Iruruputo 15:20 - BAṈARA KO VAIRU AMA LEVELEVEO

²⁰ Melai animeta me rikieko kama pado leta sekasi tu me bazuemo tu seta pui ke kuo ko sailao ko lula ko katiziako beku poso kasi, ako kota tabu tu kuo sole; tu ke balauvo ke ṉavio kude pauvezato ereko kale azo; ni seta pui ke kuo ke rouraekako biaṉa ni dara.

Iruruputo 15:20 교차 참조

Iruruputo 15:29

meko pui kuo koa sailao ko lula ko katiziako beku poso kasi; ni pui kuo ko dara; ni pui kuo ke rouraekako biaṉa poso; ni balauvomo me ṉavi meko pauvezato ereko kale azo. “Meta me qati vailou komi quli poso inio meta uri ama iruruputo me erekou. “Meta emo sai vo Lekasa Jisu ko roquano kale.”

Iruruputo 21:25

Melai se pui Jiu amu seke tuvevo putani ta lula ṉemai soroeka ko bazu tu seta eri pala ke kalou: seta pui ke kuovou ko sailao beku poso kasi lula ko katiziako ni pui ke kuovou ko dara ni kama biaṉa ko ke mukiekako, ni seta pui ke erekou ko pauvezato,” kikelake.

1 Koriniti 5:11

Ko aṉa a qasekema quli aṉako leta kale mekasi ta meta pui me vati baerebaereovou kala vo eri kiovo ala, “Aṉa inio meko lotu tamania kalea lala,” kiovo ala maba melai vota pauvezato ma ruqeruqeto ko maba inio, ma viluloqu o evani, ma beku o ilusikani, ma maba okai ruqe pesiani, ma saposapoito ko maba, ma kuilokuilo ala. Meta maba pui me zomanou vuato soala maba sase.

1 Koriniti 6:13

Kala ta mata eri kiovou, “Baṉara ta o ereke ko sailao tu siapa kaqe, ni vota o ereke ko siapa tu sailao kaqe.” Kota tuvevo melai vo Baṉara inio o epeziko ala koa omuqa quli. Baṉara ta pui opa katimele ko tupu tu kai pauvezato kaqe, melai va nabuluputo kaqe vo, ni animeta voko mela.

1 Koriniti 6:18

Taka papariomo ko zave ni ruqe ama iruruputo ko pauveko. Kama sarueko poso vo maba o erekako ta pui matu ruqe kopa tava ikou voko omadeu vati elo vo Karisito, melai voa maba vo o erekani ko zave ni ruqe ama iruruputo o pauvekani ta maba o niumaeka voko omadeu vati elo vo Karisito.

1 Koriniti 6:9

Meta pui nio meqai nianiia se ruqe amu ta pui kepa amaqeovou vo Baṉara ko lekasa puo kale? Meta me uria paqumukou komi; pui se olavo amu, ni pui seke ilusikani ko beku ni pui seke zavematani ni pui se lasive amu ke ṉavio kude ke pauvekani ruqe ama iruruputo,

1 Koriniti 7:2

Melai ikoana matu kubo pauvezato ni ruqe ama iruruputo, so sole maba ta o kovou kalakala o ṉaviko reko, ni reko poso ta ke ṉeamumou ke ṉaviṉavi ko lasive poso.

1 Koriniti 8:1

Erisaṉa, ko me meqa kuimanaovako meko riki kale koa sailao poso koko katiziako beku poso kasi ko kalo. Ta tuvevo ko animea kiada mela lotu maba mela ta nianiio samela. Melai animeko nianiio ikio ko puratikako ko aikailo, melai roquano ikio ko tauvemelako anime.

2 Koriniti 12:21

Aṉata ada ṉava so keru aṉa a qilou keru sai mekasi, pui uri tu o quratilou aṉavo Baṉara meko tanama kale, ni aṉata duki amai elou kubo madu se lula ke saruivani se pui ke liliziani seko kuna kama kalo kale azo, seko ereko kale ko pauvezato.

