Iruruputo 13:46 - BAṈARA KO VAIRU AMA LEVELEVEO

⁴⁶ Melai Paula ni Banabasi ta matu parani putole qo pesiake ni eri kiqolake, “Ko male ikio tu mekasi nio kuleto ko kaseilo vo Baṉara ko bazu, melai meta meda ka lupaova viqo ko ti lula kuiripato saṉa meda eva me ṉavi ni pui me malezika ko noqola kama saevo, so sole eqeta qe vaemelou me ni qeta ziovou pui Jiu amu kasi.

Iruruputo 13:46 교차 참조

Matiu 10:6

Melai meta me ziovou Izireli mu kasi, ako seta mumamuma kama sipi poso sole.

Matiu 21:41

Nio seta eri kikelake Jisu kasi, “Vota o vouvaemou sea ruqe ama maba poso, ni vota ota ma kovou koa kiaro ni o katimou edolomu, seke uria kativo amu vo voko puaro kajoro ko taku keru.”

Matiu 21:43

Ni Sokale avo inio aṉata a bazuemela me, vo Baṉara ko lekasa puo ko mauruto ta ota mela kovou me ni o katimou sea qoqono, seke zoriko amu voko soru.”

Matiu 25:46

Nio soama ruqe ama maba poso inio ke kovo amu ko noqola kama tolailo, melai se sidopu amu ta ke ziovou noqola kama saevo kale,” kiolake vo Jisu.

Luke 24:47

ni voko ṉikale inio lilizio ni sarueko ko akoezato ko bazu ta ko kaseilou, Jerusalema ko tanitou ti kobeta barou kiadama peuru ma peuru kale ama qoqono poso kasi.

Jone 1:11

Vota okai kuevi o ṉaviko kunia peuru, melai sea kiadamu o ṉaviko kuniale amu ta pui ke baroekivake vo.

Jone 4:22

Me Sameria mela ta pui me uria vai nianiia vo meme ilusivani; melai eṉe Jiu amu ṉela ta ṉe uria vai nianiia vo eṉe ṉe ilusivani, ako pakiezato ta se Jiu amu kale kude inio ko kueva sole.

Iruruputo 13:14

Ni nioqata qopeta olake talio ni qo baroake Anitioko peuru kale Pisidia rana, ni Sabati ṉaniu kale inio nioqata qo amaqeake Jiu amu ko ilusato ko pade kale ni qo papuake sai.

Iruruputo 13:26

“Aṉako mabamu mela me Izireli amu mela, vo Ebarahami ko vikuvikula kalea mela, ni kiadama pui Jiu amu mela meme ilusivani mela vo Baṉara: anime kasi inio ko soroi komia pakiezato ko bazu!

Iruruputo 13:5

Ni so keru nioqa qo varerike keru Salamisi peuru kale inio nioqata qokai bazubazutake vo Baṉara ko bazubazu saizama Jiu amu ko ilusato ko pade poso kale. Ni nioqata qo vati keve vo Jone Maka tu vota o tauvezato koa iruruputo kale.

Iruruputo 19:9

Melai kake ta zokele bulo keta evake ni seta pui ke tuvevo putake, ni seta kekai balebaleitake vo Baṉara ko keve koa matuma padopadoilo maba ko tanama kale. So sole Paula ta o odiemake seke tuvevo putani ni o mati olake, ni kiadama ṉaniu poso kale seta ke pesipesitake vo Tairanasi ko nianiiekato ko pade kale.

Iruruputo 22:21

Ni vo Lekasa ta eri la kiolake, ‘Ola, ako aṉata a joroeṉou matu vaṉa vasi se pui Jiu amu kasi,’ kiolake.”

Iruruputo 26:20

Kuleto ta Damasikasi ti Jerusalema ni koa pado ama Jiudia ni mata se pui Jiu amu kasi aṉata aba bazubazute sai tu seta ke lilizio seko sarueko poso kale azo ni ke lilizio Baṉara kasi ni ke ereko ko quli seko lilizio kasa ko iko ama.

Iruruputo 3:26

So inio vo Baṉara ta o pitoeve vovo Nabulu ni vota o soroeve kuleto mekasi tu mauru o imelo me tu meta me liliziovou kiadama meko ruqe ama iruruputo kale azo,” kiolake vo Pita.

Iruruputo 4:13

Nio sea Jiu ama tanatanamu ta aqasiele kekai evake ko Pita ni Jone ko parani puto sama pesio ako seta ke paqumukake ta nioqata kama peuru kale ama maba kidi ni puliama uri ama nianiio sikulu kale ama sanioqa sole. Ni seta ke nianiiekake nioqa ta nioqata Jisu qo lulueveni nioqa.

Iruruputo 7:51

Ni Sitiveni ta obeta olake pesio ni eri ma kiolake, “Me matu meomeo kamela! Maba kutumana kamu mebeta eva meko bulo poso kale, ni puliama ka taku kale inio meqai zaria viqo vo Baṉara ko bazubazu! Meta omadeuvo meko taite poso jari meda kava, ako meta se jari kiada keru me bikoirivani mela vo Tabu ala Auvana!

Iruruputo 9:20

Ni vota tutumazi avole o olake se Jiu amu ko ilusato ko pade poso ni o tanitake kai bazubazuto ta vo Jisu ta vo Baṉara vo Meqora inio kio.

Romu 1:16

Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu.

Romu 2:10

Melai vo Baṉara ta o puarikou ko ṉaṉaidara, raurailo, ni bule se uri ke erekani kasi, Jiu amu kasi kuleto ni so jari se pui Jiu amu kasi.

Pilipai 1:14

Ni aṉako pirito pade kale elo ta kobe pizatima kubo madu seke tuvevo putani seko tuvevo puto kale sole seta pui ke ṉava kai bazubazuto vo Karisito ko Uri ama Bazu.

Hiburu 11:34

Mata kake ta ke risaemake ko ṉaloṉalo ama uza kale, melai mata pui ko siqaemake se. Ni keta ka soqoike ko benisi kale ama vouvailo. Seta lekuleku amu, melai keta pizatake; keta pizatake pazokinio kale ni ke koqotaekake edoloma pazokinio ko vaki.