Iruruputo 11:20 - BAṈARA KO VAIRU AMA LEVELEVEO

²⁰ Melai kama volei seke tuvevo putani se Saipirasi ni Sairini azo amu ta ke keve Anitioko peuru kale ni seta ke bazubazutake se pui Jiu amu kasi melai, ni kemai uria bazuekake vo Jisu Karisito ko Uri ama Bazu.

Iruruputo 11:20 교차 참조

Matiu 27:32

Ni so keru seke vati ola keru, seta ke toraevake kala maba Sairini ala o ṉi ta Saimone, ni se solodia madu ta ke zuruzuruevake vo tu o boriko Jisu ko korosi.

Jone 7:35

Nio se Jiu ama tanatanamu ta eri kikelake ke ṉavio kude, “Lai nio vo o ziovoa koi inio animeta pui meba roveovo avo velo vo? Ota ziovou nio se Quriki amu ko matu peuru kale sai Jiu amu ke evakoi, tu opa nianiiekimo se Quriki ama maba poso kio?

Iruruputo 11:19

Ni kake seke tuvevo putani se azama buara ke eveni Sitiveni ke vouvaeve keru ko ereima matuma niumaniumato kale ta ke keve vaṉama peuru ni udu poso kale omadeuvo Ponisia, Saipirasi ni Anitioko, ni seta kekai bazutake ko Uri ama Bazu se Jiu amu kasi pala.

Iruruputo 11:22

Nio komia bazu ta kota ka baroake koko bazu Jerusalema ma lotu qoqono kasi, so sole saizamu ta ke soroevake vo Banabasi Anitioko peuru kale.

Iruruputo 11:26

Ni so keru vo o veve keru vo, vota o vati olake vo sai Anitioko, ni nioqata omadeu pado ama sabere qo mati evake se lotu maba poso sai ke evani ni nioqata qo nianiiekimake matuma vaki. Anitioko inio kuleto seke tuvevo putani maba poso ta Kurisitiani madu ma kikeveni.

Iruruputo 11:27

Ni koa taku kale inio kake poropita madu ta ke keve Jerusalema azo Anitioko.

Iruruputo 13:1

Ni Anitioko peuru kale ama lotu qoqono kale ta iniseana so keru kake poropita madu ni titisa madu: seta Banabasi, Simeoni (Sibi ala va kikelani), Lusiasi (Sairini ala), Manaeni (vo Herodi qavuna sase ke rapukiveni) ni Saula.

Iruruputo 14:26

ni sai kazo inio qota vaitake tepe vaka kale Anitioko, koa peuru kale sai kuleto ke kati vararaitekoi tu vo Baṉara ko vailo sama roquano kale qo ereko koa iruruputo nioqa lula qo okotikako.

Iruruputo 15:22

Nio se apositolo madu ni se lotu tanatanamu ta ke padoivake koa pado ama lotu qoqono sate, ni ke pitoemake kake maba poso koa poqala kale azo tu seta ke soroemo se Anitioko Paula ni Banabasi sate kikelake sole. Ni seta ke pitoekake omuqa maba kidi sea lotu qoqono keta ka matu paṉaovani nioqa, Jiudasi, vo Basabasi va kikelani, ni Sailasi,

Iruruputo 15:23

ni seta ke kati soroekake ko leta eri kikolako bazu sama: “Eṉe apositolo ṉela ni lotu tanatanamu ṉela, meko tamania kalea ṉela, ta ṉe joroeka eṉeko roquano kiadama eṉeko visi poso ni kaka poso mea maba poso pui Jiu amu mela Anitioko peuru kale me evani mela kasi, ni Siria ni Silisia.

Iruruputo 15:30

Ni se bazu ke borikani ta ke soroivake ni seta ke olake Anitioko peuru kale, sai seke padoemekoi kiadamu seke tuvevo putani ni ke katimake ko leta.

