Iruruputo 18:24 - BAṈARA KO VAIRU AMA LEVELEVEO

²⁴ Ni koa taku keru inio kala Jiu ala Apolosi o ṉi sala, Alekezadaria o alileni, ta o kuevake Epesasi peuru kale. Vota kala nianiiola maba ni o uria patapataekani ko Tabu ama Riki.

Iruruputo 18:24 교차 참조

Matiu 13:52

Nio Jisu ta mata eri kiolake sekasi, “So inio kiadamu vo Mosese ko Bazu ko nianiiekato ko maba poso se kekai nianiiani ko vairu ama nianiiekato vo Baṉara ko lekasa puo ko, ta vo pade sala jari vo o saqorikani voko lomaloma vairu ama ni tana kama voko lomaloma o tukiekakoi kazo.”

Luke 24:19

Nio Jisu ta o kati tiorikake nioqa ni eri kiolake, “Loma quli kio ko ereilama?” kiolake. Nio nioqata qo vati tiorikake vo ni eri kiqolake, “Vo Nazareti ala Jisu kasi ko ereilama quli. Voa maba ta kala poropita ni voko piza kama rukuruku kale ni voko aqasiele ama iruruputo kale ta kasa ko eve ta vota Baṉara o roveani kerukeruevo ni kiadama maba poso melai kevai zoleivani.

Iruruputo 18:19

Ni seta ke varerikake Epesasi, sai vo o vaekekoi Pirisila ni Akuila. Sai nio vota o amaqeake se Jiu amu ko ilusato ko pade kale ni o mati pesipesitake se Jiu amu.

Iruruputo 18:21

Melai voko uluemo kale se vota eri kiolake, “Vo Baṉara ko vato ko elou ta aṉata a vaitou mekasi,” kiolake. So sole vota ota tadaoke Epesasi azo.

Iruruputo 18:28

Ako voko piza kama zakaremu puto sama pesio kale inio vota zara o imake se Jiu amu voko vaki ale ama tuvevo taka kaseko kale ko Tabu ama Riki kikolani ta vo Jisu inio vo Baṉara o soroeveni Pakio.

Iruruputo 19:1

Ni so keru Apolosi Koriniti peuru kale obeta eva keru inio Paula ta ota kai taliake koa rana vasi ama koko kiṉu ni o baroake Epesasi. Ni vota o toraemake kake seke tuvevo putani sai

Iruruputo 27:6

Sai nio voa sirula ta o veake kala vaka Alekezadaria azo, Itali o zio kiolani, so sole vota o zazueṉelake eṉe sai.

Iruruputo 6:9

Melai kake Jiu amu “Ruparupasi amu ko ilusato ko pade” ka kikelako poqala kale amu ta pui keka zariake tu vo Sitiveni ta ovai bazuto vo Jisu. Seta Sairini ni Alekezadaria azo ke kuevini Jiu amu. Ni se ni mata Silisia rana ni Eisia ranʼazo ke kuevini Jiu amu ta ke tanitake vati zolizoliekinio vo Sitiveni.

Iruruputo 7:22

Nio vota ke nianiiekivake kiadama se Ijipi amu ko nianiiekato kale ni vota matula maba o evake pesio kale ni iruruputo kale.

1 Koriniti 1:12

Eri nio ko aṉa so ka kialani. Kala ta so kiola “Aṉata a lulueva vo Paula” kiola. Mata kala ta “Aṉata a lulueva vo Apolosi” kiola. Mata kala ta “Aṉata a lulueva vo Pita” ni mata kala ta “Aṉata a lulueva vo Karisito” kiola.

1 Koriniti 16:12

Animevo lolo Apolosi ko bazu ta eri nio. Aṉata lula a matu zuvariva vo tu vota o lulupato kake animeko lolo poso kasi tu vota o zio mekasi. Melai vota pui oka zaria tu vota o lulupato komia taku kale. Melai so keru vo o kelou keru kama rora inio vota o ziovou.

1 Koriniti 4:6

A qaka ni visi poso, aṉata a rikieka komi quli a ṉavi ni Apolosi ko kaseqelako quli tu a dauvemelo me tu eqeta meko mamola jari qe elo, tu eqe kale meta me vakakatou ko bazu ko kasekako quli, eri kikolako, “Meta luluekomo ko korokoroti ama bazu poso.” Puliala ṉa ta ṉovai rauraraurailou kala maba mata kala kasi azo.

2 Koriniti 10:10

Ako kake ta eri kikelani, “Paula ko riki poso ta vualavuala kama ni piza kama, melai so keru vo koi eṉe kasi o eva keru, ta lekuleku ala voko tupu kale, ni voko bazubazuto melai pulia quli jari!”

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Taitasi 3:13

Ṉota matu madoeka tauveko voa loea, Zinasi, ni vo Apolosi, tu nioqata qo tanieko nioqako talio, tu nioqata qo korotou kiadama quli kale.