Iruruputo 13:6 - BAṈARA KO VAIRU AMA LEVELEVEO

⁶ Ni seta keta roraoke koa udu kale ni ke baroake Paposi peuru kale, sai nio seta ke toraevake kala kakokakoto ko maba Ba-Jisu va kikelani, vota kala Jiu ala vo okai rairiziani ko poropita.

Iruruputo 13:6 교차 참조

Matiu 16:17

Nio Jisu ta o vati tiorikake vo Saimone ni eri kiolake, “Matu uri ṉo kiṉolani, Saimone, Jone vo meqora ṉa. Komia tuveano ta pui maba kasi azo ko kuevako, melai kota aṉavo Mama aukale ala o katiṉako ṉo,” kiolake vo Jisu.

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 7:15

Nio vo Jisu ta obeta olake bazubazuto ni eri kiolake sekasi, “Meta tama balauvomo se lipalipa kama poropita madu seke kuevani mekasi. Seko kupekupe ama kalo ta sipi ko inobe jari, melai seko omele ama kerukeru ta niumaniuma kama piru siele jari.

Maka 10:46

Ni seta kekai baroake Jeriko peuru. Ni Jisu ni voko disaipeli madu ni matuma vaki ke vaeka keru sai, inio seta ke veake leqa kala maba o ṉi ta Batimiasi obeta papuake keve ko ketaketa. Voko ṉi ko kio ni kalo ta “Timiasi vo meqora”.

Iruruputo 13:13

Ni Paula ni voko baerebaere kidi ta ke tadaoke kala tepe vaka kale Paposi azo ni ke kuevake Peqa peuru kale Pamipilia rana, sai nio Jone Maka ta o vaekake nioqa ni ota vaitake Jerusalema.

Iruruputo 13:8

Melai voa kakokakoto ko maba ta o tizaekake nioqa, vo Elimasi va kikelani (ko ikio Quriki kale ama vo Ba-Jisu ko ṉi), vo o madoeveni tizaevo vo qavuna tu pui ovai oqu vo Jisu.

2 Koriniti 11:13

Sea maba poso ta pui tuvevo ama apositolo madu inio, seta kama lipalipa kama apositolo madu, seke lipalipaitani seko iruruputo kale ni seke edoliani tu vo Karisito ko tuvevo ama nabulu poso jaria melo ke elo.

2 Timoti 3:8

Omadeuvo Jenisi ni Jaberesi qo ivevoa tizaevo vo Mosese jari, so jaria tizaeko inio nia maba poso ke evani ko tuveano, se sarube ama kerukeru sama maba madu se kekai lipalipaitani ko oqu.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.

Kelokelozato 19:20

Ni seta ke noqoevake voa biaṉa ni ke noqoevake voa lipalipa kala poropita vo o erekani ko aqasiele ama iruruputo voa biaṉa ko tanama kale. (Koa aqasiele ama iruruputo omai lipalipaekema seke koeni vo biaṉa ko mamola ni keta va ilusikeni voko beku.) Ni voa biaṉa ni voa lipalipa kala poropita ta omadeu risaeko ke evake saevoa nioqa uza kolabale ni ke siqaekake nai sama uza kale.