Iruruputo 18:21 - BAṈARA KO VAIRU AMA LEVELEVEO

²¹ Melai voko uluemo kale se vota eri kiolake, “Vo Baṉara ko vato ko elou ta aṉata a vaitou mekasi,” kiolake. So sole vota ota tadaoke Epesasi azo.

Iruruputo 18:21 교차 참조

Matiu 26:39

Ni vota o sasa vatutake sekasi azo, ni ota iqeiqeake miduku kale ni ota vararaitake ni eri kiolake, “A Mama ṉa, ko rovea tea, tala vatutika komia upotuqu ko kapa aṉa kasi azo! Melai pui ṉo erekou aṉako zario kikolani melai vaeka tu ko ereilo ṉo ṉaviko vatolo kikolani jari.”

Maka 6:46

Nio o vaitoema sea vaki ko tova inio vota ota olake sopu kale vararaitole.

Luke 9:61

Nio kala pado maba ta mata eri kiolake, “Aṉata a lulueṉou ṉo, tanala, melai kuleto zariela tu a zio tu aba uluemo a mabamu saita,” kiolake.

Iruruputo 15:29

meko pui kuo koa sailao ko lula ko katiziako beku poso kasi; ni pui kuo ko dara; ni pui kuo ke rouraekako biaṉa poso; ni balauvomo me ṉavi meko pauvezato ereko kale azo. “Meta me qati vailou komi quli poso inio meta uri ama iruruputo me erekou. “Meta emo sai vo Lekasa Jisu ko roquano kale.”

Iruruputo 18:19

Ni seta ke varerikake Epesasi, sai vo o vaekekoi Pirisila ni Akuila. Sai nio vota o amaqeake se Jiu amu ko ilusato ko pade kale ni o mati pesipesitake se Jiu amu.

Iruruputo 18:20

Ni se maba poso ta ke pasevake vo tu vota tu o keu sai, melai vota pui oka zariake.

Iruruputo 18:24

Ni koa taku keru inio kala Jiu ala Apolosi o ṉi sala, Alekezadaria o alileni, ta o kuevake Epesasi peuru kale. Vota kala nianiiola maba ni o uria patapataekani ko Tabu ama Riki.

Iruruputo 19:1

Ni so keru Apolosi Koriniti peuru kale obeta eva keru inio Paula ta ota kai taliake koa rana vasi ama koko kiṉu ni o baroake Epesasi. Ni vota o toraemake kake seke tuvevo putani sai

Iruruputo 19:17

Ni kiadama Jiu amu ni pui Jiu amu Epesasi peuru kale ke eveni ke viqake koa bazu, ni seta keta matu ṉake, so sole seta ke matu rauraekake vo Lekasa Jisu ko ṉi.

Iruruputo 19:21

Ni ko quli poso ko ereilo ko tova inio Paula ta o vatoeke tu o zio Masedonia ni Akaia ranama peuru poso kale ni soa beta zio Jerusalema. Ni eri kiolake, “Sai a ziovou saita, inio Romu peuru melai aba soipikou,” kiolake.

Iruruputo 20:16

Ni Paula ta oka zariake kai alokato ko Epesasi peuru ako vota pui oka zariake ṉamuko ko taku Eisia sole. Vota ota jijirake tu kai baro ko Penetikositi ṉaniu Jerusalema, ko roveovou tea, kiolake sole.

Iruruputo 21:14

Ni eṉeta pui ṉe roveake lopaevo vo, so sole niaba ṉeda evake ni eri kiṉelake, “Vo Baṉara ko vatolo ta ko ereilou,” kiṉelake.

Iruruputo 21:29

Seta so kikelake ako seta lula ke veake vo Toropimasi Epesasi ala Paula sate peuru ko keve tona ni ke kerukerutake ta lula o vati ola Jelepade kale kikelake sole.

Romu 1:10

kiada keru aṉako vararaito kale. Aṉako paseto ta o ṉavi Baṉara inio ola pitoekou kama pado uri ama keve, ola zarievou tea, tu a melai baro me.

Romu 15:32

So inio aṉata a qilou zolezolea lala mekasi, ni kota vo Baṉara ko vatolo ko elou ta, koa soipo ta ko pizatimelou anime ni zolezole ama kota elou anime kasi.

1 Koriniti 15:32

Aṉata a mati kanaekinie se ruqe ama maba poso se piru ama biana poso jaria pazokinio ke lati eveni Epesasi peuru kale, melai puliama mata saevo ko elou nio loma ikio aṉata aqai kovou? Se voumu ta pui mata ke rovea saevo voukale azo tea, animeta mebeta zio kai saqao ko saevo, ako lea nio meda vouvou muli sole.

1 Koriniti 16:7

Pui aqa zaria tu alokato mela lelo elo me; a bokaovou ta, aṉata rosia elo inio a melai elou me, o zarielou vo Lekasa ta.

1 Koriniti 16:8

Aṉata abeta elou koi Epesasi ti kobeta barou ko Penetikositi ṉojola ṉaniu,

1 Koriniti 4:19

Melai vo Baṉara o zarielou nio aṉata pui vaṉa a mela barolou me, nio aṉata aqai zariovou kelo nia maba poso ta Baṉara ko pizato samu inio, ma pesio pala ko kiada.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

Epesasi 1:1

Aṉa Paula lala vo Jisu Karisito vo apositolo lala, aṉa apositolo a eveni lala vo Baṉara ko vatolo kale, ta a mela rikita me Epesasi amu mela vo Baṉara ko maba poso mela meme duvevo puevani mela vo Jisu Karisito.

Hiburu 6:3

Aria tu me zuato koa muqaroma nianiiekato kasi! Ko ikio anime me ereko ama vo Baṉara ko tauvezato kale.

Jemisi 4:15

Melai ko me kimevo avo ta eri, “Vo Baṉara o zarieṉelou, ta eṉeta ṉe jaevou ni ṉe erekou eṉeko zario.”

1 Pita 3:17

Ako uri tu animeta me dolailou sidopu ko ereko kale, vo Baṉara ko vatolo ko elou ta, melai maba pui uri tu tolailo ruqe ko ereko kale.

Kelokelozato 1:11

Nio kota eri kikolake, “Rikieka ko ṉoṉo qeako quli, ni soroeka koa riki koa sikeura lotu qoqono kasi ko kobeta evako Epesasi, Samena, Peqamami, Taiataira, Sadisi, Piladelepia ni Leodisia,” kikovema.

Kelokelozato 2:1

“Ṉota eria rikito eve sai Epesasi ama lotu qoqono ko mateana kasi: Eri nio koa bazu koko kuevako vokasi azo vo koa sikeura suti voko palo ṉase topi sala ni o taliani koa sikeura qolo papupapu juke ko ko tiania: