Iruruputo 16:23 - BAṈARA KO VAIRU AMA LEVELEVEO

²³ Ni nioqako pazoko ko tova, seta ke kati olake nioqa pirito pade kale ni seta ke bazuevake vo pirito pade o kati vailani tu vota o kati vinavinato tibulo nioqa, va kikelake.

Iruruputo 16:23 교차 참조

Matiu 26:48

Nio voa ruqe ala maba Jiudasi ta lula o bazueme sea vaki ni eri kiove, “Vo aṉa a lumevo ala, vo inio voa maba me mevai zariani. So sole meta me noqoevou vo!” kiolake.

Luke 21:12

Ni puliako koa kiadama quli elo nio se maba madu ta ke kilou ni ke noqoemelou me ni ke niumaniumaemelou me, ni seta ke melati ziovou titizikinio kale ilusato ko pade kale ni seta ke vaemelou me pirito pade kale. Ni seta ke melati ziovou me se aikovakova poso ni qavuna ko matuma maba poso ko kuleto ako meta aṉa me luluelani mela sole.

Iruruputo 12:18

Ni vikale ko evake nio se solodia madu ta matu niuniala kekai evake ko loma quli kio kota ereila Pita kasi kikelake.

Iruruputo 12:4

Vota o noqoevake vo Pita ni o vaevake pirito pade kale, ni vota o vaevake toni varimuja solodia ko vailo kale. Ni seta ariku poqala ke evake ariariku solodia madu sama ni koa poqala poso ta ko besibesiekiniake vati vailo vo Pita. Herodi ta ova zariake vo tu o titizivo vo vaki ale koa Alokato ko ṉojola ko tova.

Iruruputo 16:27

Nio koa nunu ta ko toirativake koa pirito pade o kati vailani, ni vota o keake koa pirito pade ko tibulu poso ta lula veukaveuka muli, ni voko kerukeru kale ta seke piriziani ta lula keta soqoiva muli kiolake, so sole vota o ravuzikake voko benisi ni ota vouvailo o ṉavi kiolake.

Iruruputo 16:36

So sole vo pirito pade o kati vailani ta o bazuevake vo Paula, ni eri kiolake, “Nioqa titizato ko maba kidi ta bazu qo soroeka tu ṉo ni Sailasi ta qe rupasiovou kikolako. Sole qeta qe zolailou erisaṉa, ni olako bule kale,” kiolake.

Iruruputo 5:18

Nio seta ke noqoemake se apositolo madu ni ke vaemake pirito pade kale.

Iruruputo 5:23

“So keru eṉe ṉe barola keru pirito pade kasi, ta kota lokalokamu ni kiadama vailo ko maba madu ta kebeta eva veutu kasi; melai so keru eṉe ṉe veuka keru koa tibulu, puliala kala pado ṉeba veala pade ko poro kale!” kikelake.

Iruruputo 8:3

Melai Saula ta o madoekake tu niumaeko ko lotu qoqono, so sole vota pade azo pade o kavake ni rajarajaemole o saqorimake seke tuvevo putani reko ni lasive, ni o saputimake pirito pade kale.

Iruruputo 9:2

ni vota o pasekake ko zariekato sama leta poso Damasikasi ama Jiu amu ko ilusato ko pade poso kasi ama, tu vota o vailimou se vo Lekasa ko keve ke luluekani sai Damasikasi, ni vota o noqoemou se, lasive poso ni rekoreko amu melai, tu o mati vaito se Jerusalema.

2 Koriniti 11:23

Vo Karisito ko nabulu poso inio ko se kio? Aṉata kala sarube ala maba jaria rauraraurailo a eva, melai koko tuveano ta aṉata kala qulepo ala nabulu lala abe mai paloasa se! Aṉata lula a matu iruruputa, aṉata lula a eva pirito pade kale kubo taku, ni aṉata lula a matu pazoivani lala, ni kubo taku ta sipole ada vouvani lala mati.

2 Koriniti 6:5

Eṉeta lula ke pazoṉela, ni ṉe eva pirito pade kale, ke ṉelai kasakea lula, eṉeta duki ama iruruputo ni olaqua dudeo saevo ni luapo ṉe eva.

Epesasi 3:1

Ni komi ko kio kale inio aṉata a melati vararaita me, aṉa Paula a biriziani lala vo Jisu Karisito vai bazubazuto kale avo tu me pui Jiu amu mela kaqe.

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

2 Timoti 2:9

Ni aṉako kai bazubazuto ko Uri ama Bazu kale avo inio aṉata tapata aqai eva ni aqai pirizia seini kale omadeuvo kala maba qavuna ko bazu o pazokani jari. Melai vo Baṉara ko bazu ta pui ko pirizia seini kale,

Pilimone 1:9

Melai aniqeko roquekinio lotu kale ama ko kio kale aṉata pui bazu aba katiṉou, melai aṉata paseto ikio a ereka ṉokasi. Aṉa Paula lala, kala qoleqole lala ni a biriziani lala vo Jisu Karisito va nabuluputo kale avo,

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.