Iruruputo 12:3 - BAṈARA KO VAIRU AMA LEVELEVEO

³ Ni vota o keake ta koa iruruputo ta ko zolemake se Jiu amu, so sole vota mata o noqoevake vo Pita. Komi quli ta ko ereivake isiti pide ama bereti ko ṉojola ko taku keru.

Iruruputo 12:3 교차 참조

Matiu 26:17

Nio kulekuleto ama ṉaniu koa puliama isiti sama bereti ko ṉojola kuo, se disaipeli madu ta ke olake Jisu kasi ni eri kikelake, “Lai nio ṉo ṉoqai zariakoi tu eṉeta ṉeba inainaekou ko Alokato ko Ṉojola ko sailao?” kikelake.

Jone 12:43

Ako seta keka zariake maba ko rauraemo ni pui vo Baṉara ko rauraemo sole.

Jone 19:11

Nio Jisu ta o vati tiorikake vo, “Kota pui ko katizia ṉokasi vo Baṉara kasi azo tea, ṉota puliama pizato saṉa inio ṉoda elo tu ṉota ṉolai ereko kama quli. So sole vo aṉa o vaelani ṉoko ṉase topi ko sarueko ta kokai paloasa ṉoko sarueko,” kiolake.

Jone 21:18

Tuvevo avole aṉata a bazueṉa ṉo, so keru ṉo vairua laṉa keru ṉota ṉo qiake ṉo ṉavi ṉoko sabosabo ni ṉota ṉo lipilipite ni ṉo qeve sai ṉo ṉoqa zariovikoi zio, melai so keru ṉoṉo qolekou keru ṉota ṉo dotozikou ṉoko ṉase ni edolola maba ta o saboeṉou ṉo ni o odieṉou ṉo ni o ṉati ziovou sai ṉo pui ṉoqa zariovoa koi zio,” kiolake.

Iruruputo 12:4

Vota o noqoevake vo Pita ni o vaevake pirito pade kale, ni vota o vaevake toni varimuja solodia ko vailo kale. Ni seta ariku poqala ke evake ariariku solodia madu sama ni koa poqala poso ta ko besibesiekiniake vati vailo vo Pita. Herodi ta ova zariake vo tu o titizivo vo vaki ale koa Alokato ko ṉojola ko tova.

Iruruputo 2:14

Ni Pita ta o lojoake sea toni omadeu vokale ama apositolo madu sate ni vota o tanitake pesio matuma kora kale koa matu padopadoilo kasi, ni eri ma kiolake, “Me Jiu amu mela ni mea kiada mela Jerusalema me evani mela, meta didielomo aṉa tu a melai bazueko komi ko kio ni kalo.

Iruruputo 20:6

Ni eṉeta ṉe dadaoke Pilipai azo Isiti pide ama Bereti Ṉojola ko tova, ni sike ṉaniu ko paloasake inio eṉeta ṉe doraemake se Toroasi, ni eṉeta sikeura ṉaniu ṉeda evake sai.

Iruruputo 24:27

Ni omuqa sabere kota paloasake inio Pokiasi Fesitasi ta o besievake voa Qavuna Filekisi. Ni Filekisi ta oka zariake zolemo se Jiu amu so sole vota o vaevake vo Paula pirito pade kale.

Iruruputo 25:9

Melai Fesitasi ta oka zariake tu zolemo se Jiu ama tanamu so sole vota o kuimaevake vo Paula ni eri kiolake, “Ṉota ṉobe ka zariovou tu zio Jerusalema ni me madoekou taka vailiko komia kuiripato ko tuveano aṉako tanama kale sai kio?” kiolake.

Iruruputo 4:13

Nio sea Jiu ama tanatanamu ta aqasiele kekai evake ko Pita ni Jone ko parani puto sama pesio ako seta ke paqumukake ta nioqata kama peuru kale ama maba kidi ni puliama uri ama nianiio sikulu kale ama sanioqa sole. Ni seta ke nianiiekake nioqa ta nioqata Jisu qo lulueveni nioqa.

Qelesia 1:10

Noni, aṉa so kio kale ta meta me qerukeruta ta aṉata aqa zaria tu zolemo se maba poso kimela? Maba pui! Ako aṉata Baṉara inio ava zaria zolevo sole. Ni aṉata aqa zaria tu zolemo se maba madu pala tea aṉata pui vo Karisito vo nabulu lala inio.

1 Tesalonaika 2:4

Soama quli taka lapaso kale eṉeta ṉeqai pesia kiada keru vo Baṉara eṉe o ṉelai zariani jari, ako vota lula o uria madoeṉela ti o ṉelai kerua tu eṉeta ṉeqai bazubazuto koa Uri ama Bazu. Ni kokale eṉeta pui ṉeqa zaria zolemo se maba poso, melai vo Baṉara inio ṉeva zaria zolevo, vo o madoekani eṉeko kerukeru.