Iruruputo 13:32 - BAṈARA KO VAIRU AMA LEVELEVEO

^32-33 Ni eqeta koi tu qe kati kilo ko Uri ama Bazu mekasi, ko eri, ko quli vo Baṉara leveleveo oma kasekema quli animeko taite poso tu o erekou, erisaṉa vota lula o ereka anime kasi, seko vikuvikula mela kasi, vo Jisu ko saevivo voukale azo ama. Omadeuvo ko lula ko rikiziovima Devita ko kera omuqa kale jari, ‘Ṉota aṉavo Meqora ṉa; vairutu aṉata a bazueṉa ṉo, ta aṉata ṉovo Mama lala,’ kiolake.

Iruruputo 13:32 교차 참조

Luke 1:19

Nio vo mateana ta o vati tiorikake vo, ni eri kiolake vokasi, “Aṉata Qebireli lala. Aṉata a lojoani lala vo Baṉara ko tanama kale, vo o soroelani lala tu aqai pesio ni a qaseko komia uri ama bazu ṉokasi.

Luke 2:10

Melai voa mateana ta eri kiolake sekasi, “Pui ṉalo! Aṉata meko uri ama bazu salala, koko kati kilo ama ko matuma zoleilo kiadama maba kasi.

Iruruputo 10:36

Meta meqai nianiia koa bazubazu vo o soroekema se Izireli amu kasi, bule ko kasekema Uri ama Bazu vo Jisu Karisito kale kude ko kuevima, vo kiadamu vo Lekasa.

Iruruputo 13:23

Devita vo vikuvikula kale ala inio vo Jisu, vo Baṉara Izireli amu vo Pakio o iveni vo lula leveleveo oma kaseveni jari.

Iruruputo 13:38

“Sokale avo inio eqeta qe mela zaria me tu kai nianiiomo ko, me aṉako lolo poso mela Izireli amu mela, vo Jisu kovai ereima quli ta ko kaseka sarueko ko akoezato sama bazubazu mekasi, ni kiadamu seke tuvevo puevani vo ta ke rupasia kiadama sarueko ko kuiripato kale azo. Melai vo Mosese ko Bazu ta pui ko roveako rupasimelo me koa sarueko ko kuiripato kale azo.

Iruruputo 14:15

“Noi sole inio meta me ereka eri ama quli? Ako eqeta maba qela inio me jaria qela! Eqeta qe kuevani qela inio koi tu kasekole vo Jisu ko Uri ama Bazu, tu meta me lilizio koa utube ama quli kasi azo vo tuvevo ala ni saevola Baṉara kasi vo o erekeni ko au, miduku, ivere ni kiadama quli sai ko evako quli.

Iruruputo 26:6

Ni vairutu aṉata abeta lojoa titizikinio kale aṉako kai keru kale avo vo Baṉara ko leveleveo ko oma kasekema animeko taite poso kasi tu o ereko—

Iruruputo 3:19

So sole meta liliziomo vo Baṉara kasi nio vota ota mela akoekou meko sarueko poso.

Iruruputo 5:42

Ni kiadama ṉaniu poso kale seta ke olake Jelepade kale ni maba poso ko pade poso kasi ni seta pui ke lalamatake kai nianiiekato ni kai bazubazuto vo Jisu ta vo Baṉara o soroeveni Pakio kio sama Uri ama Bazu.

Romu 1:2

Ko ikio koa Uri ama Bazu vo Baṉara o kasekema lulavo voko poropita madu kasi koko rikiziovima ko Tabu ama Riki kale.

Romu 10:15

Ni noni ko kalou inio ko bazu ta ko kaseilou puliala bazubazuto ko maba o soroilou ta? Omadeuvo ko Tabu ama Riki kikovevo jari, “Matu zolezole ama quli anime kasi seko kati kilo ko Uri ama Bazu!” kikolako.

Romu 4:13

Ni so keru vo Baṉara o vati korotike keru vo Ebarahami ko peuru ma peuru ta vo ni voko vikuvikula ko leveleveo ikio kio, vota so o ikake, pui vo Ebarahami ko zoriko kale ko Bazu, melai vo Ebarahami ta o tuvevo putake nio vo Baṉara ta sidopu ala va kiolake.

Romu 9:4

Se inio vo Baṉara ko maba madu ni se inio voko meqora poso o imeni, ni omai kasa puekeni voko ṉaṉaidara kama pizato; ni se inio mata omai vikuekeni voko piza kama leveleveo poso ni o katimeni Mosese ko Bazu; ni se inio ke ṉeamukeni ko tuvevo ama ilusato ko keve; ni se inio mata vo Baṉara leveleveo oma ikeni voko pakio.