Iruruputo 10:11 - BAṈARA KO VAIRU AMA LEVELEVEO

¹¹ Ni vota o keake au ko veukazio, ni kama quli kobeta saqorako sai kazo miduku kale matuma ariku suba sama suma duruo jaria kelo ama.

Iruruputo 10:11 교차 참조

Matiu 8:11

Ni aṉata a bazuemela me, matu kubo maba madu ta ke kilou komia peuru ma peuru kale ama zae poso kale azo ni kekai zomanou Baṉara ko ṉojola Ebarahami, Aisake ni Jekopi sate, voko lekasa puo kale.

Luke 3:21

Omadeu taku puliako se vaevo vo Jone pirito pade kale inio vota obeta olake bapitaiso puemo se maba poso. Ni sea kiadama maba poso ko bapitaiso puilo ko tova inio Jisu ta mata bapitaiso o evake. Nio so keru vo obeta vararaita keru inio ko au ta kota veukaziake,

Jone 1:51

Nio vota eri kiolake sea kiadamu kasi, “Tuvevo avole aṉata a bazuemela me, mea kiada mela ta me qelou ko au ko veukazio, ni vo Baṉara ko mateana madu ko koilo ni saqoro aṉa maba a eveni lala tona,” kiolake.

Jone 11:52

ni pui seke kiada, melai voko voukale vota omadeu qoqono o imou kiadama vo Baṉara ko maba poso se lula ke birebireini.

Jone 12:32

Ni so keru aṉa ke zolaelou keru miduku kale azo inio aṉata a badoemou kiadamu a ṉavi kasi,” kiolake.

Iruruputo 10:12

Koko poro kale ta kiadama azaazama biaṉa poso ariku kiti ama, ni ko vaerako biaṉa poso, ni ko akazako biaṉa poso.

Iruruputo 11:5

“So keru aṉa a vararaite keru Jopa peuru kale, aṉata a erekake kama pado kelokelozato. Ni aṉata a qeake kama quli ko saqorema aukale azo matu suma duruo jaria kelo ama ariku suba kama, ni kota dokolake aṉako sipole.

Iruruputo 7:56

Nio eri kiolake, “Keatini! Ko au ta kota veukaziola ni vo maba o eveni Jisu ta obeta lojoa Baṉara ko palo rana vasi!” kiolake.

Romu 1:16

Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu.

Romu 9:4

Se inio vo Baṉara ko maba madu ni se inio voko meqora poso o imeni, ni omai kasa puekeni voko ṉaṉaidara kama pizato; ni se inio mata omai vikuekeni voko piza kama leveleveo poso ni o katimeni Mosese ko Bazu; ni se inio ke ṉeamukeni ko tuvevo ama ilusato ko keve; ni se inio mata vo Baṉara leveleveo oma ikeni voko pakio.

Qelesia 2:15

“Ako aniqeta pui Jenitailoa qela qepa alile sole, se Jiu amu kutumana kamu ma kikelani seko pui lulueko vo Mosese ko Bazu kale avo. Melai aniqeta Jiua qela qe alile.

Qelesia 3:28

Ako vo Jisu Karisito omadeu saevo me vati evani mela kale ta puliama koko azavo sole se Jiu mu ni pui Jiu amu, ni puliama koko azavo mabaku ni ruparupasi ala maba, ni puliama koko azavo se rekoreko ni lasive amu, ako mea kiada mela ti omadeuvo vo Jisu Karisito kale sole vo Baṉara ko kelokelozato kale.

Epesasi 1:10

Ni vota o vatoeke tu kiadama quli vo o erekema quli aukale ama ni miduku kale ama ta omadeu o ikou ni vo Karisito inio koko lezu. Ni voko zuato ta o erekou komia vatovatolo tutututuki ama taku ko barolou keru.

Epesasi 3:6

Ni komi kio koa mutamuta kama vatolo: se pui Jiu amu ta se Jiu mu sate amu vo Baṉara ko mauruto kale, ni sea kiadamu ta omadeuvo ko omadeuma tupu kale ama kata poso jari amu ni ke kovou koa omadeuma leveleveo vo Baṉara o erekema vo Jisu Karisito kale.

Kolosi 3:11

So sole vo Jisu Karisito omadeu saevo me vati evani mela kale ta puliama koko edolovo se pui Jiu amu pui movemove amu ni se Jiu amu lula movemove amu, ni se edolokoi kazo amu, ni se piru ama siqoa maba poso, ni se mabaku poso, ni se pui mabaku poso. Animea kiada mela ta omadeu me eva Karisito kale vo raura kala.

Kelokelozato 11:19

Sai nio vo Baṉara ko Jelepade aukale ama ta kota veukaziake, ni aṉata a qeake vo Baṉara ko Leveleveo ko Dolu sai. Ni kapi ta kota laqatake, ni au kalea paka ta kota seresereraitake, ni nunu kota evake, ni aisi lado kailokailo kota evake.

Kelokelozato 19:11

Ni aṉata a qeake au ko veukazio, ni aṉata a veake kala tapo hose sai. Ni vo o papuani ko topi ta voko ṉi ta Kerula kala ni Tuvetuve ala; vota sidopu ama titizato ni pazokinio sala voko kana poso kasi.

Kelokelozato 4:1

Ni koko tova ta mata kama pado uloito jari ama kelokelozato a qeake. Aṉata a dadatake ni a qeake aukale ko veukaveuka kama veutu. Sai nio koa kuvili ko kelato jari ama kora ko lula ko lati pesiovima ta eri kikolake, “Koivi koi nio aṉata aṉa kasekou ko quli ko ereilo ama quli komia erisaṉama taku ko tova.”