Iruruputo 11:26 - BAṈARA KO VAIRU AMA LEVELEVEO

²⁶ Ni so keru vo o veve keru vo, vota o vati olake vo sai Anitioko, ni nioqata omadeu pado ama sabere qo mati evake se lotu maba poso sai ke evani ni nioqata qo nianiiekimake matuma vaki. Anitioko inio kuleto seke tuvevo putani maba poso ta Kurisitiani madu ma kikeveni.

Iruruputo 11:26 교차 참조

Matiu 28:19

Tu meta olamo kiadama maba poso kasi kiadama peuru ma peuru kale, tu aṉako disaipeli imomo se, ni bapitaiso imomo se vo Mama, ni vo Meqora, ni vo Tabu ala Auvana ko ṉikale,

Jone 2:2

ni Jisu ni voko disaipeli madu melai ke koake koa bau vuato ko taipazato sole se melai sai.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 11:20

Melai kama volei seke tuvevo putani se Saipirasi ni Sairini azo amu ta ke keve Anitioko peuru kale ni seta ke bazubazutake se pui Jiu amu kasi melai, ni kemai uria bazuekake vo Jisu Karisito ko Uri ama Bazu.

Iruruputo 11:22

Nio komia bazu ta kota ka baroake koko bazu Jerusalema ma lotu qoqono kasi, so sole saizamu ta ke soroevake vo Banabasi Anitioko peuru kale.

Iruruputo 11:27

Ni koa taku kale inio kake poropita madu ta ke keve Jerusalema azo Anitioko.

Iruruputo 11:29

Ni seke tuvevo putani ta ke vatoekake tu seta ke padoekou ko seleni omaomadeu ke navinavi ko bokao kale tu seta ke soroeko ni ke tauvemo seko lotu baerebaere poso se Jiudia peuru poso kale ke evani.

Iruruputo 14:20

Melai so keru seke tuvevo putani kevai ubure keru vo, inio vota ota zolaike ni ota vaitake koa peuru kale. Ni koko raneo kale Banabasi ni vo ta qota olake Debi.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 14:23

Ni nioqata qo pitoemake lotu qoqono poso kale se lotu tanatanamu se koko kuleto keta ka elo amu, ni nioqako vararaito ni tabutabuo kale nioqata qo vaemake vo Baṉara vo kevai oquini ko vailo kale.

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Iruruputo 14:28

Ni nioqata qo evake sai rosi ama taku seke tuvevo putani sate.

Iruruputo 18:27

Ni Apolosi ta oka zariake zio Akaia ranama peuru poso kale, so sole se Epesasi ama lotu qoqono ta ke tauvevake vo seko ma rikieko kale seko paseto sama leta Akaia ma lotu qoqono poso kasi tu seta ke baroekivo vo. Ni so keru vo o baroa keru sai, vota o matu tauvemake sea maba poso vo Baṉara ko pakiezato sama roquano kale ke tuvevo puteni.

Iruruputo 19:9

Melai kake ta zokele bulo keta evake ni seta pui ke tuvevo putake, ni seta kekai balebaleitake vo Baṉara ko keve koa matuma padopadoilo maba ko tanama kale. So sole Paula ta o odiemake seke tuvevo putani ni o mati olake, ni kiadama ṉaniu poso kale seta ke pesipesitake vo Tairanasi ko nianiiekato ko pade kale.

Iruruputo 20:1

Ni koa ṉiṉoreo ko epezake, nio Paula ta o padoemake se disaipeli madu ni o zuvarimake se ni o uluemake se. Ni vota ota zolaike ni ota olake Masedonia peuru poso kale.

Iruruputo 20:30

Ni kake mekale ama maba poso ta ke puratou ni ke lipalipaemou seke tuvevo putani tu ke luluemo se.

Iruruputo 21:4

Sai nio eṉeta ṉe meake kake seke tuvevo putani ni eṉeta ṉe evake sai sekasi sikeura ṉaniu. Ni Tabu ala Auvana ko pizato kale seta ke bazuevake vo Paula tu vota pui o ziovou Jerusalema va kikelake.

Iruruputo 26:28

Nio Aqiripa ta eri kiolake Paula kasi, “Ṉo qerukeruta ta komia puju ama taku kale inio Karisito o luluevani maba ṉo ilo kinola kio?” kiolake.

Iruruputo 6:1

Ni kama taku poso ko tova, inio seke tuvevo putani ta kubo keta evake, koa taku inio se Jiu amu Quriki pesio mu seke tuvevo putani ni se Jiu amu ke ṉaviko Jiu ama pesio mu seke tuvevo putani ta keta aivekiniake ke ṉavio kude. Se Quriki pesio ama Jiu amu ta keta tirazake ako seko naboko poso ta lula ukaka kemai ika Jiu pesio mu ṉaniu poso kale ke puarikake sailao ma seleni seke koako sole.