Qelesia 5:19

Ni animeta meqai nianiia maba ko bulo kale ama ruqe ama kerukeru ko puratikako kalo ta eri ama, zave ni rusurusuavo, pui ko mabuako vailikinio, kovasa,

Epesasi 5:3

Ni meta lula vo Baṉara ko maba poso mela meda eva so sole meta vaekomo ko pauvezato ni rusurusuavo puto, ni pui viluloqu me elou. Ako komi quli ta pui kopa melati mabuvou sole vo Baṉara ko tabu ama maba poso mela.

Kolosi 3:5

Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.

1 Tesalonaika 4:3

Ako vo Baṉara ta o mela zaria me tu meta tabu me elou ni uria lapaso me elou ko pauvezato ni ruqe ama iruruputo kale azo.

Hiburu 12:16

Balauvomo tu puliala maba ta o ereko jou kama iruruputo ni kutumana iruruputo. Ako kutumana iruruputo ikio vo Isoa o erekema so keru vo okai tatabaraovi keru vo kuleto ala meqora ko puaro vovo visi Jekopi kasi, tu o kovo silo pala sailao.

Hiburu 13:4

Kiadama maba ta keta ka paṉao ko sidopu ama roroto saevo kiadama keve kale. Lasive poso roroto amu ni seko reko poso ta ke paṉaekiniou muli tu pui ke niumaeko seko roroto saevo pauvezato kale. Kerukeruekomo vo Baṉara ta o titizimou se ruqe ke erekani seko roroto saevo kale, ni so jari seke pauvezatani.

1 Pita 4:3

Ako lula koko paloasako taku kale meta me niumaeke matu kubo taku kutumana kamu ke erekako kalo kale. Meta meqai ṉamuke ko taku ko pauvezato, ni tupu kale ama viluloqu, ni kiada keru me japosapoita ko piza kama ju. Ni meta me ereke ko olavo ama ni ruqeruqe ama kalo ni me ilusike ko beku meko kuvaruvaru ama kalo kale.

Kelokelozato 10:2

Ni vota o kamakake kama pado silo ama polopolozi buka lula ruparupasi ama o ṉase topi. Vota o lojoake ni o palo rana kiti ta ivere kale, o made rana kiti ta miduku topi ketale,

Kelokelozato 10:8

Ni koa kora ko aṉa lula a viqema ko aukale azo ko kuevima ta mata ko pesiake aṉa kasi, ni eri kikolake, “Ola tu pa koa koa lula reparepasi ama polopolozi buka voa mateana ko ṉase topi ko evako vo o lojoani ivere kale ni miduku topi ketale.”

Kelokelozato 2:14

Melai kama poso quli ta ikoana mekasi ko aṉa pui ko zolelako quli. Eri nio; kake ta inisiana me sase seke luluekani vo Beilami ko nianiiekato, vo o vati zaubari-keni vo Beilaki se Izireli amu ko zolizoliemo tu seta ke sarueko seko kuo kale ko sailao beku poso kasi lula kekai siqatake, ni seko pauveko kale ruqe ama iruruputo.

Kelokelozato 2:20

Melai ko aṉa pui ko zolelako quli mekasi ama ta eri nio: meta me zarieka koa rekoreko Jezebeli, ko kokai kuiziako ko ṉavi ta ko ikio vo Baṉara ko poropita kikolako. Koko nianiiekato kale kota ko saruema odiemo aṉako maba poso ni seta ke pauveka ko ruqe ama iruruputo poso ni ke kua ko sailao ko lula beku poso ke katikako.

Kelokelozato 9:20

Sea kiadama maba poso se pui ko vouvaemani koa zouke ave ta pui kepa liliziovi seko beku poso ke ṉavi ke erekema kasi azo. Seta pui kepa epeze ilusiko ko ziolo, ni koa beku poso, ko qolo, ni siliva, ni boronisi, ni lado, ni ore kale ke erekema, ko pui ko roveako keazato, ni viqaviqazata, ni talio.