Iruruputo 15:11 - BAṈARA KO VAIRU AMA LEVELEVEO

¹¹ Pui so me imo! Ako anime ni se ta omadeu pakio meda elou vo Lekasa Jisu ko pakiezato sama roquano kale sole,” kiolake.

Iruruputo 15:11 교차 참조

Romu 3:24

Melai vo Baṉara ko utuakoi puariko voko roquano kale kiadamu ta sidopu ke eva vo Jisu Karisito ko tabarimo kale, vo o rupasimani.

Romu 5:15

Melai nioqata pui ijavoa nioqa, ako vo Baṉara ko roquano sama puaro ta pui Adami ko sarueko jari ama sole. Tuvevo kubo maba ta lula keta vovi omadeu pado maba ko sarueko kale. Melai vo Baṉara ko pakiezato sama roquano ta kokai paloasa ko sarueko, so jari vo Baṉara ko roquano sama puaro koko puariziako kubo maba poso kasi omadeu maba ko pakiezato sama roquano kale kude, vo inio vo Jisu Karisito.

Romu 6:23

Ako ko sarueko ko reketekete ta vou; melai vo Baṉara ko tatabara pide ama katizato ta noqola kama saevo tu animeta omadeu me elou vo Jisu Karisito sase vo animevo Lekasa.

1 Koriniti 16:23

Vo Lekasa Jisu ko pakiezato sama roquano ta ko elou me tona.

2 Koriniti 13:14

Vo Lekasa Jisu Karisito ko pakiezato sama roquano, ni Baṉara ko roquano, ni vo Tabu ala Auvana ko bairumuo ta ko elou me tona.

2 Koriniti 8:9

Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.

Qelesia 1:6

Aṉata a melai matu vuzeiva me! Ako puliako tu keu meta me vaeva vo Baṉara vo o nokaemeleni me vo Karisito ko pakiezato sama roquano kale ni tuvevo me ika edoloma bazu, ko kake Uri ama Bazu ka kikelako.

Qelesia 2:16

Melai aniqeta qekai nianiia ta puliala maba inio sidopu opa elou vo Baṉara ko kelokelozato kale Mosese ko Bazu ko lulueko kale. Melai vai keru kale vo Jisu Karisito ko kiada kale inio sidopu o elou vo Baṉara ko kelokelozato kale. So sole aniqe melai qevai oqui vo Jisu Karisito, so inio aniqeta sidopu qe evake vo Baṉara ko kelokelozato kale. Ni aniqeko sidopu elo ko raki vo Baṉara ko kelokelozato kale ta aniqeko vai keru vo Karisito. Melai pui Mosese ko Bazu ko lulueko kale inio sidopu qe eva. Ako puliala inio sidopu o evani vo Baṉara ko kelokelozato kale vo Mosese ko Bazu ko lulueko kale.

Taitasi 2:11

Ako vo Baṉara ta lula kasa o ike voko pakiezato sama roquano tu kiadamu ta ke pakio.

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.