Iruruputo 6:5

Nio koa pado ama poqala kale ama maba poso ta keka zoleike se apositolo madu ko kerukeru, so sole seta ke pitoevake vo Sitiveni, vo Tabu ala Auvana ovai sukatani ni piza kama oqu sala maba, ni Pilipi, Porokorasi, Nikano, Timoni, Pamenasi, ni Nikolasi kala pui Jiu ala, Anitioko ala Jiu lotu o luluekeni puliako tuvevo puevo vo Jisu.

Iruruputo 9:19

ni voko vuato ko tova voko tupu ta mata ko tova pizatake. Nio Saula ta o evake kama poso ṉaniu seke tuvevo putani sate Damasikasi.

Iruruputo 9:38

Nio Jopa ta pui vaṉa Lida azo, ni seke tuvevo putani ta ke viqake ta Pita ta Lida inio kio, so sole seta ke soroekake omuqa maba vokasi bazu sate eri kikolako, “Eṉeta ṉe baseṉa tu taukavole kua koi eṉe kasi,” kikolako.

1 Koriniti 11:18

Kuleto ta aṉata lula a viqa meko bazu ta meta kama sebito ko pesipesito ko poqala poso me eva meko lotu padoilo kale, ni koa bazu ta ka kobu ta a duvevo pueka kota tuvevo ama quli.

1 Koriniti 12:12

Ko tupu ta omadeu pado tupu, ko kubo kata poso sama. Kota omadeu pado tupu tisoiko, kubo kata poso kobe elou melai. Ni anime Karisito ko tupu jaria mela koa azaazama iruruputo ko pizato samela ta omadeuvo voko tupu ko kata poso jari.

1 Koriniti 14:23

Ako kiadama lotu qoqono mela ta me badoilou ni mea kiada mela ta meqai pesio muli pui ko paqumuako pesio, ni kake seke vairua tuvevo putani maba poso ma kake se pui ke tuvevo putani ta ke amaqeovou sai, nio seta so mela kikevou, meta meda sarubeputa inio ko me.

1 Koriniti 4:17

Sokale avo inio aṉata a joroeva vo Timoti mekasi, vo aṉa a roquevani ni kerula kala meqora jari ala animeko omadeu vati elo vo Lekasa Jisu kale. Vo inio o mela kerukerueko ala koa kalo aṉa a luluekako ko vairu ama saevo kale omadeu vati elo kale vo Jisu Karisito, ni ko aṉa aqai nianiiekatako quli kiadama lotu qoqono poso kasi kiadama zae poso kale.

Epesasi 3:15

vo o puratikeni ni omai katikeni koko ṉi kiadama toutou ni tamania aukale ama ni miduku kale ama.

Jemisi 2:7

Se batiro amu inio ko se, seke ruqe kasekani vo Jisu ko raura kama ṉi ko lula ko katiziako mekasi.

1 Pita 4:14

Ni so keru se maba poso ke ruqe kasemelou keru me, meko luluevo vo Karisito ko kio kale avo, ta meta maurumaurua mela. Ako ko ikio tuvevo ko ika ko vo ṉaṉaidara kala Auvana Baṉara vo ta obeta eva me tona kio sole.

1 Pita 4:16

Melai meta me ditiziovou ni me dolailou meko Karisito ko lotu maba elo ko kio kale ta, meta pui qurato melai meta vai ilusikomo vo Baṉara meko melai nokailo vo Karisito ko ṉi.

1 Jone 2:27

Ako vo Karisito ta o katimele me voa puaro sole, vo Tabu ala Auvana, ni voa puaro ta inevoana mekasi. Sole meta mata pui meba va zariovou kala edolola nianiiekato ko maba. Ako voa puaro o katimeleni ta obe nianiiekimela me sole. Ni voa puaro ta tuvetuve ala sole, melai pui lipalipa kala. So sole meta vinaimo Karisito kale, ako vovo puaro ta obe melati nianiiekata me tu meta me vinailou Karisito kale.

Kelokelozato 3:18

Aṉata a uria bazuemela me tu meta tatabaraekomo ko qolo aṉa kasi azo, koa bulebule ama qolo, tu meta au kalea batiro emo. Ni so jari meta tatabaraekomo ko tapo suma tu kai kiazaekomo meko quraqurati ama lava pide elo. Ni so jari meta tatabaraekomo kama meresini tu kai raibikomo meko vilu, so inio meta me roveovou kelokelozato.