Iruruputo 10:42 - BAṈARA KO VAIRU AMA LEVELEVEO

⁴² Ni vota o sorueṉele eṉe tu eṉeta ṉeqai bazubazuto voko Uri ama Bazu maba poso kasi tu ṉema kaseko ta vo inio vo Baṉara lula o pitoini se saevomu ni voumu o titizimo ala.

Iruruputo 10:42 교차 참조

Luke 16:28

sai sea sike aṉako kaka ni visi poso ke evakoi. Zarieva tu o zio tu opa balauvimo se, tu puliala kala pado se azo ta o kilou komia tola kama zaekale!’ kiolake.

Luke 22:22

Aṉa maba a eveni lala ta a vouvou vo Baṉara lula o vatoekevo jari, melai matu ruqe ama quli kio kovai barolou voa maba vo o saiqorilo ala!” kiolake.

Iruruputo 1:2

ti kobeta baroi koa ṉaniu vo Baṉara o koivievo keru vo aukale. Puliako vo koilo aukale ta vo Tabu ala Auvana ko pizato kale vota o katimake ko bazu sea maba poso vo o pitoemeni tu voko apositolo madu ke elo.

Iruruputo 1:8

Melai so keru vo Tabu ala Auvana o kilou keru mekasi inio ko pizato ta ko melai sukatou me, nio meta melai bazubazutou aṉa sai Jerusalema, ni koa pado ama Jiudia ni Sameria peuru poso kale, ti kobeta barolou peuru ma peuru ko pakale,” kiolake.

Iruruputo 17:31

Vota lula o takumuke koa ṉaniu vo o sidopua titizikou keru ko pado ama peuru ma peuru, ni vota lula o pitoeve voa maba vo o ereko ala koa titizato. Ni Baṉara ta lula kasa o ike voko pitoevo vo kiadama maba poso kasi voa maba ko mata saevivo kale voukale azo!” kiolake.

Iruruputo 24:25

Ni so keru Paula okai pesipesita keru ko sidopu ni inobe ama kalo, ni ko kilo ama ṉaniu kale ko ereilo ama titizato, inio Filekisi ta ota ṉake ni eri kiolake, “Ṉota ṉo rovea saqoro erisaṉa. Aṉata mata a nokaeṉou ṉo so keru aṉa uri ama taku a qovou keru,” kiolake.

Iruruputo 5:20

“Olamo ni pa lojomo Jelepade ko taqo kale, ni pa mai bazuekomo kiadama maba poso komia vaini ama lotu saevo ko bazu,” kiolake.

Romu 2:16

So inio ko kalo avo vo Baṉara ko matuma ṉaniu kale so keru vo o titizikou keru kiadama mutamuta kama kerukeru poso. Ni ko ikio koa Uri ama Bazu aṉa aqai bazutako, Jisu Karisito azo a qoema.

2 Koriniti 5:10

Ako animea kiada mela ta kasa me elou vo Karisito ko tanama kale, vo o titizatou keru, tu kalakala me ṉavi ta meda ka kovou animeko miduku kale ama iruruputo ko tabara. Animeta meda ka kovou ko uri ama iruruputo ko malezikako reketekete ni meda ka kovou ko ruqe ama iruruputo ko malezikako vaitotola.

2 Timoti 4:1

Vo Baṉara ni Jisu Karisito tanama kale, vo o titizimo ala se saevomu ni se voumu, vo o vaito ala tu o lekasa puo, aṉata a qatiṉa ṉo komia piza kama bazu

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

1 Pita 4:5

Melai seta ke uria kasa puekou seke erekako ruqe Baṉara kasi voko titizato ko ṉaniu kale, vo lula o inainaovani tu o titizimou se saevomu ni se lula ke vovini.

Kelokelozato 1:7

Keatini, vota ota kilou lei poso kale! Sea kiadamu peuru ma peuru kale amu ta ke velou vo, seke vouvaeveni melai ke velou vo. Ni kiadama maba poso miduku kale amu ta duki keva elou vo. Kota tuvevo ko elou! Emeni.

Kelokelozato 22:12

Eri kiola vo Jisu, “Viqomo! Aṉata a qilou taukavole! Aṉata a qati kilou ko vaitotola ni reketekete tu amai okotiko se maba poso koko male ama lula seke erekako ruqe ni uri kale avo.