Iruruputo 15:32 - BAṈARA KO VAIRU AMA LEVELEVEO

³² Ni Jiudasi ni Sailasi ta poropita kidi nio rosi ama taku kale qo kasekani nioqa sekasi ko zuvarato ni pizatimo ko bazubazu.

Iruruputo 15:32 교차 참조

Matiu 23:34

So inio aṉata a bazuemela me, aṉata a joroemou se poropita madu ni se nianiioma maba poso ni seke nianiiekatani mekasi. Melai kake ta me vouvaemou ni kake ta me batoemou korosi topi ni kake ta me bazomou ilusato ko pade kale ni me butuemou peuru kale azo kama peuru kale.

Luke 11:49

Sokale avo inio vo nianiio sala Baṉara ta eri kioveni, ‘Aṉata a joroemou sekasi se poropita madu ni apositolo madu, nio kake seta ke vouvaemou ni kake ta ke niumaniumaemou.’

Iruruputo 11:23

Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.

Iruruputo 11:27

Ni koa taku kale inio kake poropita madu ta ke keve Jerusalema azo Anitioko.

Iruruputo 13:1

Ni Anitioko peuru kale ama lotu qoqono kale ta iniseana so keru kake poropita madu ni titisa madu: seta Banabasi, Simeoni (Sibi ala va kikelani), Lusiasi (Sairini ala), Manaeni (vo Herodi qavuna sase ke rapukiveni) ni Saula.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 15:1

Ni kake lotu maba poso seke kuevini Jiudia azo Anitioko ta ke taniekake nianiiekimo seke tuvevo putani ni eri kikelake, “Meta pui me qovou ko moveilo vo Mosese ko Bazu ko kasekako ta meta pui meba roveovou pakio,” kikelake.

Iruruputo 15:22

Nio se apositolo madu ni se lotu tanatanamu ta ke padoivake koa pado ama lotu qoqono sate, ni ke pitoemake kake maba poso koa poqala kale azo tu seta ke soroemo se Anitioko Paula ni Banabasi sate kikelake sole. Ni seta ke pitoekake omuqa maba kidi sea lotu qoqono keta ka matu paṉaovani nioqa, Jiudasi, vo Basabasi va kikelani, ni Sailasi,

Iruruputo 15:27

Eṉeta ṉe joroeka mekasi Jiudasi ni Sailasi, qo melai bazuekoa nioqa koa omadeuma quli eṉe ṉe rikiekake.

Iruruputo 15:3

Nio ko lotu qoqono ta ko soroemake se, ni seta ke olake Ponisia ni Sameria kude, ni seta kekai bazutake se pui Jiu amu ko lilizio Baṉara kasi. Koa bazu ta ke viqe matuma zoleilo sate seke tuvevo putani kiadama zaekale.

Iruruputo 15:31

Ni so keru sea maba poso ke tiromike keru koa leta, seta keka matu zoleike koa zuvarato sama bazu.

Iruruputo 15:41

Ni nioqata qo olake Siria ni Silisia saizama peuru poso kale, ni qo pizatimake se lotu qoqono poso.

Iruruputo 18:23

Voko sasa tu keu saizama ko tova inio vota ota olake kiadama Qelesia ni Pirijia rana, pizatimole kiadamu seke tuvevo puteni.

Iruruputo 2:40

Ni Pita ta o balauvimake se komi kale ni mata kubo voko piza kama pesio kale, ni eri ma kiolake, “Meta pakiemo koa koqotato kasi azo vo Baṉara o soroeko ama se erisaṉama ruqe ama maba poso kasi se kevai keduini sevo Pakio!” ma kiolake.

Iruruputo 20:2

Vota o olake koa kena kale ama peuru poso kale ni o zuvarimake se kubo bazubazu kale. Saita inio vota o olake Akaia peuru poso kale,

Romu 12:6

Vo Baṉara ta o mela puarika azaazama iruruputo, so sole ko male tu animeta meqai iruruputo animeko azaazama puaro poso. Nio ṉota Baṉara kasi azo ama bazu kai bazuto ko puaro saṉa ṉo elou, ta ṉota ereka ko ṉoko oqu ko podepodeti kale;

Romu 12:8

ma ṉota edolomu ko zuvarimo ko puaro saṉa ṉo elou ta ṉota ṉo zuvarimou se. Vo o puarikani edolomu kasi voko quli ta o puarikou zoleilo kale. Vo pizato sala ta o uria erekou voko koidi; ni vo o tauvezatani ta o tauvezatou zoleilo sase.

1 Koriniti 1:8

Vo inio o pizatimelo ala me ti kobe kai barolou koa paitopaito ama ṉaniu kale tu meta puliama ruqe kopa melai kuiriziovou vo animevo Lekasa Jisu Karisito okai vaito ama ṉaniu kale.

