Iruruputo 15:13 - BAṈARA KO VAIRU AMA LEVELEVEO

¹³ Ni so keru nioqa qo paika keru pesio nio vo Jemisi ta o pesiake ni eri kiolake: “Didielomo aṉa, me a baerebaere poso mela!

Iruruputo 15:13 교차 참조

Maka 15:40

Ni kake rekoreko melai sai kebeta lojoake ni ke vati vailake vo Jisu vaṉʼazo ni kake sea rekoreko azo ta Maqidalama Mere, ni Mere vo visi ala Jemisi ni Josepa ko niania, ni Salome.

Iruruputo 12:17

Ni vota o zolaekake voko ṉase tu ke moizailo ni vota omai zakaremu puekake vo Baṉara o ivevoa saqorivo vo pirito pade kale azo. Ni vota eri kiolake, “Vai bazuekomo komi quli vo Jemisi ni sea kiadamu ke tuvevo putani,” kiolake. Ni vota o vaemake se ni ota olake edoloma zaekale.

Iruruputo 15:14

Saimone ta lula zakaremu o ike vo Baṉara o imevoa mati vailo se pui Jiu amu tu vota o movo kake tu seta o ṉaviko maba madu ke elo.

Iruruputo 2:14

Ni Pita ta o lojoake sea toni omadeu vokale ama apositolo madu sate ni vota o tanitake pesio matuma kora kale koa matu padopadoilo kasi, ni eri ma kiolake, “Me Jiu amu mela ni mea kiada mela Jerusalema me evani mela, meta didielomo aṉa tu a melai bazueko komi ko kio ni kalo.

Iruruputo 2:22

“Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.

Iruruputo 2:29

“A lolo poso, aṉata a melai uria bazuekou ko quli vo animevo matula taite voa Aikovakova Devita kova ereima quli. Vota o vouvake ni ke mutavake, ni voko niami ta kobeta eva koi anime kasi vairutu.

Iruruputo 21:18

Ni koko raneo kale inio Paula ta o olake Jemisi toraevole eṉe sate ni kiadama lotu tanatanamu ta ke zomanake.

Iruruputo 22:1

“A baerebaere poso mela ni a mama poso mela, meta tala viqomo aṉako qaraqarailo sama pesio mekasi ama!” kiolake.

Iruruputo 7:2

Nio Sitiveni ta o opatake, ni eri kiolake, “Kaka ni visi poso mela ni mama poso mela meta didielomo aṉa! Lulavo inio vo ṉaṉaidara kala Baṉara ta ovai puratake vo animevo taite Ebarahami sai Mesopotemia rana Kolodia o ṉisa peuru kale, puliako vo zio Harani elole,

Qelesia 1:19

Ni sai ta mata puliala apositolo aba toraeve, melai Jemisi o kiada, vo Lekasa Jisu vo visi.

Qelesia 2:12

Ako eri nio o kae sole. So keru Pita kuleto o kuevi keru Anitioko, vota o mati vuatake se pui Jiu ama lotu maba poso, puliako Jemisi o soroemeni Jiu ama maba poso barolo. Ni so keru sea maba poso ke baroa keru, vota ota epezake mata vuato se pui Jiu ama maba poso sase ni ota pitasiake sekasi azo. Ako vota ota ma ṉake sole se Jiu amu se kekai zariani kiadama pui Jiu ama lotu maba madu tu ke movemou.

Qelesia 2:9

Nio Jemisi, ni Pita, ni Jone ta ke keake vo Baṉara ko roquano kale o katilema koidi. Ni se inio sea vilua pikopiko madu me meda ma matu paṉaovani ma kimelani! Nio seta uri ama ka kikeve aṉa ni Banabasi ko iruruputo, so sole eṉeta ṉe jaṉaekiniake tu ko tuvevo puilo ko so, ni seta eri kikelake, “Paula ni Banabasi, matu zakaremu inio ko ṉelai eva eṉe ta vo Baṉara ta o soroeqela qe tu qe ziovou pui Jiu amu kasi, ni eṉeta o soroeṉela tu ṉe ziovou Jiu mu kasi,” kikelake.

Jemisi 1:1

Aṉa Jemisi lala, vo Baṉara ni Lekasa Jisu Karisito vo nabulu lala, ta a rikieka komia roquano sama leta kiadama vo Baṉara ko maba poso mela me lula birebirea elo me evani mela kasi kiadama peuru ma peuru kale.

Jemisi 1:19

Lolo poso, me a roquemelani mela, meta kerukeruekomo komi quli! Kiada mela meta dikidauputole viqomo, melai pui jijiro pesio elo ni pui kapi avole korakorailo.