Sokale avo inio, tanala, aṉa melai a qerukeruta ta uri tu aṉata a uria lulueko rikieko koa kiadama quli ṉokasi ako aṉata lula a uria vakakuka kiadama ko quli poso koko tanitanila keru azo sole.
Melai aṉata lula a ṉati vararaitala ṉo, Saimone, tu ṉoko oqu ta pui ko maba epezou. Ni so keru mata ṉo ṉola lilitou keru aṉa, ta ṉota ṉo pizatimou ṉoko visi poso,” kiolake.
Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.
Ni Paula ni Sailasi ta qo vaekake ko pirito pade ni qota olake Lidia ko pade kasi. Sai nio nioqata qo toraemake seke tuvevo putani, ni nioqata qo katimake se kama zuvarato sama pesio, ni qota olake.
Ni seta keta olake koa Pirijia ni Qelesia ranama peuru poso kale kude, ako vo Tabu ala Auvana ta pui o zariemake se tu seta kekai bazubazuto ko Uri ama Bazu Eisia ranama peuru poso kale sole.
Ni so keru Apolosi Koriniti peuru kale obeta eva keru inio Paula ta ota kai taliake koa rana vasi ama koko kiṉu ni o baroake Epesasi. Ni vota o toraemake kake seke tuvevo putani sai
Zio, koa takula meko riki kale ko kaseima koko koazailo ama tu ko tauvemo vo Baṉara ko qoqono se Jiudia ke evani. Meta erekomo koa omadeuma quli ko aṉa ama bazuekema se Qelesia ranama lotu qoqono poso tu ke ereko.
Aṉata a rikieka komia riki me Qelesia rana me evani mela lotu qoqono poso mela kasi, ni komia riki ta mata aṉako lotu visi poso kasi azo ama ikio seke evani aṉa kasi.
Aṉata a qaseke komi quli lulavo, melai mata a dova kaseka. Ako kake ta ke melai bazueka sole kama edoloma bazu ko me lula me dukiekema Bazu kasi azo ama, so sole vo Baṉara ko levezo ta ko elou se tona!
Ni tuvevo aṉako vere ta kubo tapata ko katimele me, melai meta pui meba lai kaikuape aṉa ni pui meba perile aṉa. Melai meta me baroekilake aṉa omadeuvo aṉata vo Baṉara ko mateana jari ma omadeuvo aṉata vo Jisu Karisito jari!
Nio eqeta qe soroevake vo Timoti, eqevo visi vo eqe sase ova iruruputani vo Baṉara voko kai bazubazuto kale vo Jisu Karisito ko Uri ama Bazu. Eqeta qe soroeve vo tu o pizatimelo me ni o tauvemelo me meko oqu kale,
Eṉeko visi ni kaka poso mela, eṉeta ṉe basemela me tu meta balauvimomo se utu elo ke evani, ni zuvarimomo seke ṉavani, ni tauvemomo se lekuleku amu seko oqu kale, ni inobe emo kiadama maba poso kasi.
