Iruruputo 15:9 - BAṈARA KO VAIRU AMA LEVELEVEO

⁹ Vota pui edolovoa puariko opa eve anime kasi ni sekasi, ni vota ota ma akoekake seko sarueko poso ako seta ke tuvevo putake sole.

Iruruputo 15:9 교차 참조

Iruruputo 10:15

Ni koa kora ta mata eri kikolake vokasi, “Ṉota pui kai kuiriko ruqe ama quli vo Baṉara lula uri ni tabu o ikema quli,” kikolake.

Iruruputo 10:28

Nio vota eri kiolake sekasi, “Meta meqai matu uria nianiia ta eṉea Jiua ṉela ta pui ko zarieṉela eṉeko lotu bazu tu eṉeta omadeu ṉe melati elou ni ṉe joipimelou me pui Jiu amu mela kio. Melai vo Baṉara ta lula kasa ola ika aṉa tu aṉata pui a qerukeruemelo me koa bazu ko lulueko kale tu aṉata meta tabu tu melati lolopareo me mela kiavo.

Iruruputo 10:34

Nio vo Pita ta o taniekake pesio ni eri kiolake: “Erisaṉa aṉata abe paqumuka ta tuvevo avole vo Baṉara ta pui o roqueṉelani eṉe Jiua ṉela ṉe qiada melai vota ijatinia baisemelo o evani eṉe ni me pui Jiu amu mela.

Iruruputo 11:12

Ni vo Tabu ala Auvana ta o bazuelake aṉa tu aṉata niuniala pide a luluemou se. So sole nia varimuja lotu maba madu Jopa peuru kale amu ni aṉa ta ṉe olake Sizaria peuru kale ni ṉe amaqeake Koniliasi ko pade kale.

Iruruputo 14:1

Ni Aikoniami peuru kale melai koa omadeuvo ama iruruputo kobeta ereivake: Paula ni Banabasi ta qo amaqeake se Jiu amu ko ilusato ko pade kale, ni koa omadeuvoa bazubazuto qo evake, ni matu kubo madu se Jiu amu ni pui Jiu amu ta ke tuvevo putake.

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Romu 3:22

Baṉara ta sidopu o ima sea kiadamu seke ṉeamuvani vo Karisito; ako kiadamu ta omadeuvo amu sole,

Romu 3:9

Uri, tani, eṉe Jiu amu ṉela ta sidopua ṉela vo Baṉara ko vilu kasa kobe kai paloasa se pui Jiu amu ko sidopu, kio? Maba pui! Aṉata lula uria zakaremu a mela ika ko se Jiu amu ni se pui Jiu amu ta kebeta eva muli sarueko ni ruqe ko pizato kale.

Romu 9:24

Ako anime inio ko lula o nokaemeleni mela sole, pui anime Jiu amu mela me qiada, melai anime pui Jiu amu mela melai me nokai.

1 Koriniti 1:2

mea Baṉara ko lotu qoqono me Koriniti peuru kale me evani mela kasi, mea kiada mela meko omadeu vati elo vo Karisito kale lula Baṉara ko tabu ama maba poso me evani mela, omadeuvo sea kiadamu komia peuru ma peuru kale amu seke ilusivani vo Jisu Karisito, animea kiada mela vo Lekasa.

1 Koriniti 7:18

Omadeuvo kala movemove ala maba lula o zorikani vo Baṉara ko nokao, vota pui o madoekou tu pui movemove ala o elo. Ni vo pui movemove ala maba vo lula o zorikani vo Baṉara ko nokao, vota pui o kovou ko moveilo.

Qelesia 3:28

Ako vo Jisu Karisito omadeu saevo me vati evani mela kale ta puliama koko azavo sole se Jiu mu ni pui Jiu amu, ni puliama koko azavo mabaku ni ruparupasi ala maba, ni puliama koko azavo se rekoreko ni lasive amu, ako mea kiada mela ti omadeuvo vo Jisu Karisito kale sole vo Baṉara ko kelokelozato kale.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Epesasi 3:6

Ni komi kio koa mutamuta kama vatolo: se pui Jiu amu ta se Jiu mu sate amu vo Baṉara ko mauruto kale, ni sea kiadamu ta omadeuvo ko omadeuma tupu kale ama kata poso jari amu ni ke kovou koa omadeuma leveleveo vo Baṉara o erekema vo Jisu Karisito kale.

Kolosi 3:11

So sole vo Jisu Karisito omadeu saevo me vati evani mela kale ta puliama koko edolovo se pui Jiu amu pui movemove amu ni se Jiu amu lula movemove amu, ni se edolokoi kazo amu, ni se piru ama siqoa maba poso, ni se mabaku poso, ni se pui mabaku poso. Animea kiada mela ta omadeu me eva Karisito kale vo raura kala.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.