Iruruputo 12:19 - BAṈARA KO VAIRU AMA LEVELEVEO

¹⁹ Ni Herodi ta o soruemake se tu seta ke vailivo vo, melai seta pui ke roveake velo vo. So sole vota o kuimakuimaemake sea solodia madu ni vota o erekake ko bazu tu seta ke vouvou, nio seta ke vouvaemake se. Ni koko tova inio Herodi ta o vaekake ko Jiudia rana ni ota olake Sizaria peuru kale ni o evake sai sasa rosi ama taku.

Iruruputo 12:19 교차 참조

Matiu 2:1

Vo Jisu ta o alilake Betelihema peuru kale Jiudia rana, koa taku vo Herodi aikovakova obeta eva keru sai. Nio puliako tu keu kake maba poso ke lezumatani ko suti poso ko kavani ta ke kuevake ṉaniu ko peatakoi vasi azo Jerusalema peuru kale.

Matiu 2:13

Lula se keta vaita saita inio kala pado vo Baṉara vo mateana ta o puratake Josepa kasi voko uloi kale ni eri kiolake, “Vo Herodi ta mainio opa vailivou voa meqora tu o vouvaevou vo. So sole toirate tu vati soqoi voa meqora ni voko niania Ijipi peuru kale, nio sai mebeta elou saita, ti kobeta barou so keru aṉa vaitomo mela kiavou keru koi Izireli.”

Matiu 2:16

So keru vo Herodi o paqumuke keru se ṉaniu ko peatakoi vasi azo ke kuevini ko lipaevo vo, vota ota matu iqaike. So sole vota o soroemake se solodia madu tu ke vouvaemo kiadama lasive meqora poso, se omuqa sabere amu kasi azo ti koko zara kamu, sai Betelihema peuru kale amu ni koko ketaketa amu. Vota o erekake koa kalo, ko suti ko purato ko taku ko lulueko kale ko okai nianiima sekasi azo seke kuevini ṉaniu ko peatakoi vasi azo.

Iruruputo 12:18

Ni vikale ko evake nio se solodia madu ta matu niuniala kekai evake ko loma quli kio kota ereila Pita kasi kikelake.

Iruruputo 12:4

Vota o noqoevake vo Pita ni o vaevake pirito pade kale, ni vota o vaevake toni varimuja solodia ko vailo kale. Ni seta ariku poqala ke evake ariariku solodia madu sama ni koa poqala poso ta ko besibesiekiniake vati vailo vo Pita. Herodi ta ova zariake vo tu o titizivo vo vaki ale koa Alokato ko ṉojola ko tova.

Iruruputo 12:6

Ni koa ipu puliako Herodi saqorivo vo Pita pirito pade kale azo tu o titizivo vaki ale kio nio Pita ta obeta maroṉake omuqa solodia kidi ko tiania. Ni omuqa seini kale ke pirieve ni mata omuqa solodia kidi ta inioqiana pirito pade ko veutu tona.

Iruruputo 16:27

Nio koa nunu ta ko toirativake koa pirito pade o kati vailani, ni vota o keake koa pirito pade ko tibulu poso ta lula veukaveuka muli, ni voko kerukeru kale ta seke piriziani ta lula keta soqoiva muli kiolake, so sole vota o ravuzikake voko benisi ni ota vouvailo o ṉavi kiolake.

Iruruputo 21:8

Ni koko raneo kale inio eṉeta ṉeda olake ni ṉe baroake Sizaria? Sai nio ṉe evake Pilipi ko pade kale vo okai bazubazutani vo Jisu ko Uri ama Bazu, kala pado seke pitoini kale ala ke tauvezateni Jerusalema.

Iruruputo 25:13

Ni kama ṉaniu poso ko tova inio Aikovakova Aqiripa ni Benisi ta qo kuevake Sizaria tu qopa zolevo vo Fesitasi nioqako soipivo kale vo kiqolake.

Iruruputo 27:42

Nio se solodia madu ta ke erekake kama pado nakatato tu seta ke vouvaemo kiadama piripiri amu tu seta pui ke ruazo ni ke kailo keta kale tu ke soqoilou kikelake.

Iruruputo 8:40

Ni vo Pilipi ta o puratake Azotasi peuru kale, ni vota o olake Sizaria peuru kale, ni voko zio keru sai vota okai bazubazutake vo Jisu Karisito ko Uri ama Bazu kiadama peuru poso kale.