1 Koriniti 14:29

Omuqa ma zouke maba madu ta ke kasekou ko Baṉara kasi azo ama bazu ni mea kiada mela ta me didianou ni me uria kerukeruekou koa bazu kikolani tu meda ka kelou kota vo Baṉara kasi azo ma pui.

1 Koriniti 14:3

Melai vo o kasekani vo Baṉara kasi azo ama bazu maba madu kekai nianiiako pesio kale ta o pesia maba poso kasi ni o katima ko tauvezato, ni zuvarato, ni patukato.

1 Koriniti 14:32

Ako vo o kasekani ko Baṉara kasi azo ama bazu ta o roveani pesio ni o roveani epezo o ṉaviko vatolo kale sole.

Epesasi 3:5

Ako lulama taku keru ama maba poso ta pui kepa kai nianiiovi sole koa mutamuta kama vatolo. Melai erisaṉa vo Tabu ala Auvana kale inio vo Baṉara ta kasa o ika koa mutamuta ko evema vatolo se apositolo madu ni se poropita madu kasi.

1 Tesalonaika 2:11

Meta meqai nianiia ta eṉeta ṉe roquemele mea kiada mela omadeuvo kala mama ta o roquema jari voko meqora poso.

1 Tesalonaika 3:2

Nio eqeta qe soroevake vo Timoti, eqevo visi vo eqe sase ova iruruputani vo Baṉara voko kai bazubazuto kale vo Jisu Karisito ko Uri ama Bazu. Eqeta qe soroeve vo tu o pizatimelo me ni o tauvemelo me meko oqu kale,

1 Tesalonaika 4:1

Eṉeko kaka ni visi poso mela, eṉeta ṉe melati nianiiekikake koa kalo ko me mevai zoleko ama vo Baṉara. Ni eṉeta ṉeqai nianiia ta tuvevo, meta lula soa saevo meda eva. So sole eṉeta ṉe melai titia me vo Lekasa Jisu ko ṉikale tu meta beta olamo tu pizaka erekomo ko.

1 Tesalonaika 5:14

Eṉeko visi ni kaka poso mela, eṉeta ṉe basemela me tu meta balauvimomo se utu elo ke evani, ni zuvarimomo seke ṉavani, ni tauvemomo se lekuleku amu seko oqu kale, ni inobe emo kiadama maba poso kasi.

1 Tesalonaika 5:20

ni meta pui kai kedu vo Baṉara o vati soroekako bazu poso.

2 Tesalonaika 3:12

Sea maba poso soamu ta ṉe bazuema ni ṉemai titia vo Lekasa Jisu Karisito ko ṉikale tu ke saevo korokoroti ni inobe ama elo kale tu ke iruruputo ni ke kovo ko sailao ke ṉavi.

1 Timoti 2:1

Komi ta aṉako matu kuleto ama bazu mekasi, ko eri, meta erekomo ko tauvezato ko vararaito, paseto, ni uriavo ko vararaito Baṉara kasi tu me mati vararaitou sea kiadama maba poso;

2 Timoti 4:2

tu ṉota kai bazubazute ko Uri ama Bazu. Maba poso keka zariovou viqo ma pui keka zariovou viqo melai ṉota kai bazubazute. Ṉota ṉo jidopu puemou se maba poso, ni ṉomai riqaekou seko sarueko, ni ṉo zuvarimou se maba poso, ni ṉota ṉoqai bazubazutou oluoluavole ni inobe ama nianiiekato kale.

1 Pita 5:1

Me lotu qoqono ko vilua pikopiko madu mela, aṉata aqa zaria melai bazueko me kama quli aṉako pado ama bulo sate. Ako aṉa melai kala vilua pikopiko lala ni aṉa inio a qeveni lala vo Karisito ko tola ni vou sole. Ni aṉa inio mata aqai zomanoa lala voko ṉaṉaidara vo Karisito o vaitou keru. Nio aṉa inio a bazuemela me

1 Pita 5:10

Tuvevo meta me dolailou matu puju ama taku kale. Melai vo Baṉara ta o matu roquemelani me, ni vota lula o nokaemelani me tu meta meqai zomanou voko noqola kama ṉaṉaidara vo Karisito ko mela voukale. Ni meko tolailo ko tova vota o korotimelou me ni o zaubarimelou me, ni o pizatimelou ni o vinaemelou me.

1 Pita 5:12

Aṉata a rikieka komia puju ama riki mekasi Sailasi ko tauvelo kale. Ni aṉata avai nianiia ta vota kala pado animevo tamania kale ala kerula kala vo Jisu Karisito kale. Aṉata a mela rikita me tu a zaubarimelo me ni a melai bazueko ko quli aṉa a uria kai nianiiako quli, ako komi ta tuvevo ama vo Baṉara ko tauvezato sama roquano sole. So sole meta pataitomo koa tauvezato sama roquano kale.