Iruruputo 16:1 - BAṈARA KO VAIRU AMA LEVELEVEO

¹ Ni Paula ni Sailasi ta qo olake Debi ni sai kazo Lisitara peuru kale sai kala lotu maba o evakoi o ṉi ta Timoti va kikelani. Voko niania melai kama pado lotu maba, kota Jiu ama, melai vovo mama ta Quriki ala.

Iruruputo 16:1 교차 참조

Iruruputo 14:1

Ni Aikoniami peuru kale melai koa omadeuvo ama iruruputo kobeta ereivake: Paula ni Banabasi ta qo amaqeake se Jiu amu ko ilusato ko pade kale, ni koa omadeuvoa bazubazuto qo evake, ni matu kubo madu se Jiu amu ni pui Jiu amu ta ke tuvevo putake.

Iruruputo 14:21

Ni Paula ni Banabasi ta qokai bazubazutake vo Jisu ko Uri ama Bazu Debi peuru kale ni nioqata qo lilimake kubo maba madu. Ni nioqata qota vaitake Lisitara, sai kazo ta Aikoniami, ti qopeta olake Anitioko Pisidia rana.

Iruruputo 14:6

Nio so keru nioqa qo lainike keru koa kerukeru, nioqata qota soqoike Lisitara ni Debi peuru kale ni Laikonia ranama peuru poso kale.

Iruruputo 17:14

So sole seke tuvevo putani ta ke soroevake vo Paula taukavole seko siqo kale ama peuru kale azo ketale, melai Sailasi ni Timoti ta qopeta evake sai Berea peuru kale.

Iruruputo 18:5

Ni so keru Sailasi ni Timoti qo baroake sai Masedonia azo, Paula ta okai iruruputake voko pado ama taku kai bazubazutole ko bazubazu, ni vota oma matu kasevake se Jiu amu vo Jisu vo inio vo Baṉara o soroeveni Pakio kiolake.

Iruruputo 19:22

So sole vota o soroekake voko omuqa tauvezato ko maba kidi Timoti ni Erasitasi Masedonia rana kuleto, melai o ṉavi ta obeta evake Eisia vasia rana saita.

Romu 16:21

Vo Timoti aṉa sate o iruruputani, ta o soroeka voko roquano mekasi; ni so jari Lusiasi, Jesoni ni Sosipata, se aṉako mabamu Jiu amu.

1 Koriniti 16:10

O kilou vo Timoti mekasi kude ta, meta me uria baroekivou vo tuvevo ama baroekato kale, ako vo inio kala pado maba ova iruruputani animevo Lekasa sole, omadeuvo aṉa a qavani jari.

1 Koriniti 4:17

Sokale avo inio aṉata a joroeva vo Timoti mekasi, vo aṉa a roquevani ni kerula kala meqora jari ala animeko omadeu vati elo vo Lekasa Jisu kale. Vo inio o mela kerukerueko ala koa kalo aṉa a luluekako ko vairu ama saevo kale omadeu vati elo kale vo Jisu Karisito, ni ko aṉa aqai nianiiekatako quli kiadama lotu qoqono poso kasi kiadama zae poso kale.

1 Koriniti 7:14

Ako vo pui o tuvevo putani lasive ta lula tabu o iva vo Baṉara voko omadeu kati elo kale voko reko, ni ko pui ko tuvevo putako reko ta lula tabu o ika vo Baṉara koko omadeu vati elo kale kovo lotu maba lasive. Komi ta pui so tea, seko meqora poso ta kutumana meqora poso jari amu inio; melai koko tuveano ta seta lula tabu amu inio vo Baṉara kasi.

2 Koriniti 1:1

Aṉa Paula lala, vo Baṉara lula o pitoeleni lala o ṉaviko vatolo kale tu aṉata vo Jisu Karisito vo apositolo a elo, ta ada rikita vo animeko tamania kale ala Timoti sase mea Baṉara ko lotu qoqono me Koriniti peuru kale me evani mela kasi, ni mata mea kiada mela vo Baṉara ko maba madu mela sai Akaia ranama peuru poso kale me evani mela kasi.

2 Koriniti 1:19

Ako vo Jisu Karisito, Baṉara vo Meqora, ta puliaka taku o pilapaqo putani sole. Ni vo inio aṉa ni vo Sailasi ni vo Timoti ṉevai bazubazutani.

Pilipai 1:1

Aṉa Paula lala ta a rikieka komia riki Timoti sate, vo Jisu Karisito ko nabulu kidi qela, mea kiada mela kasi vo Baṉara ko maba poso mela me omadeu me vati evani mela vo Jisu Karisito meme evani mela Pilipai, ni so jari me lotu qoqono ko vilua pikopiko ni tauvezato ko maba poso mela kasi.

