Iruruputo 13:27 - BAṈARA KO VAIRU AMA LEVELEVEO

²⁷ Sea maba poso Jerusalema ke evani ni seko vilua pikopiko madu ta pui kepa kai nianiiovi ta vo inio voa Pakio kio, ni seta pui kepa paqumuke se poropita madu ko riki kikolani kiadama Sabati poso ko tiromiako. Melai seta ke tuvevo puekake se poropita madu ko pesio seko kuiripato saṉa ivo kale vo Jisu.

Iruruputo 13:27 교차 참조

Matiu 22:29

Nio vo Jisu ta eri ma kiolake se, “Meta meda saruiva meko kerukeru kale, ako meta pui meqai nianiia ko Tabu ama Riki kikovevo, voukale azo mata saevo ko bazu, ni Baṉara ko pizato melai pui meqai nianiia sole.

Luke 22:34

Nio Jisu ta eri kiolake, “Pita, aṉata a bazueṉa ṉo, puliako kokorako zialo oduadu ipu kale inio ṉota ṉoda la zoliovou ni eri kiṉovou zouke taku, ‘Aṉata pui avai nianiia vo,’ kiṉovou,” kiolake.

Luke 23:13

Ni Paelati ta o padoemake se raura kama siama madu ni lekasa poso ni maba poso,

Luke 24:20

Melai animeko raura kama siama madu ni tanatanamu ta ke vaevala se Romu ama Qavuna madu ko pizato kale tu o vou, ni vota lula ke patoevala korosi topi.

Jone 15:21

Seta ke melai erekou me koa kalo aṉa kale avo sole, ako seta pui kevai nianiia vo aṉa o soroeleni sole.

Jone 16:3

Se maba madu ta ke melai erekou ko quli ako seta pui kevai nianiiani aṉavo Mama ni aṉa sole.

Jone 5:39

Meta me lezumuka ko Tabu ama Riki kikolani, ako meta eri kimela ta kokale inio me qovou ko noqola kama saevo kimela sole. Maba ko ikio koa Tabu ama Riki ko kolai bazutako aṉa,

Jone 8:28

So sole Jisu ta eri kiolake sekasi, “Meme zolaelou keru aṉa maba a eveni lala nio meta meqai nianiiovou ko ‘Aṉa inio ko Aṉa lala’ kio. So inio meta meqai nianiiovou ko aṉata pui a ereka a qiada kama quli, melai kota aṉavo Mama olai nianiiekikema aṉa tu a qaseko nio kimevou.

Iruruputo 15:21

Ako vo Mosese ko Bazu ta lula ko tiromiovi matu lulavo azo ti kobeta baroa vairutu Jiu amu ko ilusato ko pade poso kale kiadama Sabati ṉaniu kale, ni vo kiolani ta kekai bazubazuta kiadama peuru kale sole,” kiolake.

Iruruputo 28:23

So sole seta ke takumukake ko ṉaniu Paula sate, ni matuma vaki ta ke kuevake koa ṉaniu kale sai vo Paula o evakoi. Nio vikale azo ti kobeta baroake ipu kale vota zakaremu omai ikake vo Baṉara ko lekasa puo voko bazubazu kale, ni vota matuma pesipesi o mati erekake se voko zakaremu pueko kale Mosese ko Bazu ni poropita madu ko riki ko kasekako quli, tu tuvevo ke ivo vo Jisu.

Iruruputo 3:17

“Lolo poso, aṉata aqai nianiia ta me ni meko vilua pikopiko poso me erekema quli vo Jisu kasi ta meko pui paqumuvo vo kale inio.

Romu 11:25

A visi poso, ikoana kama pado mutamuta kama tuveano ko aṉa a mela zariako me tu kai nianiio, ako me baqumukou ko inio pui meqai abarou meko nianiio. Eri nio koa mutamuta kama tuveano; se Izireli amu ko pikipikinio puto ta pui noqola kama kopa elou, melai kota ko epezou so keru sea poso se pui Jiu amu ke kilo amu vo Baṉara kasi ke okotou keru.

1 Koriniti 2:8

Puliala kala pado lekasa komia peuru ma peuru kale ala ta opa vakakuke komia raura kama nianiio ko bazu. Ako seta lula ke paqumuke ko tea, pui nio kepa patoevo animevo ṉaṉaidara kala Lekasa korosi topi.

2 Koriniti 3:14

Melai seko kerukeru ta kota ma tibuliake. Ni kobe kai baroa komia taku kale melai kama quli ta kobe tama tizaeka seko kerukeru kiada keru seke tiromika keru lulama leveleveo ko Buka, omadeuvo koa suma ta ko bouluke vo Mosese ko loilo jari. Seta pui nio ke paqumuka ko vairu ama leveleveo, ako se pui nio omadeu ke vati evani vo Karisito ta pui ke rovea paqumuko ko sole.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

1 Timoti 1:13

rouka ruqe kasevo abe eve vo lulavo ni abe niumaniumaeve vo aṉako ruqe imo kale voko maba madu. Melai animevo Lekasa Jisu ta o matu roquele aṉa ni ota la akoeke ko, ako so keru ta aṉata pui nio avai oquke vo sole ni pui nio aqai nianiiake ko aṉa a erekema quli ta ruqe ama kio sole.