Iruruputo 13:10 - BAṈARA KO VAIRU AMA LEVELEVEO

¹⁰ ni eri kiolake, “Noa Setani vo meqora ṉa! Ṉota kiadama sidopu ama quli vo kana ṉa inio. Ṉota koṉai sukata ko ruqe ama ubeubezato ni lipalipato, ni kiada keru ṉota ṉo madoekani ṉa lipato tava iko vo Baṉara ko tuveano!

Iruruputo 13:10 교차 참조

Matiu 13:38

Ni ko kiaro ta ko mamola pueka komia peuru ma peuru, ni ko uri ama rui ta sea maba poso vo Baṉara ko lekasa puo kale amu, ni ko rabu ta ko mamola puema se maba poso seke luluekani vo Setani ko vatolo.

Matiu 15:19

Ako vo maba ko bulo kale azo inio ko saqora voko ruqe ama vatolo tu vota o vouvato ni o zavemato ni o pauvezato ni o kuilo, ni o lipalipato, ni o sekeseketato sole.

Matiu 23:13

“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.

Matiu 3:7

Nio so keru vo Jone o meve keru matu kubo Parese madu ni se Sadiusi madu seke kuevini vokasi bapitaiso elole, sai nio vota eri ma kiolake, “Meta dole jaria ruqea mela! Noi sole inio meta eri kimela, ‘Eṉeta bapitaiso ṉe elou inio eṉeta ṉeda ka lapasou koa koqotato vo Baṉara o soroeko ama,’ kimela?

Luke 11:39

So sole vo Lekasa Jisu ta eri kiolake vokasi, “Mea Parese poso mela ta me busaeka ko kapa ni peleta koko kupekupe, melai meko omele ama saevo ta kokai sukata ko zuruzuruto ni kiadailo.

Luke 11:52

“Matu ruqe ama quli kio ko melai barolou me, mea Mosese ko Bazu meqai nianiiekatani mela! Ako meko nianiiekato kale meta me qaitimani mela se maba poso tu pui ke amaqeo vo Baṉara ko lekasa puo kale, omadeuvo kala vidulu sala maba jari vo ota ma tibulikani ko pade tu pui ke amaqeovou. Me ṉavi melai pui meqa zaria amaqeo Baṉara ko lekasa puo kale, ni me inio mebe tizaemani se maba poso seke madoekani tu ke amaqeo sai!” kiolake.

Jone 1:23

Nio Jone ta o tiorizatake, ni eri kiolake, “Aṉa inio vo vo lala, ko eri va kikovema: ‘Kala ta o velavelaova lealea kama zaekale matuma kora kale: Va inainaekomo vo Lekasa ko keve sai vo o taliovoa koi!’” kiolake. Ko ikio vo poropita Aisea o kasekema lulavo.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Iruruputo 20:30

Ni kake mekale ama maba poso ta ke puratou ni ke lipalipaemou seke tuvevo putani tu ke luluemo se.

2 Koriniti 11:3

Melai aṉata ada ṉava ako meko kerukeru ta esa kota saruilou sole ni meta me vaekou meko tuvevo ama ni bulebule ama roquano vo Karisito kasi ama, omadeuvo ko Ivi o ikevoa lipaeko vo dole voko ubeubezato kale.

Qelesia 1:7

Melai tuvevo avole puliama ikio edoloma Uri ama Bazu. Melai kake maba poso ta niuniala ke imela me ni kekai zaria besieko vo Karisito ko Uri ama Bazu.

Epesasi 4:14

So inio animeta pui se meqora poso jari me qalou. Ni animeta pui mola jari me elou omadeuvo ko ururu ta ko puzeka ni ko solea kiadakoi vasi jari. Ako animeta pui ke melai saruekou kiadama vairu ama nianiiekato poso. Ako se kekai nianiiekatani ko ta ke ereka seko vatovatolo ni ke ereka kiadama lipalipa kama quli tu ke saruemo se maba poso tu ke lulueko sarusaru ama keve.

2 Pita 2:15

Nia lipalipa kama nianiiekato ko maba madu ta ke vaeke sidopu ama keve ni keta mumai. Seta ke luluekake koa keve Beilami vo Beo vo meqora o luluekema keve jari ama, vo o roquekeni kovo ko takula tu o ereko ko ruqe.

1 Jone 3:8

Ako vo Setani inio o saruekeni koko tanitanila keru azo, ni vo obeta ziovo ala ereko ko sarueko ta vota vo Setani vo maba inio sole. Melai vo Baṉara vo Meqora ta o kuevi niumaekole vo Setani ko iruruputo.