Iruruputo 15:25 - BAṈARA KO VAIRU AMA LEVELEVEO

²⁵ Sokale avo inio eṉeta lula ṉe badoi eṉea kiada ṉela tu eṉeko omadeu vatolo kale ṉe bitoemo kake maba poso bazu ke boriko amu mekasi. Seta ke ziovou eṉe ṉe roquekani nioqa sate Banabasi ni Paula,

Iruruputo 15:25 교차 참조

Matiu 11:26

Tuvevo Mama, ko ikio ṉoko zario tu kota so ko kalo ni ṉota ṉoqai zoleiva sole.

Luke 1:3

Sokale avo inio, tanala, aṉa melai a qerukeruta ta uri tu aṉata a uria lulueko rikieko koa kiadama quli ṉokasi ako aṉata lula a uria vakakuka kiadama ko quli poso koko tanitanila keru azo sole.

Iruruputo 1:14

Seta ke padoiva mati ni ke vararaita omadeu poukale, rekoreko sate ni Mere Jisu ko niania ni voko visi poso sate.

Iruruputo 15:2

Ni Paula ni Banabasi ta ṉaloṉalo ama zolizoliekinio qo mati erekake kokale avo, so sole Paula ni Banabasi ni kake maba madu Anitioko amu ta ke pitoike tu ke zio Jerusalema ni kepa paqumuko se apositolo madu ni se lotu tanatanamu ko kerukeru kokale avo.

Iruruputo 15:22

Nio se apositolo madu ni se lotu tanatanamu ta ke padoivake koa pado ama lotu qoqono sate, ni ke pitoemake kake maba poso koa poqala kale azo tu seta ke soroemo se Anitioko Paula ni Banabasi sate kikelake sole. Ni seta ke pitoekake omuqa maba kidi sea lotu qoqono keta ka matu paṉaovani nioqa, Jiudasi, vo Basabasi va kikelani, ni Sailasi,

Iruruputo 15:35

Melai Paula ni Banabasi ta qopeta evake saita Anitioko peuru kale, ni se ni matu kubo madu ta kekai nianiiekatake ni kekai bazubazutake vo Lekasa ko bazubazu.

Iruruputo 15:6

Nio se apositolo madu ni se lotu tanatanamu ta ke padoivake tu seta ke kerukerueko koa kuimanao kikelake.

Iruruputo 2:1

Ni so keru Penetikositi ṉojola ko ṉaniu ko baroake, nio kiadamu seke tuvevo puteni ta ke padoivake kala pado zaekale.

Iruruputo 2:46

Ni seta ke padoivake kiadama ṉaniu poso Jelepade ko poro kale omadeu vatolo kale, ni seta omadeu vuato ke evake seko zoleilo ni inobe sate,

Romu 16:12

Aṉako roquano Taraepaena ni Taraeposa kasi, qo iruruputani nioqa Lekasa va nabuluputo kale, ni Pesisi vo aṉa a matu roquevani kasi, vo lula o matu erekani vo Lekasa ko iruruputo.

1 Koriniti 1:10

Vo Jisu Karisito animevo Lekasa ko ṉikale, aṉata a mela titia mea kiada mela, a qaka ni visi poso mela, tu vaekomo meko zarazaraekinio ni omadeu pado ikomo meko kerukeru tu meta pui me bitasiovou. Meta uria omadeu emo, omadeu pado kerukeru ni omadeu pado vatolo kale.

Qelesia 2:9

Nio Jemisi, ni Pita, ni Jone ta ke keake vo Baṉara ko roquano kale o katilema koidi. Ni se inio sea vilua pikopiko madu me meda ma matu paṉaovani ma kimelani! Nio seta uri ama ka kikeve aṉa ni Banabasi ko iruruputo, so sole eṉeta ṉe jaṉaekiniake tu ko tuvevo puilo ko so, ni seta eri kikelake, “Paula ni Banabasi, matu zakaremu inio ko ṉelai eva eṉe ta vo Baṉara ta o soroeqela qe tu qe ziovou pui Jiu amu kasi, ni eṉeta o soroeṉela tu ṉe ziovou Jiu mu kasi,” kikelake.

Epesasi 6:21

Aṉata a joroeva vo Tikikasi mekasi, vo anime me roquevani lotu visi. Ni vota kala kerula kala nabulu vo Baṉara ko iruruputo kale. Ni vo inio o melai bazuekou kiadama quli koko ereivako aṉa kasi. So inio meta melai nianiiovou aṉa ni loma ikio aṉa a erekako.

Kolosi 4:7

Vo Tikikasi, animevo lotu tamania kale ala, vo eqe qe roquevani kala pado kerula kala eqe kale ala nabulu vo Lekasa ko iruruputo kale, vo inio o melai bazuekou kiadama quli aṉa a erekako.

Kolosi 4:9

Aṉata a joroeva vo Onesimasi vo sase, vo eqe qe roquevani kerula kala eqeko tamania kale ala. Vota kala pado mekale ala. Nioqa inio qo melai bazuekou me kiadama quli koko ereivako koi.

Pilimone 1:16

Ako erisaṉa ta vota pui kala mabaku ala pala inio sole, melai ikoana vokasi ko kokai qulepako voko mabaku elo: vota anime Karisito ko tamania mela kale ala. Vota matu qulepo ala aṉa kasi, ni maba matu ti matu qulepo ala ṉokasi, voko mabaku elo kale melai, voko Lekasa ko tamania kale elo kale melai.

2 Pita 3:15

Ni kerukeruekomo komi ta animeta me bakiovou ako animevo Baṉara ta o vanonoriemela sole anime. Animevo baerebaere Paula melai o melai bazueke me koa omadeuma quli so keru vo o mela rikite keru voko nianiio sama riki kale.