Iruruputo 13:1 - BAṈARA KO VAIRU AMA LEVELEVEO

¹ Ni Anitioko peuru kale ama lotu qoqono kale ta iniseana so keru kake poropita madu ni titisa madu: seta Banabasi, Simeoni (Sibi ala va kikelani), Lusiasi (Sairini ala), Manaeni (vo Herodi qavuna sase ke rapukiveni) ni Saula.

Iruruputo 13:1 교차 참조

Matiu 27:32

Ni so keru seke vati ola keru, seta ke toraevake kala maba Sairini ala o ṉi ta Saimone, ni se solodia madu ta ke zuruzuruevake vo tu o boriko Jisu ko korosi.

Luke 3:1

Ni vo Baṉara ko bazubazu ta ko kuevake Jone kasi, Zekaraia vo meqora lealea kama zaekale, so keru vo Taibiriasi Romu ala Matu Aikovakova ko toni sike ama sabere keru voko lekasa puo kale. So keru inio vo Ponitiasi Paelati ta Qavuna o evake Jiudia rana, Herodi ta Qalili ala lekasa, ni vovo visi Pilipi ta lekasa okai evake ko Ituria rana ni Tarakonaitisi rana. Ni so keru inio vo Laisaniasi ta lekasa o evake Abileni rana, ni Anasi ni Kaepasi ta Ṉisa Siama qo evake.

Iruruputo 11:30

Ni seko koa iruruputo ko tova inio seta ke kati soroekake Banabasi ni Saula seko seleni lotu tanatanamu kasi Jerusalema.

Iruruputo 12:25

Ni Banabasi ni Saula ta qo paikake nioqako iruruputo Jerusalema ni qota vaitake sai kazo, ni nioqata qo vati olake vo Jone Maka.

Iruruputo 13:9

Nio Saula, vo Paula ṉi o koeni, ta kovai sukatake vo Tabu ala Auvana ko pizato ni vota o toiritoirivake voa maba kakokakoto ko iruruputo o erekani,

Iruruputo 15:32

Ni Jiudasi ni Sailasi ta poropita kidi nio rosi ama taku kale qo kasekani nioqa sekasi ko zuvarato ni pizatimo ko bazubazu.

Iruruputo 15:35

Melai Paula ni Banabasi ta qopeta evake saita Anitioko peuru kale, ni se ni matu kubo madu ta kekai nianiiekatake ni kekai bazubazutake vo Lekasa ko bazubazu.

Iruruputo 19:6

Ni Paula ta omai ivikake voko ṉase ni vo Tabu ala Auvana ta o saqorake se tona, ni seta ke pesipesitake edoedoloma pesio kale ni kekai bazubazutake vo Baṉara ko bazu voa Auvana mai avozio kale.

Iruruputo 21:9

Vota ariku sinaqu rusu meqora sala se kekai bazubazutani vo Baṉara ko bazubazu Tabu ala Auvana ko mai avozio kale.

Iruruputo 4:36

Ni vo Josepa ta kala Livai toutou kale ala Saipirasi udu kale o alileni ni se apositolo madu Banabasi va kikeveni. Koa ṉi ko kio ni kalo ta “Vo o zuvaratani.”

Iruruputo 9:1

Ni koa taku kale inio Saula ta obeta olake ereko ko ṉavaṉavato sama pesio tu o vouvaemo vo Lekasa ke luluevani. So sole vota o olake Ṉisa Siama kasi

Romu 16:21

Vo Timoti aṉa sate o iruruputani, ta o soroeka voko roquano mekasi; ni so jari Lusiasi, Jesoni ni Sosipata, se aṉako mabamu Jiu amu.

1 Koriniti 11:4

So sole voa maba vo o vararaitani ma okai pesiani vo Baṉara kasi azo ama bazu lotu padopadoilo kale bouluboulu lezu ala ta o zarazaraeva vovo lezu, vo inio vo Karisito.

1 Koriniti 13:2

Aṉata Baṉara kasi azo ama bazu kai pesio ko pizato saṉa abe elou, ma abe paqumukou kiadama mutamuta kama quli ni kiadama nianiio Baṉara kasi azo ko kuevako saṉa abe elou, ma aṉata matuma oqu salala koko roveovou vatutiko ko sopu poso, melai aṉata puliama roquano salala tea, aṉata pulia quli jari nio.

1 Koriniti 13:8

Roquano ta noqola kama. Melai komia kiadama quli ta kota paitou, koa pidokato ko bazu poso ni koa edoloma vekalo pesio kai pesio ko pizato, ni nianiio.

1 Koriniti 14:29

Omuqa ma zouke maba madu ta ke kasekou ko Baṉara kasi azo ama bazu ni mea kiada mela ta me didianou ni me uria kerukeruekou koa bazu kikolani tu meda ka kelou kota vo Baṉara kasi azo ma pui.

1 Koriniti 14:32

Ako vo o kasekani ko Baṉara kasi azo ama bazu ta o roveani pesio ni o roveani epezo o ṉaviko vatolo kale sole.

1 Koriniti 9:6

Ma aṉa ni Banabasi qe kiada inio qe erekou ko ṉase kale ama iruruputo eqeko kovo kale ko saevo ko korotikako quli, kio?

Qelesia 2:13

So sole vo Pita ta ota lipalipatake ni mata kake se Jiu ama lotu maba madu melai ke luluekake voko lipalipa kama kalo. Ni vo Banabasi melai ko niumaevake sea Jiu mu ke erekako kalo, ti vo melai ota sarui lulueko koa kalo.

Qelesia 2:9

Nio Jemisi, ni Pita, ni Jone ta ke keake vo Baṉara ko roquano kale o katilema koidi. Ni se inio sea vilua pikopiko madu me meda ma matu paṉaovani ma kimelani! Nio seta uri ama ka kikeve aṉa ni Banabasi ko iruruputo, so sole eṉeta ṉe jaṉaekiniake tu ko tuvevo puilo ko so, ni seta eri kikelake, “Paula ni Banabasi, matu zakaremu inio ko ṉelai eva eṉe ta vo Baṉara ta o soroeqela qe tu qe ziovou pui Jiu amu kasi, ni eṉeta o soroeṉela tu ṉe ziovou Jiu mu kasi,” kikelake.

Epesasi 4:11

Ni vo inio o katimeni maba poso seko puaro. Kake ta apositolo, kake ta poropita, ni kake ta ke taliekani ko Uri ama Bazu, ni kake ta lotu qoqono ko odikato ni nianiiekato ko maba poso.

Pilipai 4:22

Ni so jari kiadama vo Baṉara ko maba madu koi ke evani melai kebe kerukeruemela me, ni matuvole seke kerukeruemelani ta seke iruruputani vo Romu ala Matu Aikovakova ko pade kale.

1 Tesalonaika 5:20

ni meta pui kai kedu vo Baṉara o vati soroekako bazu poso.