Iruruputo 14:19 - BAṈARA KO VAIRU AMA LEVELEVEO

¹⁹ Ni kake Jiu amu ke kuevini Pisidia rana ma Anitioko azo ni Aikoniami azo ta kemai titiake sea matuma vaki tu seta seko rana ke elo, ni seta ke taivake vo Paula lado kale ni ke rajaevake ni ke ṉamuvake peuru ko kupekupe ni ke vaevake sai lula ota vouva kikelake sole.

Iruruputo 14:19 교차 참조

Iruruputo 13:14

Ni nioqata qopeta olake talio ni qo baroake Anitioko peuru kale Pisidia rana, ni Sabati ṉaniu kale inio nioqata qo amaqeake Jiu amu ko ilusato ko pade kale ni qo papuake sai.

Iruruputo 13:45

Nio so keru se Jiu amu ke kea keru ko matuma padopadoilo sai, inio seta keta matu konoivake, ni pesipesi saṉa ke ikake vo Paula o kasekema quli, ni ke ruqe kasevake vo.

Iruruputo 14:1

Ni Aikoniami peuru kale melai koa omadeuvo ama iruruputo kobeta ereivake: Paula ni Banabasi ta qo amaqeake se Jiu amu ko ilusato ko pade kale, ni koa omadeuvoa bazubazuto qo evake, ni matu kubo madu se Jiu amu ni pui Jiu amu ta ke tuvevo putake.

Iruruputo 14:18

Soama pesio nioqako kale melai tapata tu dokolimo sea matuma vaki tu seta pui keka siqato nioqa.

Iruruputo 14:2

Melai se Jiu amu se pui ke tuvevo putani ta keta ma niumaekake se kutumana kama pui Jiu amu ko kerukeru tu kemai kaikuapo seke tuvevo puteni.

Iruruputo 14:21

Ni Paula ni Banabasi ta qokai bazubazutake vo Jisu ko Uri ama Bazu Debi peuru kale ni nioqata qo lilimake kubo maba madu. Ni nioqata qota vaitake Lisitara, sai kazo ta Aikoniami, ti qopeta olake Anitioko Pisidia rana.

Iruruputo 14:26

ni sai kazo inio qota vaitake tepe vaka kale Anitioko, koa peuru kale sai kuleto ke kati vararaitekoi tu vo Baṉara ko vailo sama roquano kale qo ereko koa iruruputo nioqa lula qo okotikako.

Iruruputo 14:4

Ni sea maba poso koa peuru kale amu ta keta pitasiake seko kerukeru kale: kake ta uria kerukeru kema evake se Jiu amu, kake ta uria kerukeru keka evake nioqa apositolo kidi.

Iruruputo 14:5

Ni kake pui Jiu amu ni kake Jiu amu ni seko tanatanamu ta kekai kaikuapake nioqa omuqa apositolo kidi ni seta ke taikou kikelake nioqa lado kale.

Iruruputo 15:26

nioqa qo toraekeni nioqa ko tapata kama saevo animevo Lekasa Jisu Karisito va nabuluputo kale.

Iruruputo 17:13

Ni so keru se Tesalonaika ke evani Jiu amu ke viqa keru Paula kai bazubazuto vo Baṉara ko bazubazu Berea peuru kale, seta ke olake sai ni ke taniekake ṉavaṉavato ni lilomato.

Iruruputo 22:20

Ni so keru vo Sitiveni ke vouvaeve keru, vo oṉai bazuteni ṉo, aṉata sai a eve, ni aqa zariake seko vouvaevo vo ni a qati vailake seke vouvaeveni maba poso ko sabosabo.’

Iruruputo 7:58

ni ke rajaevake peuru kupekupe ni ke taivake vo lado kale. Se lipalipato bazu ke erekeni ta ke vaekake seko sabosabo poso Saula va kikelani maba ko vailo kale seko taivo maqa vo Sitiveni.

Iruruputo 9:16

Ni aṉa a ṉavi inio kasa ava ikou kiadama koa tola poso vo o kovo ama aṉako ṉi ko kio kale avo,” kiolake.

1 Koriniti 15:31

Koe, a qaka ni visi poso, aṉako elo vou ko ededeu kale kiadama ṉaniu kale ta tuvevo, omadeuvo aṉako mela zoleilo me ta tuvevo jari, ko animeko omadeu vati elo vo animevo Lekasa Jisu Karisito ko katilako aṉa.

2 Koriniti 11:23

Vo Karisito ko nabulu poso inio ko se kio? Aṉata kala sarube ala maba jaria rauraraurailo a eva, melai koko tuveano ta aṉata kala qulepo ala nabulu lala abe mai paloasa se! Aṉata lula a matu iruruputa, aṉata lula a eva pirito pade kale kubo taku, ni aṉata lula a matu pazoivani lala, ni kubo taku ta sipole ada vouvani lala mati.

2 Koriniti 11:25

zouke taku ta ke sisiparu puela se Romu amu; omadeu taku ta ke taila lado kale. Aṉata lula zouke vaka ko lati pisaivani lala, ni omadeu taku karabete ariku aoa a ṉamukeni lala kolo kale.

2 Koriniti 11:26

Kubo aṉako talio kale aṉata a doraeke ko nioqololo ko tapata ni se kuilokuilo amu ke erekema tapata, ni a doraeke ko tapata se aṉako mabamu se Jiu amu ke erekema ni se pui Jiu amu ke katilema, ni aṉata a doraeke ko tapata koa matuma peuru poso kale ama, ni ivulu ama zaekale ama tapata, ni ko matu okate ama ololobagea kale ama tapata, ni se lipalipa kama baerebaere poso kasi ama tapata.

1 Tesalonaika 2:14

Ṉe visi poso mela, koa omadeuma niumaniumato mekasi ko ereima jari ama ikio ko ereima vo Baṉara ko lotu qoqono poso kasi Jiudia, saizamu vo Jisu Karisito ko maba madu kasi. Koa omadeuma niumaniumato ko me duki ke melai ikema me ṉaviko ṉisa peuru kale ama maba poso ikio duki kemai ikema saizama lotu maba poso se Jiu amu ko lotu tanatanamu,

2 Timoti 3:11

aṉako toraeko ko naqunaquto ni aṉako tolailo sama upotuqu. Ṉota ṉobe paqumuka kiadama koko ereima quli aṉa kasi sai Anitioko, Aikoniami, ni sai Lisitara peuru poso kale, koa matu ruqe ama niumaniumato poso ko aṉa ko tolaelema! Melai vo Lekasa Jisu ta o pakiele aṉa koa kiadama tapata poso kale azo.