Iruruputo 13:5 - BAṈARA KO VAIRU AMA LEVELEVEO

⁵ Ni so keru nioqa qo varerike keru Salamisi peuru kale inio nioqata qokai bazubazutake vo Baṉara ko bazubazu saizama Jiu amu ko ilusato ko pade poso kale. Ni nioqata qo vati keve vo Jone Maka tu vota o tauvezato koa iruruputo kale.

Iruruputo 13:5 교차 참조

Matiu 20:26

Melai meta pui so me qalou me navio kude, ako vo oka zariovo ala raura elo mekasi azo ta kiada mela vo nabulu o elou nio vota raura o elou.

Iruruputo 12:12

Ni so keru vo o paqumuka keru ko, vota ota olake Mere ko pade kasi Jone Maka ko niania, sai matu kubo maba madu lula ke padoivakoi ni kebeta vararaitakoi.

Iruruputo 12:25

Ni Banabasi ni Saula ta qo paikake nioqako iruruputo Jerusalema ni qota vaitake sai kazo, ni nioqata qo vati olake vo Jone Maka.

Iruruputo 13:14

Ni nioqata qopeta olake talio ni qo baroake Anitioko peuru kale Pisidia rana, ni Sabati ṉaniu kale inio nioqata qo amaqeake Jiu amu ko ilusato ko pade kale ni qo papuake sai.

Iruruputo 13:46

Melai Paula ni Banabasi ta matu parani putole qo pesiake ni eri kiqolake, “Ko male ikio tu mekasi nio kuleto ko kaseilo vo Baṉara ko bazu, melai meta meda ka lupaova viqo ko ti lula kuiripato saṉa meda eva me ṉavi ni pui me malezika ko noqola kama saevo, so sole eqeta qe vaemelou me ni qeta ziovou pui Jiu amu kasi.

Iruruputo 14:1

Ni Aikoniami peuru kale melai koa omadeuvo ama iruruputo kobeta ereivake: Paula ni Banabasi ta qo amaqeake se Jiu amu ko ilusato ko pade kale, ni koa omadeuvoa bazubazuto qo evake, ni matu kubo madu se Jiu amu ni pui Jiu amu ta ke tuvevo putake.

Iruruputo 15:37

Nio Banabasi ta ova zariake odievo vo Jone Maka tu o lulueko nioqa,

Iruruputo 17:17

So sole vota Jiu amu ko ilusato ko pade kale o mati pesipesitake se Jiu amu ni se pui Jiu amu Baṉara ke ilusivani, ni so jari kiadama ṉaniu maketi pade kasi o mati pesipesitake se sai ke alokatani maba poso.

Iruruputo 18:4

Ni vota o bazubazutake Jiu amu ko ilusato ko pade kiadama Sabati ṉaniu poso kale tu o madoeko lilimo se Jiu amu ni se sai ke lotumatani Quriki amu.

Iruruputo 19:22

So sole vota o soroekake voko omuqa tauvezato ko maba kidi Timoti ni Erasitasi Masedonia rana kuleto, melai o ṉavi ta obeta evake Eisia vasia rana saita.

Iruruputo 19:29

Ni matuma tibaraputo kota evake koa pado ama peuru kale. Ni seke ikiratani ta ke saputikake Qaiasi ni Arisitakasi, nioqata Masedonia nioqa qo lulueveni nioqa vo Paula, ni ke rerikiniake seko padoilo ko matu zaekale.

Iruruputo 19:8

Ni vo Paula ta o amaqeake mati se Jiu amu ko ilusato ko pade kale ni zouke kaboso vota parani putole o bazubazutake sai ke ilusatani maba poso kasi. Vota omai titiake se ni o madoekake mai nianiiekiko vo Baṉara ko lekasa puo.

Iruruputo 9:20

Ni vota tutumazi avole o olake se Jiu amu ko ilusato ko pade poso ni o tanitake kai bazubazuto ta vo Jisu ta vo Baṉara vo Meqora inio kio.

Kolosi 4:10

Arisitakasi ta obeta eva aṉa sase koi pirito pade kale. Vota o soroeka voko roquano mekasi, ni so jari vo Maka, Banabasi vo sasa tamania kale ala melai o soroeka voko roquano. Aṉata lula a mela soroeke leta kale vo Maka ko bazu mekasi, tu vota o barou tea meko peuru kale, meta me uria baroekivou vo.

2 Timoti 4:11

Luke o kiada inio inovoana obeta eva aṉa sase. Pa voa vo Maka ni ṉo vati kilou, ako vota o roveovou tauvelo aṉa iruruputo kale sole.