Iruruputo 1:15 - BAṈARA KO VAIRU AMA LEVELEVEO

¹⁵ Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 1:15 교차 참조

Matiu 13:31

Ni vo Jisu ta mata o mati nianiiekikake mata kama pado podepodeti ni eri kiolake sekasi, “Vo Baṉara ko lekasa puo ta omadeuvo matu silo ama masitadi ore ko sisu jari, vo maba o papakako voko kiaro kale,

Luke 22:32

Melai aṉata lula a ṉati vararaitala ṉo, Saimone, tu ṉoko oqu ta pui ko maba epezou. Ni so keru mata ṉo ṉola lilitou keru aṉa, ta ṉota ṉo pizatimou ṉoko visi poso,” kiolake.

Jone 14:12

Tuvevo avole aṉata a bazuemela me, vo tuvevo o ilani aṉa ta vo melai o erekou koa iruruputo aṉa a erekako—tuvevo, koa iruruputo vo o ereko ama ta kokai paloasou aṉa a erekako iruruputo poso, ako aṉata a zio a Mama kasi sole.

Jone 21:23

So sole Jisu ko so kio kale avo, bazu ta ko aerake ta voa disaipeli ta pui opa vouvou kio sama, seke luluevani vo Jisu kasi. Melai Jisu ta pui opa kaseke ko vota pui opa vouvou kio. Eri pala inio kiolake, “Aṉata ava zariovou vo tu obeta elou ti kobeta barolou aṉako vaito keru tea, kota pui ṉoko tu ṉota ṉoqai nianiio,” kiolake.

Iruruputo 10:23

So sole Pita ta o pasemake se tu seta ke raneovou sai kiolake. Nio koko raneo kale inio vota o inainaoke ni vota o olake se sate, ni kake se Jopa peuru kale ke evani ke tuvevo putani melai ke luluevake vo.

Iruruputo 11:1

Ni se apositolo madu ni seke tuvevo putani Jiudia ma peuru poso kale ke evani ta ke viqake se pui Jiu amu melai lula kekai oqua vo Baṉara ko bazubazu kio.

Iruruputo 11:12

Ni vo Tabu ala Auvana ta o bazuelake aṉa tu aṉata niuniala pide a luluemou se. So sole nia varimuja lotu maba madu Jopa peuru kale amu ni aṉa ta ṉe olake Sizaria peuru kale ni ṉe amaqeake Koniliasi ko pade kale.

Iruruputo 11:26

Ni so keru vo o veve keru vo, vota o vati olake vo sai Anitioko, ni nioqata omadeu pado ama sabere qo mati evake se lotu maba poso sai ke evani ni nioqata qo nianiiekimake matuma vaki. Anitioko inio kuleto seke tuvevo putani maba poso ta Kurisitiani madu ma kikeveni.

Iruruputo 11:29

Ni seke tuvevo putani ta ke vatoekake tu seta ke padoekou ko seleni omaomadeu ke navinavi ko bokao kale tu seta ke soroeko ni ke tauvemo seko lotu baerebaere poso se Jiudia peuru poso kale ke evani.

Iruruputo 12:17

Ni vota o zolaekake voko ṉase tu ke moizailo ni vota omai zakaremu puekake vo Baṉara o ivevoa saqorivo vo pirito pade kale azo. Ni vota eri kiolake, “Vai bazuekomo komi quli vo Jemisi ni sea kiadamu ke tuvevo putani,” kiolake. Ni vota o vaemake se ni ota olake edoloma zaekale.

Iruruputo 14:2

Melai se Jiu amu se pui ke tuvevo putani ta keta ma niumaekake se kutumana kama pui Jiu amu ko kerukeru tu kemai kaikuapo seke tuvevo puteni.

Iruruputo 15:1

Ni kake lotu maba poso seke kuevini Jiudia azo Anitioko ta ke taniekake nianiiekimo seke tuvevo putani ni eri kikelake, “Meta pui me qovou ko moveilo vo Mosese ko Bazu ko kasekako ta meta pui meba roveovou pakio,” kikelake.

