Iruruputo 13:12 - BAṈARA KO VAIRU AMA LEVELEVEO

¹² Nio so keru vo qavuna o kea keru koko ereima quli, vota ota tuvevo putake, ako vota matu aqasiele okai evake vo Lekasa Jisu vai nianiiekato sole.

Iruruputo 13:12 교차 참조

Matiu 27:54

Ni so keru se solodia madu ni sevo kuleto ala kebe vati vailani vo Jisu ke kea keru ko nunu ni kiadama quli sai ko ereima, seta keta matu ṉavaike ni eri kikelake, “Koe, matu tuvevo nei ta vo Baṉara vo Meqora tivoine!” kikelake.

Luke 4:22

Nio sea kiadamu ta keva matu zoleike vo ni aqasiele kekai evake koa matu ileile ama pesio poso vo o rukuekema. Nio seta eri kikelake seko vuzeilo kale, “Koe, nei ta pui vo Josepa vo meqora soikoni!” kikelake.

Luke 7:16

Ni sea kiadamu ta keta matu ṉake, ni seta ke rauraevake vo Baṉara ni eri kikelake, “Matula poropita ta o purata anime kasi!” kikelake, ni mata “Baṉara ta lula o kueva tu o pakiemo voko maba poso!” kikelake.

Jone 7:46

Ni sea Jelepade ke kati vailani ta ke tiorizatake, “Puliala ta nea maba jaria bazubazutola!” kikelake.

Iruruputo 13:48

Nio so keru se pui Jiu amu ke viqe keru ko, seta keta zoleike ni matu uri ka kikeve vo Baṉara ko bazu, ni seke pitoini tu ke kovo amu koa noqola kama saevo ta ke tuvevo putake.

Iruruputo 13:49

Ni vo Lekasa Jisu ko bazu ta ko aerake koa kiadama Pisidia ranama peuru poso kale.

Iruruputo 13:7

Vota koa udu kale ala qavuna vo baerebaere inio Sejiosi Polasi va kikelani, vota kala nianiiola maba. Ni vota o nokaekake Banabasi ni Saula voko tanama kale ako vota oka zariake viqo vo Baṉara ko bazubazu sole.

Iruruputo 13:8

Melai voa kakokakoto ko maba ta o tizaekake nioqa, vo Elimasi va kikelani (ko ikio Quriki kale ama vo Ba-Jisu ko ṉi), vo o madoeveni tizaevo vo qavuna tu pui ovai oqu vo Jisu.

Iruruputo 15:35

Melai Paula ni Banabasi ta qopeta evake saita Anitioko peuru kale, ni se ni matu kubo madu ta kekai nianiiekatake ni kekai bazubazutake vo Lekasa ko bazubazu.

Iruruputo 15:36

Ni kama taku poso ko tova inio Paula ta eri kiolake Banabasi kasi, “Aria tu qe vaito tu qepa soipimo sea lotu maba poso kiadama koa peuru poso kale sai aniqe lula qekai bazubazutekoi vo Lekasa ko bazubazu, tu qe melo noi nio kebe kava se seko lotu saevo kale kio,” kiolake.

Iruruputo 18:12

Ni so keru Qalio qavuna o eva keru Akaia kale ama peuru poso kale, se Jiu amu ta ke padoivake, ni seta ke noqoevake vo Paula, ni ke vati olake titizato kale.

Iruruputo 19:10

Komi quli ta omuqa sabere kota ereivake, so sole kiadama maba se Eisia rana ke evani, Jiu amu ni pui Jiu amu, ta ke viqake vo Lekasa Jisu ko bazu.

Iruruputo 19:20

Nio koa piza kama keve kale inio vo Lekasa Jisu ko bazu kobeta olake aera ni lilimo matu kubo madu.

Iruruputo 19:38

Dimitiriasi ni voko iruruputo maba poso ta kuiripato saṉa ke ivou kala kikevou ta, animeta tanatanamu samela inio, ni pitopito ama titizato ko ṉaniu samela inio, ni sai nio ko roveovoa koi ko kuirikinio.

Iruruputo 19:7

Ni sea poso ko ataataiti ta kama toni omuqa madu.

Iruruputo 28:7

Ni koa zaekale azo ta pui vaṉa kama miduku poso Pabiliasi ko, vota koa udu kale ala matula lekasa. Ni vota o odieṉelake eṉe voko pade kasi ni o ṉelati uria baerebaereake eṉe, ni eṉeta ṉe evake sai zouke ṉaniu.

Iruruputo 6:10

Melai vo Tabu ala Auvana ta o kativake ko nianiio vo Sitiveni so keru vo o pesi keru, so sole seta pui ke roveake tava pazoko voko pesio.

Iruruputo 8:25

Nio Pita ni Jone ta qo pikairikake qo ṉavi qo kevema quli vo Jisu o erekema ni qokai bazubazutake Lekasa ko bazubazu, ni koko tova inio nioqata qota vaitake Jerusalema. Ni nioqako zio keru sai nioqata qokai bazubazutake ko Uri ama Bazu Jisu ko kubo Sameria ma peuru poso kale.