Iruruputo 1:24 - BAṈARA KO VAIRU AMA LEVELEVEO

²⁴ Nio seta ke vararaitake, “Lekasa, ṉota ṉoqai nianiia kiadama maba poso ko bulo kale ama kerukeru, sole ṉota ṉela kaseva eṉe lala pado nioqia omuqa maba azo inio ṉota lula ṉo bitoeva

Iruruputo 1:24 교차 참조

Luke 16:15

Nio Jisu ta eri ma kiolake se, “Me inio ko me, me sidopu meqai rairiziani mela me ṉavi se maba poso ko vilu kasa, melai Baṉara ta obe paqumuka meko bulo poso kale ama ruqe. Ako koko matuma kio ni kalo sama ka kikelako se maba poso ta kuvaruvaru ama quli ikio vo Baṉara ko kelokelozato kale.

Jone 21:17

Ni zouke ama pado taku kale Jisu ta so kiolake vokasi, “Saimone, Jone vo meqora ṉa, ṉota ṉo roquela aṉa kio?” kiolake. Sai nio Pita ta duki ota evake ako Jisu ta ovai kuimaekake ko zouke taku “Ṉota ṉo roquela aṉa, kio?” sole, sole vota eri kiolake, “Lekasa, ṉota ṉoqai nianiia kiadama quli, ni ṉota ṉoqai nianiia aṉako tuvevoa roqueṉo ṉo kio!” kiolake. Ni Jisu ta eri va kiolake vo, “Ṉota niaeka aṉako sipi poso.

Iruruputo 14:23

Ni nioqata qo pitoemake lotu qoqono poso kale se lotu tanatanamu se koko kuleto keta ka elo amu, ni nioqako vararaito ni tabutabuo kale nioqata qo vaemake vo Baṉara vo kevai oquini ko vailo kale.

Iruruputo 15:8

Ni vo Baṉara vo okai nianiiani maba ko kerukeru, ta kasa oma ike se pui Jiu amu voko mai zoleilo se, ako vota o katimake sole se vovo Tabu ala Auvana, omadeuvo vo o katimele anime Jiua mela jari.

Iruruputo 6:6

Nio koa poqala maba madu ta ke lojoemake se apositolo madu ko kuleto, ni se apositolo madu ta ke mati vararaitake se ni kemai ivikake seko ṉase ke lezu topi ni mauru ke imake se.

Romu 8:27

Ni vo Baṉara vo o keani kiadama animeko bulo kale ama quli, ta o paqumuka vo Tabu ala Auvana ko kerukeru, ako vo Tabu ala Auvana inio o melati zomanani vararaito anime o ṉavi Baṉara ko vaki mela sole, ni vota o vararaita o ṉavi Baṉara ko vatolo kikolani jari.

Hiburu 4:13

Pulia quli ta ko rovea tava daipailo vo Baṉara, kiadama quli peuru ma peuru ko ereima ta kasale voko keazato kale. Animea kiada mela ta me lojolou voko kuleto ni animeta meqai eraeraovou kiadama quli ko lula anime me erekako quli.

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.