Iruruputo 16:17 - BAṈARA KO VAIRU AMA LEVELEVEO

¹⁷ Ni kota ko lulueṉelake Paula ni eṉe upaupatole ni eri kikolake, “Nia maba poso inio vo Matu Raura kala Baṉara ko nabulu madu! Ni se inio ke mela kasekani me pakio ko keve!” kikolake.

Iruruputo 16:17 교차 참조

Matiu 22:16

Nio seta ke soroemake Jisu kasi ke ṉaviko maba madu, ni kake Herodi ko poqala zuvarato ko maba madu, ni eri kikelake, “Tanala, eṉeta ṉeṉai nianiia ta ṉota sidopua laṉa ni ṉota ṉo mati nianiiekikani ṉa maba madu Baṉara ko tuvevo ama kalo, ni ṉota pui ṉoqai bazutani ṉa ko maba poso ko zolemako quli pala.

Matiu 8:29

Nio koa ziolo poso ta kota karakararautake ni eri kikolake, “Baṉara vo Meqora ṉa! Noni ṉo iṉelou kiṉola inio? Ṉota ṉo queva tu koqotaeṉelole eṉe puliako koqotato ko ṉaniu barolo, kio?” kikelake.

Maka 1:24

ni eri kiolake, “Nazareti ala Jisu ṉa! Noni ṉo iṉelo kinola inio? Ṉo queva koi tu niumaeṉelole eṉe kio? Eṉeta lula ṉeṉai nianiia ṉo ta ṉota vo Baṉara vo Tabu ala Maba ṉa vo o soroeṉeni ṉa inio!” kiolake.

Maka 12:14

Nio seta eri kikelake, “Tanala, eṉeta ṉeṉai nianiia ta ṉota sidopua laṉa ni ṉota ṉo mati nianiiekikani ṉa maba madu Baṉara ko tuvevo ama kalo, ni ṉota pui ṉoqai bazutani ṉa ko maba poso ko zolemako quli pala. Sole ṉota ṉela bazueka ṉoko kerukeru. Uri kio ko animea Jiu mu mela ta me dabariko ko takisi Romu ala Matu Lekasa kasi, ma pui? Noni kikola animeko Bazu?” kikelake.

Maka 5:7

Nio vo Jisu ta o bazuekake koa ziolo tu ko saqoro voa maba kale azo. Nio koa ziolo ta kota karakararautake matuma kora kale ni eri kikolake, “Jisu, vo matu raura kala Baṉara vo Meqora ṉa! Noni ṉo ilo kinola inio aṉa? Vo Baṉara ko ṉikale, aṉata a baseṉa ṉo tu pui ṉo qoqotaelo aṉa,” kikolake.

Luke 1:77

tu bazuemo voko maba poso ta ke pakiovou, seko sarueko poso tama akoilo kale.

Luke 1:79

ni vota omai talou kiadamu seke evani vou ko kutumana kale ni vou ko ṉalo kale tu vota o odiemelo kiadama animeko tamuto poso kale bule ama keve tona,” kiolake vo Zekaraia.

Luke 20:21

Nio sea lipalipaito ko maba poso ta eri kikelake Jisu kasi, “Tanala, ṉo kiṉolani ṉoko nianiiekato kale ta sidopu ama. Ni eṉeta ṉeqai nianiia ta ṉota pui ṉoda ka ṉavani ṉa maba poso ko kerukeru, melai ṉota sidopu avole ṉoqai nianiiekata vo Baṉara ko tuvevo ama bazu kiadama maba madu kasi.

Luke 4:34

“Kei! Nazareti ala Jisu ṉa, noni ṉo iṉelo kinola inio? No queva koi tu niumaeṉelole eṉe kio? Aṉata aṉai nianiia ṉota vo Baṉara vo Tabu ala Maba ṉa vo o soroeṉeni ṉa inio!” kiolake.

Luke 4:41

Ziolo poso melai o rerikake kubo maba poso kale azo, ni koa ziolo poso ta kota upaupatake ni eri kikolake, “Ṉota vo Baṉara vo Meqora ṉa!” kikelake. Melai vo Jisu ta o kaqarikake koa ziolo poso tu ko moizailo, ako kota kovai nianiia ni kovai bazuta ta vo inio vo Baṉara o soroeveni Pakio.

Luke 8:28

Ni so keru vo o veve keru vo Jisu inio vota ota upaupatake, ni ota patopatoike voko kiti raki kale, ni vota ovai zaivotake voko matuma kora kale, ni eri kiolake, “Jisu voa matu Raura kala Baṉara vo Meqora ṉa! Noi nio ṉo ilou kinola inio aṉa? A baseṉa tu ṉota pui tolaelo aṉa!”

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Iruruputo 18:26

Ni Apolosi ta parani putole o bazubazutake se Jiu amu ko ilusato ko pade Ni Pirisila ni Akuila ta qota va viqake voko bazubazuto, Saita inio nioqata qo odievake vo ni qo vati olake nioqako pade kasi ni nioqata sidopua zakaremu pueko qovai evake vo Baṉara ko keve.

Iruruputo 19:13

Nio kake se Jiu amu seke lipilipitani ni ke rerikani ko ziolo poso, se melai ke madoekake kai iruruputo vo Lekasa Jisu ko ṉi se ziolo komai onobatani kasi kikelake. So sole seta eri kikelake se ziolo poso kasi, “Aṉata a akoemela me vo Jisu ko ṉikale, vo Paula ovai bazubazutani,” kikelake.

1 Pita 2:16

Ni meta saevomo ruparupasi ama maba poso jari; melai meta pui eri kimevou, “Eṉeta ruparupasia ṉela, so sole ṉe rovea ereko ko ruqe.” Melai meta vo Baṉara ko mabaku emo.

2 Pita 2:2

Ni matu kubo madu ta ke luluekou seko ruqe ama kalo ni Sokale avo inio maba poso ta ke ruqe kasekou tuveano ko keve.