Iruruputo 14:27 - BAṈARA KO VAIRU AMA LEVELEVEO

²⁷ Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Iruruputo 14:27 교차 참조

Jone 9:10

“Noni kota kala inio ṉoko vilu ta kota ṉa leqosala?” kikelake.

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

Iruruputo 15:12

Ni koa pado ama padoilo kale ama maba madu ta pui ke kuṉubake so keru seke viqake keru Banabasi ni Paula qo kaseke keru kiadama aqasiele ama iruruputo ko bazu nioqako vo Baṉara o erekema nioqa kale kude se pui Jiu amu kasi.

Romu 15:18

Aṉata aqai matu velavelaovou ko quli pala vo Karisito lula o erekako aṉa kale kude tu o odiemo se pui Jiu amu tu ke zorivo vo Baṉara. Vota lula o ereka ko quli pesio ni iruruputo kale,

1 Koriniti 11:18

Kuleto ta aṉata lula a viqa meko bazu ta meta kama sebito ko pesipesito ko poqala poso me eva meko lotu padoilo kale, ni koa bazu ta ka kobu ta a duvevo pueka kota tuvevo ama quli.

1 Koriniti 14:23

Ako kiadama lotu qoqono mela ta me badoilou ni mea kiada mela ta meqai pesio muli pui ko paqumuako pesio, ni kake seke vairua tuvevo putani maba poso ma kake se pui ke tuvevo putani ta ke amaqeovou sai, nio seta so mela kikevou, meta meda sarubeputa inio ko me.

1 Koriniti 15:10

Melai vo Baṉara ko pakiezato sama roquano kale ta apositolo inio o ila aṉa, ni voko apositolo ilo aṉa ta kalo sama. Ako aṉata a matu iruruputa ni aṉata aqai paloasa mata sea kiadama apositolo madu ko iruruputo sole. Melai koko maba tuveano ta kota pui aṉako pizato kale inio aṉata a ereka koa iruruputo, melai vo Baṉara ko pakiezato sama roquano kale ko kuevako pizato ikio.

1 Koriniti 16:9

ako aṉata a qea matu uri ama rora koi tu a iruruputo, ni koi melai kubo kana poso kebeta eva sole.

2 Koriniti 2:12

So keru aṉa a baroa keru sai Toroasi peuru kale tu aṉata aqai bazubazuto vo Karisito ko Uri ama Bazu, aṉata a qeake ta vo Lekasa ta ola erekake uri ama rora iruruputo ko sai.

Kolosi 4:3

Ni vararaitomo tu vo Baṉara ta o tauveqelo eqe, tu vota o katiqelo eqe uri ama bazubazuto ko taku tu eqeta qekai bazubazuto vo Karisito lulavo mutamuta kale ko evema. Koa bazu kai bazubazuto kale inio aṉata abeta eva erisaṉa pirito pade kale.