Iruruputo 17:18 - BAṈARA KO VAIRU AMA LEVELEVEO

¹⁸ Ni kake nianiioma pesio sama maba poso Ipikiuriani ni Sitoiki nianiiekato ko poqala kale amu melai kekai zomanake vati aivekinio vo. Nio kake ta eri kikelake, “Nonia kirikirimato inio o evani nea maba?” Ni mata kake ta ke opatake ni eri kikelake, “Vota okai bazubazuta jari avo kama edoloma baṉara poso.” Seta so kikelake ako Paula ta okai bazubazutake vo Jisu ko mata saevo voukale azo sole.

Iruruputo 17:18 교차 참조

Maka 9:14

Ni so keru Jisu ni sea zouke disaipeli madu ke baroa keru sea siakava disaipeli madu kasi inio seta ke meake matu kubo vaki ke aramumani se. Ni kake sea maba poso ta vo Mosese ko Bazu kekai nianiiekatani ni seta ke mati zolizolievake sea siakava disaipeli madu.

Luke 11:53

Ni so keru vo Jisu o vaeke keru koa zae, inio se Mosese ko Bazu kekai nianiiekatani ni se Parese madu ta ke luluevake vo ni ke tanitake vai kuiriko kubo ruqe ama quli, ni kevai kuimakuimaekake matu kubo quli.

Iruruputo 26:23

vo Baṉara o soroevani Pakio ta o vouvou ni vo inio kuleto ala maba vo o saevo ala voukale azo, tu o katimo ko pakio ko zakaremu se Jiu amu ni pui Jiu amu,” kiolake.

Iruruputo 4:2

Ni seta kekai korakoraivake nioqa, ako qokai bazubazutake vo Jisu ko mata saevo voukale azo sole, koko kasa puekako ko se voumu ta mata ke saevou kio.

Iruruputo 5:42

Ni kiadama ṉaniu poso kale seta ke olake Jelepade kale ni maba poso ko pade poso kasi ni seta pui ke lalamatake kai nianiiekato ni kai bazubazuto vo Jisu ta vo Baṉara o soroeveni Pakio kio sama Uri ama Bazu.

Iruruputo 6:9

Melai kake Jiu amu “Ruparupasi amu ko ilusato ko pade” ka kikelako poqala kale amu ta pui keka zariake tu vo Sitiveni ta ovai bazuto vo Jisu. Seta Sairini ni Alekezadaria azo ke kuevini Jiu amu. Ni se ni mata Silisia rana ni Eisia ranʼazo ke kuevini Jiu amu ta ke tanitake vati zolizoliekinio vo Sitiveni.

Romu 1:22

Seko kerukeru kale ta seta nianiiomu inio kikela, melai seta sarube amu,

1 Koriniti 3:18

Puliala maba ta opa lipailou o ṉavi. Kala me azo voko kerukeru kale ta nianiiola komia ruqe ama peuru ma peuru kale ama nianiio kale kiovou, uri tu vota sidopu o elou, komia ruqe ama peuru ma peuru kale amu sarube ka kikelako sidopu. So inio vota tuvevo avole nianiiola ota elou vo Baṉara ko kelokelozato kale.

1 Koriniti 4:10

Ako meko kerukeru kale eṉeta sarube amu ṉela vo Karisito vai nabuluputo kale, melai inio meta nianiio mela vo Karisito vai nabuluputo kale kimela; eṉeta lekuleku melai meta piza kimela; eṉeta zara kamu ṉela, melai meta raura kamu mela kimela!

Kolosi 2:8

Balauvomo, tu puliala maba ta o melai nianiiekikou kama utube ama quli, maba ko quli pala, ni pui o lipaemelou me ni pui o saruemelou me, ako koa nianiiekato ta maba poso kasi azo ko vikuako, vikuvikula bazu kasi azo koko bikoirikako vo Baṉara ko bazu, ni ko kuevako peuru ma peuru kale ama azaazama ziolo poso kasi azo, kota pui Karisito kasi azo.