Iruruputo 16:34 - BAṈARA KO VAIRU AMA LEVELEVEO

³⁴ Ni vota o kati olake Paula ni Sailasi voko pade kale ni o niaekake ko sailao ni qo vuatake. Ni vo ni vokale amu ta keta matu zoleike, ako seta ke tuvevo puevake vo Baṉara sole.

Iruruputo 16:34 교차 참조

Luke 15:32

Uri kio animeta me ereka ko ṉojola ni me zoleiva, ako ṉovo visi vo lula ota vovini jari ala ta mata o saeva erisaṉa, vo lula ota mumaini melai vota mata o purata,’ kiolake.”

Luke 19:6

Ni Zakiasi ta taukavole o saqorake ni vota o baroekivake vo Jisu voko matuma zoleilo sate.

Luke 5:29

Nio Livai ta o erekake ka pado matuma sailao Jisu kaqe o ṉavi Livai ko pade kasi, ni matu kubo madu se takisi ke koani ni mata matu kubo maba poso ta ke zomanake sai se sate tevolo kasi.

Iruruputo 11:14

Vo inio o rukueko ala koa pesio ṉokasi koko pakieṉo ama ṉo ni ṉoko pado ama saidi ko pakiemo ama,’ kiolake.

Iruruputo 16:15

So sole ko ni se koko pade kale ke evani ta ke bapitaiso puivake, ni koko tova kota ko paseṉelake eṉe, ni eri kikolake, “Kuemo ni pa emo saita aṉako pade kale, aṉata tuvevo avole a duvevo puevani lala vo Lekasa kimela ta!” kikolake. Ni kota ko ṉelai matu titiake eṉe sole eṉeta ṉe olake koko pade kasi.

Iruruputo 16:35

Ni koko raneo kale inio nioqa Romu ama titizato ko maba kidi ta qo soroekake nioqako omuqa nabulu bazu sate ko eri kikolako, “Zariekomo nioqa tu qo zio,” kio sama.

Iruruputo 2:46

Ni seta ke padoivake kiadama ṉaniu poso Jelepade ko poro kale omadeu vatolo kale, ni seta omadeu vuato ke evake seko zoleilo ni inobe sate,

Iruruputo 8:39

Ni so keru nioqa qo kaila keru jukale azo inio vo Lekasa vo Auvana ta o borivake vo Pilipi. Ni voa raura kala maba ta pui mata o veake vo, ni vota mata o tanitake talio matuma zoleilo sate.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

Romu 5:11

Pui koko kiada, melai animeta meqa zoleiva ko quli vo Baṉara o erekema vo animevo Lekasa Jisu Karisito kale, vo erisaṉa anime Baṉara ko baerebaere poso o imelani.

Romu 5:2

Vota lula o odiemela anime oqu kale vo Baṉara ko pakiezato sama roquano kasi, sai anime me evakoi. Sokale avo inio animeta meqa zoleiva ko animeko piza kama keru, tu kai zomano vo Baṉara ko ṉaṉaidara!

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Pilipai 4:17

Ni tuvevo avole aṉako so kio ta pui aqai zariako ikio kovo kama puaro. Melai aṉata aqai zaria tu meta uri ama ṉi saṉa me elou ko quli meme erekako quli kale.

Pilipai 4:4

Ni meta zoleimo kiada keru, ako meta omadeu saevo me vati evani mela vo Lekasa Jisu sole. Ni aṉata mata eri kiala mekasi, meta matu zoleimo.

Pilimone 1:7

A baerebaere ṉa, ṉoko roquano ta ko matu zolela ni ko zuvarila aṉa, ako ṉota lula ṉoda ma zoleka kiadama vo Baṉara ko maba poso ko bulo sole.

1 Jone 3:18

A meqora poso, animeko roquano ta pui pesio kale ko kiada ko elou. Melai animeko roquano ta tuvevo ama ko elou ni ko kasa puilou animeko tauvekinio kale.