Iruruputo 10:37 - BAṈARA KO VAIRU AMA LEVELEVEO

³⁷ Meta meqai nianiia koko ereima quli Izireli, koko tanitema Qalili Jone kai bazubazuto kale voko bapitaiso ko bazubazu ko tova.

Iruruputo 10:37 교차 참조

Matiu 2:1

Vo Jisu ta o alilake Betelihema peuru kale Jiudia rana, koa taku vo Herodi aikovakova obeta eva keru sai. Nio puliako tu keu kake maba poso ke lezumatani ko suti poso ko kavani ta ke kuevake ṉaniu ko peatakoi vasi azo Jerusalema peuru kale.

Matiu 3:6

Ni sea maba poso ta kekai eraeraoke seko sarueko poso Baṉara kasi, nio vo Jone ta bapitaiso o imake se Jodani sukuru kale.

Luke 23:5

Melai seta kevai matu titiake vo Paelati ni eri kikelake, “Voko nianiiekato kale inio ko niumaniumato ko kerukeru ta lula ko tanita kiadama maba kasi se Jiudia peuru poso kale ke evani maba poso kasi. Vota o tanieke Qalili peuru poso kale ti obeta baroa koi vairutu,” kikelake.

Luke 4:14

Nio Jisu ta ota vaitake Qalili rana, ni vo Tabu ala Auvana ko pizato ta ko evake vo tona. Nio voko bazu ta kota va aerake koa pado ama Qalili.

Iruruputo 10:36

Meta meqai nianiia koa bazubazu vo o soroekema se Izireli amu kasi, bule ko kasekema Uri ama Bazu vo Jisu Karisito kale kude ko kuevima, vo kiadamu vo Lekasa.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 2:22

“Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.

Iruruputo 26:26

Aikovakova Aqiripa, aṉata parani putole a besia ṉokasi, ako ṉota ṉoqai nianiia kiadama komi quli sole. A duvevo pueka ta ṉota lula ṉo viqa komia kiadama koko ereima quli, ako komi quli ta pui ko mutaivako kama livaṉale sole.

Iruruputo 28:22

Melai eṉeta ṉeda ṉai zaria taṉa viqo ṉoko kerukeru, ako ṉe baqumuka ta kiadakoi zama maba poso ta ke perima ṉoko pitasa madu sole,” kikelake.