Pilipai 2:19

Ni vo Lekasa Jisu ko vatolo ko elou ta, mainio aba soroevou vo Timoti mekasi, ni aṉata ada matu zoleilou tu a melai nianiiovou me voko bazu kale.

Kolosi 1:1

Aṉa, Paula lala, Timoti sase, vo animevo visi, aṉata a joroeka komia leta mekasi. Vo Baṉara ta o pitoele aṉa tu aṉata kala apositolo Jisu Karisito vo a elo.

1 Tesalonaika 1:1

Aṉa Paula lala ta a rikieka komia leta, Sailasi ni Timoti sase, mea Tesalonaika peuru kale ama lotu qoqono mela kasi, vo Baṉara animevo Mama ko madu mela ni animevo Lekasa Jisu Karisito ko madu mela kasi. Ni aṉata a vararaita tu vo Baṉara ko roquano ni bule ta ko elou me tona.

1 Tesalonaika 3:2

Nio eqeta qe soroevake vo Timoti, eqevo visi vo eqe sase ova iruruputani vo Baṉara voko kai bazubazuto kale vo Jisu Karisito ko Uri ama Bazu. Eqeta qe soroeve vo tu o pizatimelo me ni o tauvemelo me meko oqu kale,

1 Tesalonaika 3:6

Erisaṉa ta lula o ṉelai vaita eṉe vo Timoti mekasi azo, ni o kati kueva eṉe kasi ko zoleilo sama bazu meko oqu ni roquano ko kio sama. Vota o ṉelai bazueka eṉe ko meta me matu roqueṉela eṉe meko kerukeru kale kiada keru kio ni meta me ṉela matu zaria tu ṉela lelo eṉe, omadeuvo eṉe ṉe mela zariani mela lelo me jari.

2 Tesalonaika 1:1

Aṉa Paula lala ta a rikieka komia leta, Sailasi ni Timoti sase, mea Tesalonaika peuru kale ama lotu qoqono mela kasi, vo Baṉara animevo Mama ko maba madu mela ni Lekasa Jisu Karisito ko maba madu mela kasi.

1 Timoti 1:18

A meqora Timoti, ṉota kerukerueka sea lotu tanatanamu ṉati kikevevo ṉo va nabuluputo kale avo vo Jisu Karisito. Ṉota vakovako ika koa zuvarato sama pesio poso seke katiṉema ṉo inio ṉota uria pazokinio ṉo elou,

1 Timoti 1:2

Aṉata a rikieka komia leta ṉo Timoti ṉa kasi aṉavo maba meqora jaria laṉa vo Jisu Karisito vai oqu kale. Ni aṉata a vararaita tu vo Baṉara animevo Mama ni Jisu Karisito animevo Lekasa ta o katiṉou ṉo voko tauvezato sama roquano, ni baiseo, ni bule.

2 Timoti 1:2

Aṉata a rikieka komia leta ṉo Timoti ṉa kasi, aṉavo maba meqora jaria laṉa. Ni aṉata a vararaita tu vo Mama Baṉara ni Jisu Karisito animevo Lekasa ta qo katiṉou ṉo ko pakiezato sama roquano, ni baiseo, ni bule.

2 Timoti 1:5

Aṉata a qerukerueka ṉoko tuvevo ama oqu, omadeuvo ṉoko taite Loisi ni ṉoko niania Iunisi ko jari ama. Aṉata aqai nianiia ta koa omadeuma piza kama oqu ikio ṉokasi ama.

2 Timoti 3:11

aṉako toraeko ko naqunaquto ni aṉako tolailo sama upotuqu. Ṉota ṉobe paqumuka kiadama koko ereima quli aṉa kasi sai Anitioko, Aikoniami, ni sai Lisitara peuru poso kale, koa matu ruqe ama niumaniumato poso ko aṉa ko tolaelema! Melai vo Lekasa Jisu ta o pakiele aṉa koa kiadama tapata poso kale azo.

Pilimone 1:1

Aṉa Paula lala, aṉa pirito pade kale a evani lala aṉako va nabuluputo vo Jisu Karisito kale avo, animevo lotu visi Timoti sase, ta a rikita ṉokasi aṉavo baerebaere Pilimone ṉa kasi, ṉo aṉa jaria nabuluputo ṉova evani ṉa vo Baṉara.

Hiburu 13:23

Aṉata a mela zaria me tu meta kai nianiiomo ta seta lula ke zarieva saqorivo vo Timoti vo animevo visi vo pirito pade kale o eveni. Taukavole o kilou ta aṉata a vati kilou inio so keru aṉako kilo keru soipimelole me.