Iruruputo 10:33 - BAṈARA KO VAIRU AMA LEVELEVEO

³³ So sole aṉata a joroemala se ṉokasi maba koa taku kale, ni matu uri ṉota ṉo rovela kilo. Nio erisaṉa ta eṉea kiada ṉela ta ṉebeta eva koi vo Baṉara ko tanama kale ṉebe tareka tu ṉe viqo ko quli vo lula oṉai bazuekako ṉo tu ṉo ṉelai bazuekou eṉe,” kiolake.

Iruruputo 10:33 교차 참조

Matiu 18:4

Nio voa maba vo o ṉavi o zarazarailo ala nea silo ala meqora jari, nio raura o elou vo Baṉara ko lekasa puo kale.

Matiu 19:30

Melai matu kubo madu raura kamu erisaṉa ta mainio zara kepa elou ko kilo ama taku kale, ni se zara kamu inio mainio raura kepa elou koa taku kale,” kiolake vo Jisu.

Maka 10:15

Meta kerukeruekomo komi! Se meqora poso pui kubo kerukeru kale ke koani ko puaro jaria kovo me elou vo Baṉara ko lekasa puo pado inio me roveovou amaqeo voko lekasa puo kale tu kai zomanole voko mauruto.”

Iruruputo 10:32

Soroema kake Jopa peuru kale Saimone Pita o ṉi sala maba odievole. Vota kala maba o mamazani Saimone ko pade kasi bulumakau ko tupu o pidakikani, vo ivere ketaketa o evani.’

Iruruputo 10:34

Nio vo Pita ta o taniekake pesio ni eri kiolake: “Erisaṉa aṉata abe paqumuka ta tuvevo avole vo Baṉara ta pui o roqueṉelani eṉe Jiua ṉela ṉe qiada melai vota ijatinia baisemelo o evani eṉe ni me pui Jiu amu mela.

1 Koriniti 3:18

Puliala maba ta opa lipailou o ṉavi. Kala me azo voko kerukeru kale ta nianiiola komia ruqe ama peuru ma peuru kale ama nianiio kale kiovou, uri tu vota sidopu o elou, komia ruqe ama peuru ma peuru kale amu sarube ka kikelako sidopu. So inio vota tuvevo avole nianiiola ota elou vo Baṉara ko kelokelozato kale.

Qelesia 4:14

Ni tuvevo aṉako vere ta kubo tapata ko katimele me, melai meta pui meba lai kaikuape aṉa ni pui meba perile aṉa. Melai meta me baroekilake aṉa omadeuvo aṉata vo Baṉara ko mateana jari ma omadeuvo aṉata vo Jisu Karisito jari!

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

Jemisi 1:19

Lolo poso, me a roquemelani mela, meta kerukeruekomo komi quli! Kiada mela meta dikidauputole viqomo, melai pui jijiro pesio elo ni pui kapi avole korakorailo.

Jemisi 1:21

So sole meta vaekomo kiadama kuna kama kalo ni kiadama ruqe ama iruruputo. Katiziomo Baṉara kasi ni ṉeamukomo ko bazu vo o papakako meko bulo kale, koko roveako pakiemelo me.