Iruruputo 12:8 - BAṈARA KO VAIRU AMA LEVELEVEO

⁸ Ni vo mateana ta eri kiolake, “Vinaeka ṉoko vimavima ni kiaka ṉoko sadolo.” So sole Pita ta o luluekake koa bazu, ni mateana ta mata eri kiolake, “Kiaka ṉoko topi ama sabosabo ni luluela aṉa,” kiolake.

Iruruputo 12:8 교차 참조

Matiu 3:11

“Aṉata bapitaiso a imela mea maba poso mela jukale tu ko mamola pueko meko lilizio, melai vo mainio opa kilo ala aṉako tova inio bapitaiso o imelou me Tabu ala Auvana ni uza kale, ni vota matu raura kala aṉa kasi azo, ni aṉata pui a male tu vovo mabaku va elo tu ava boriko voko kiti ko kiazakiaza.

Maka 6:9

Meta me qiakou ko buti, melai pui me borikou kama meko sabosabo.

Luke 12:37

Ni keta zoleilou sea nabulu poso sevo tanala o kilou keru, vo o toraemou keru se toiratoirati amu kebeta tarevani vo! Aṉata a bazuemela me, vota o ivikou voko topia sabosabo, ni o bazuemou se tu ke papu, ni o niaemou se.

Iruruputo 12:7

Ni ota podoloa koi vo Baṉara vo mateana ta o lojoake sai, ni o zakaremu ta ko taloake koa lose kale. Ni vo mateana ta ota va tupiekake Pita ko ropa, ni o toirativake vo, ni eri kiolake, “Taukavole! Zolai!” kiolake. Ni koa seini ta kota rupasiake ni kota piake Pita ko ṉase topi azo.

Iruruputo 12:9

Ni Pita ta o luluevake vo pirito pade kale azo, melai vota pui okai nianiia vo mateana o erekako quli, voko kerukeru kale ta ota uloita inio kiolake.

Iruruputo 27:23

Ako raisi ipu kale ta kala pado vo Baṉara vo mateana ta o kuela ana kasi. Aṉata voa Baṉara vo nabulu lala ni a ilusivani lala vo.

Iruruputo 8:26

Ni kala Baṉara vo mateana ta o pesiake Pilipi kasi ni eri kiolake, “Ṉota inainaovi ni ola Jerusalema azo Qaza ko saqorako keve kasi,” kiolake. (Komia keve ta komia taku ta puliala okai talia.)