko ilusato ko pade kale ni zouke kaboso vota parani putole o bazubazutake sai ke ilusatani maba poso kasi. Vota omai titiake se ni o madoekake mai nianiiekiko vo Baṉara ko lekasa puo.

Iruruputo 28:23

So sole seta ke takumukake ko ṉaniu Paula sate, ni matuma vaki ta ke kuevake koa ṉaniu kale sai vo Paula o evakoi. Nio vikale azo ti kobeta baroake ipu kale vota zakaremu omai ikake vo Baṉara ko lekasa puo voko bazubazu kale, ni vota matuma pesipesi o mati erekake se voko zakaremu pueko kale Mosese ko Bazu ni poropita madu ko riki ko kasekako quli, tu tuvevo ke ivo vo Jisu.

Iruruputo 8:31

Nio voa raura kala maba ta o opatake ni eri kiolake, “Noni kale inio aṉata a vakakukou puliala ta ola zakaremu puekou ko tea?” kiolake. Nio vota o pasevake vo Pilipi tu o zazu koa totiaqolo topi. Sole vota o zazuke ni o papuake sai vo sase.

1 Koriniti 12:21

So sole vilu ta pui eri pa kiovou ṉase kasi, “Aṉata pui aṉa zaria ṉo!” Ni lezu ta pui so pa kiovou omuqa kiti kasi, “Aṉata pui a qela zaria qe!”

1 Koriniti 3:18

Puliala maba ta opa lipailou o ṉavi. Kala me azo voko kerukeru kale ta nianiiola komia ruqe ama peuru ma peuru kale ama nianiio kale kiovou, uri tu vota sidopu o elou, komia ruqe ama peuru ma peuru kale amu sarube ka kikelako sidopu. So inio vota tuvevo avole nianiiola ota elou vo Baṉara ko kelokelozato kale.

1 Koriniti 8:2

Ni kala maba ta vo inio vo matu nianiiola kiovo ala voko kerukeru kale, vota pui nio okai baroa koa nianiio koko male tu kai nianiio.

Hiburu 6:1

So sole animeta me zuato koa nianiiekato, ko muqaro ko imelo ama anime auvana kale, tu pui me noqoeko pala ko kuleto ama quli lotu ko. Koa kuleto ama quli lotu ko ta pui me dova tanieko zakaremu pueko, ko eri ama: ko lilizio utu ama iruruputo ko ereko kale azo, koko melati ziovo ama auvana kale ama voukale; vo Baṉara vai oqu,

2 Pita 3:18

Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.