Meta kama bazubazu samela, ‘Ariku kaboso ikoana ti kajoro ko taku ikio,’ melai aṉata a bazuemela me, ta pui so! Meta uria kemo ko kiaro poso; ko papapapa poso ko epa ta lula kota muqarala tu ko padoilou!
Ni koko raneo kale inio vota o baroake Sizaria peuru kale, sai Koniliasi obe taremakoi, vo ni kake voko mabamu ni voko baerebaere poso se vo lula o taipazimeni.
Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.
So keru aṉa a baroa keru sai Toroasi peuru kale tu aṉata aqai bazubazuto vo Karisito ko Uri ama Bazu, aṉata a qeake ta vo Lekasa ta ola erekake uri ama rora iruruputo ko sai.
Ni vararaitomo tu vo Baṉara ta o tauveqelo eqe, tu vota o katiqelo eqe uri ama bazubazuto ko taku tu eqeta qekai bazubazuto vo Karisito lulavo mutamuta kale ko evema. Koa bazu kai bazubazuto kale inio aṉata abeta eva erisaṉa pirito pade kale.