Iruruputo 17:18

Ni kake nianiioma pesio sama maba poso Ipikiuriani ni Sitoiki nianiiekato ko poqala kale amu melai kekai zomanake vati aivekinio vo. Nio kake ta eri kikelake, “Nonia kirikirimato inio o evani nea maba?” Ni mata kake ta ke opatake ni eri kikelake, “Vota okai bazubazuta jari avo kama edoloma baṉara poso.” Seta so kikelake ako Paula ta okai bazubazutake vo Jisu ko mata saevo voukale azo sole.

Iruruputo 18:22

Ni so keru vo o varerika keru Sizaria, vota o olake Jerusalema soipikole ko lotu qoqono sai ko evako, sai kazo inio vota o olake Anitioko.

Iruruputo 2:10

ni Pirijia, ni Pamipilia azo, ni Ijipi azo ni Libia ranʼazo Sairini peuru ko sipole. Kake mela anime ta Romu azo,

Iruruputo 4:36

Ni vo Josepa ta kala Livai toutou kale ala Saipirasi udu kale o alileni ni se apositolo madu Banabasi va kikeveni. Koa ṉi ko kio ni kalo ta “Vo o zuvaratani.”

Iruruputo 5:42

Ni kiadama ṉaniu poso kale seta ke olake Jelepade kale ni maba poso ko pade poso kasi ni seta pui ke lalamatake kai nianiiekato ni kai bazubazuto vo Jisu ta vo Baṉara o soroeveni Pakio kio sama Uri ama Bazu.

Iruruputo 6:1

Ni kama taku poso ko tova, inio seke tuvevo putani ta kubo keta evake, koa taku inio se Jiu amu Quriki pesio mu seke tuvevo putani ni se Jiu amu ke ṉaviko Jiu ama pesio mu seke tuvevo putani ta keta aivekiniake ke ṉavio kude. Se Quriki pesio ama Jiu amu ta keta tirazake ako seko naboko poso ta lula ukaka kemai ika Jiu pesio mu ṉaniu poso kale ke puarikake sailao ma seleni seke koako sole.

Iruruputo 6:5

Nio koa pado ama poqala kale ama maba poso ta keka zoleike se apositolo madu ko kerukeru, so sole seta ke pitoevake vo Sitiveni, vo Tabu ala Auvana ovai sukatani ni piza kama oqu sala maba, ni Pilipi, Porokorasi, Nikano, Timoni, Pamenasi, ni Nikolasi kala pui Jiu ala, Anitioko ala Jiu lotu o luluekeni puliako tuvevo puevo vo Jisu.

Iruruputo 6:9

Melai kake Jiu amu “Ruparupasi amu ko ilusato ko pade” ka kikelako poqala kale amu ta pui keka zariake tu vo Sitiveni ta ovai bazuto vo Jisu. Seta Sairini ni Alekezadaria azo ke kuevini Jiu amu. Ni se ni mata Silisia rana ni Eisia ranʼazo ke kuevini Jiu amu ta ke tanitake vati zolizoliekinio vo Sitiveni.

Iruruputo 8:35

Nio vo Pilipi ta o tanitake pesio koa Tabu ama Riki ko kobu kikolani kasi azo ti kobeta baroake vai bazueko vo Jisu Karisito ko Uri ama Bazu.

Iruruputo 8:5

Ni vo Pilipi ta ota keve Sameria kala matu peuru kale ni ovai bazubazutake saizama maba poso kasi vo Baṉara o soroeveni Pakio Jisu.

Iruruputo 9:20

Ni vota tutumazi avole o olake se Jiu amu ko ilusato ko pade poso ni o tanitake kai bazubazuto ta vo Jisu ta vo Baṉara vo Meqora inio kio.

Iruruputo 9:29

Ni so jari vota o mati zolizoliekiniake se Jiu amu Quriki pesiomu, melai seta ke madoekake tu ke vouvaevo vo kikelake.

1 Koriniti 2:2

Ako so keru aṉa abeta eva keru mekasi, aṉata lula a vatoeke tu a melai bazubazuevou me vo Jisu Karisito ni voko vou korosi topi ama ko kiada.

Qelesia 2:11

Ni so keru vo Pita o kuevi keru Anitioko, aṉata a riqaevake vo o ṉavi, ako vota ota saruike sole.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.