Iruruputo 13:48 - BAṈARA KO VAIRU AMA LEVELEVEO

⁴⁸ Nio so keru se pui Jiu amu ke viqe keru ko, seta keta zoleike ni matu uri ka kikeve vo Baṉara ko bazu, ni seke pitoini tu ke kovo amu koa noqola kama saevo ta ke tuvevo putake.

Iruruputo 13:48 교차 참조

Matiu 25:46

Nio soama ruqe ama maba poso inio ke kovo amu ko noqola kama tolailo, melai se sidopu amu ta ke ziovou noqola kama saevo kale,” kiolake vo Jisu.

Matiu 28:16

Ni sea toni omadeu disaipeli madu ta keta olake Qalili ni keta kailake sopu kale, sai Jisu o soroemekoi.

Luke 7:8

Ako aṉa inio se raura kamu ko zara lala sole, ni sea solodia madu ta aṉako zara kamu. Nio aṉata a bazueva kala, ‘Ola!’ va kiala, ni vota o ola. Mata aṉata a bazueva kala, ‘Kua!’ va kiala, ni vota o kueva. Ni aṉata a bazueva aṉavo nabulu, ‘Ereka komi!’ va kiala, ni vota o ereka ko. Sole ṉoko pesio melai soa pizato kota elou,” kiolake.

Jone 10:16

Ni inisiana mata kake aṉako sipi poso se pui nio sipi ko qara kale ke evani. Se melai keta la viqou aṉako kora, ni aṉata a amaqimou se, tu sea kiadamu ta omadeu rovaṉa ke elou omadeu vailo ko maba ko vailo kale.

Jone 11:52

ni pui seke kiada, melai voko voukale vota omadeu qoqono o imou kiadama vo Baṉara ko maba poso se lula ke birebireini.

Iruruputo 13:12

Nio so keru vo qavuna o kea keru koko ereima quli, vota ota tuvevo putake, ako vota matu aqasiele okai evake vo Lekasa Jisu vai nianiiekato sole.

Iruruputo 13:42

So keru Paula ni Banabasi qo vaeke keru se Jiu amu ko ilusato ko pade saizama maba poso ta ke taipazikake nioqa tu nioqata qo vaitou mata koko tovama Sabati ṉaniu kale tu nioqata qopa kai bazutou mata kama quli koa bazu kikolani.

Iruruputo 15:2

Ni Paula ni Banabasi ta ṉaloṉalo ama zolizoliekinio qo mati erekake kokale avo, so sole Paula ni Banabasi ni kake maba madu Anitioko amu ta ke pitoike tu ke zio Jerusalema ni kepa paqumuko se apositolo madu ni se lotu tanatanamu ko kerukeru kokale avo.

Iruruputo 15:31

Ni so keru sea maba poso ke tiromike keru koa leta, seta keka matu zoleike koa zuvarato sama bazu.

Iruruputo 2:41

Ni kubo madu ta ke tuvevo puekake voko bazubazu ni seta bapitaiso ke evake, ni zouke vuro maba madu ta ke amaqeake seke tuvevo puteni ko poqala kale koa ṉaniu kale.

Iruruputo 2:47

ni seta ke ilusivake vo Baṉara, ni kiadama maba madu ta kemai zoleike se. Ni kiadama ṉaniu vo Lekasa Jisu ta o padoemake se ṉaniu ma ṉaniu ke liliziovini ni ke koeni ko pakio seke tuvevo puteni ko poqala kale.

Iruruputo 20:13

Ni eṉeta ṉebeta olake kuleto vaka kale Asosi peuru kale, melai o ṉavi Paula ta ota roraoke sai, ni eṉeko korokoroti kale eṉeta ṉe zazuevou vo sai sole.

Iruruputo 22:10

Nio aṉata a quimanaoke ni eri kialake, ‘Loma quli kio aṉata a erekou, Lekasa?’ ni vo Lekasa ta eri kiolake aṉa kasi, ‘Zolai, ni ola Damasikasi peuru kale, ni sai nio ṉota ṉo viqou kiadama quli vo Baṉara lula oṉa korokorotikako ṉo tu ṉo erekou,’ kiolake.

Iruruputo 28:23

So sole seta ke takumukake ko ṉaniu Paula sate, ni matuma vaki ta ke kuevake koa ṉaniu kale sai vo Paula o evakoi. Nio vikale azo ti kobeta baroake ipu kale vota zakaremu omai ikake vo Baṉara ko lekasa puo voko bazubazu kale, ni vota matuma pesipesi o mati erekake se voko zakaremu pueko kale Mosese ko Bazu ni poropita madu ko riki ko kasekako quli, tu tuvevo ke ivo vo Jisu.

Iruruputo 8:8

So sole matuma zoleilo ta kota evake koa peuru kale.

Romu 11:7

Sole komi ta koko paitopaito. Se Izireli amu ke vailikema quli ta pui kepa koe. Melai kama poso madu vo Baṉara o pitoemeni pala inio ke koe ko; ni matu kubo madu ta zokele bulo o imake ni pui kepa viqe vo Baṉara ko nokao.

Romu 13:1

Kiadamu ta ke zorimo se qavuna madu, ako puliala ta pizato sala Baṉara pui o zarievo vo tea. Ako vo Baṉara kasi azo inio ke koani ko pizato sole.

Romu 8:28

Animeta meqai nianiia ta kiadama quli vo Baṉara ta uria ereko o eva anime me roquevani mela vo kaqe ni anime o nokaemelani mela voko vatolo kale.

1 Koriniti 16:15

Meta meqai nianiia Sitepanasi ni voko saidi inio se kuleto ke liliziovini Akaia ranama peuru poso kale. Seta kema matu nabuluputani se lotu maba poso. Aṉata a basemela me a qaka ni visi poso mela,

Epesasi 1:11

Ni vo Karisito kale inio animeta me bitoi tu vo Baṉara ko maba poso me elo. Vo Baṉara ta lula o vatoeke tu animeta voko maba poso me elo, ako so inio vo oka zariani sole. Ako o ṉavi Baṉara inio o korotikani kiadama quli o ṉaviko vatolo kale sole.

Epesasi 1:19

Ni meta meqai nianiiovou ta vo Baṉara ko pizato ta matuma anime me duvevo putani mela kasi. Ako koa pizato koko tauvemelako anime ta matu piza kama sole,

Epesasi 1:4

Vo Karisito kale inio vota o pitoemele anime puliako komia peuru ma peuru ereilo. Ni vo Baṉara ta o pitoemele anime tu voko tabu ama maba poso mela me elo ni puliama kuiripato saṉa me elo voko tanama kale.

Epesasi 1:5

Ni puliako komia peuru ma peuru ereilo inio vota o roquemele ni o pitoemele tu o ṉaviko meqora poso o imelo anime vo Jisu Karisito kale. Ni ko ikio voko zario ni ko zolevako quli.

2 Tesalonaika 3:1

Ni eṉeko kaka ni visi poso mela, meta mata ṉelati vararaitomo eṉe, inio animevo Lekasa ko bazu ta ko aerou tu kota raura ko elou koko kovo kale, omadeuvo koko kavani me tona jari.