Iruruputo 15:3

Nio ko lotu qoqono ta ko soroemake se, ni seta ke olake Ponisia ni Sameria kude, ni seta kekai bazutake se pui Jiu amu ko lilizio Baṉara kasi. Koa bazu ta ke viqe matuma zoleilo sate seke tuvevo putani kiadama zaekale.

Iruruputo 16:2

Ni kiadamu seke tuvevo putani Lisitara ni Aikoniami peuru kale ke evani ta Timoti ta kala uri ala maba va kikelake.

Iruruputo 16:40

Ni Paula ni Sailasi ta qo vaekake ko pirito pade ni qota olake Lidia ko pade kasi. Sai nio nioqata qo toraemake seke tuvevo putani, ni nioqata qo katimake se kama zuvarato sama pesio, ni qota olake.

Iruruputo 17:10

Nio koa ipu inio seke tuvevo putani ta ke soroekake Paula ni Sailasi Berea peuru kale, ni so keru nioqa qo baroa keru sai, nioqata qo amaqeake se Jiu amu ko ilusato ko pade kale.

Iruruputo 17:14

So sole seke tuvevo putani ta ke soroevake vo Paula taukavole seko siqo kale ama peuru kale azo ketale, melai Sailasi ni Timoti ta qopeta evake sai Berea peuru kale.

Iruruputo 17:6

Melai so keru se pui ke kea keru nioqa, seta ke rajaevake vo Jesoni ni so jari mata kake ke tuvevo putani koa peuru kale ama titizato ko maba poso ko tanama kale ni ke upaupatake ni eri kikelake, “Nioqia omuqa maba kidi nio tapata qo erekani nioqa kiadama zae poso kale! Ni nioqata qo kueva animeko peuru kale

Iruruputo 18:18

Ni Paula ta o evake seke tuvevo putani sase matu kubo ṉaniu Koriniti peuru kale, ni koko tova vota o vaemake se ni ota zazuake kala tepe vaka topi tu o vaito Siria. Ni Pirisila ni Akuila melai qo luluevake vo. Vo Paula ta lula ota tabutabui voko pui kobueko kale voko tou, ni kota kobeta okote voko tabutabuo ko taku, so sole puliako tadao vaka kale Senikeria azo vota mata o kobuekake ko.

Iruruputo 18:27

Ni Apolosi ta oka zariake zio Akaia ranama peuru poso kale, so sole se Epesasi ama lotu qoqono ta ke tauvevake vo seko ma rikieko kale seko paseto sama leta Akaia ma lotu qoqono poso kasi tu seta ke baroekivo vo. Ni so keru vo o baroa keru sai, vota o matu tauvemake sea maba poso vo Baṉara ko pakiezato sama roquano kale ke tuvevo puteni.

Iruruputo 21:17

Ni so keru ṉe baroa keru Jerusalema, seke tuvevo putani ta ke baroekiṉelake eṉe seko matuma zoleilo kale.

Iruruputo 21:20

So keta va viqa keru vo nio sea kiadamu ta ke ilusivake vo Baṉara. Ni seta eri kikelake, “Baerebaere Paula, ṉota no rovea melo matu kubo vuro Jiu amu ta lula ke tuvevo puta, ni sea kiadamu ti kekai pataita zoriko vo Mosese ko Bazu.

Iruruputo 21:7

Ni mata ṉebeta olake talio, ni ṉe daliake Taea azo ti Tolimaisi, sai eṉe ṉe doraemekoi seke tuvevo putani ni ṉe evake sai omadeu ṉaniu.

Iruruputo 22:5

Ṉisa Siama ni koa pado ama Kauniseli madu ta ke rovea tuvevo pueko aṉa kialani ko tuveano. Aṉata ada ma koe se kama zariekato sama leta koko soroima se Jiu amu kasi Damasikasi ke evani. So sole aṉata a olake sai tu aba noqoemo sea maba poso seke luluekani koa vairu ama lotu ko keve tu mati vaito koi Jerusalema piriemole se ni koqotaemole se.

Iruruputo 28:14

Sai nio eṉeta ṉe meake kama lotu maba madu seke taipaziṉeleni eṉe, ni eṉeta ṉe evake sekasi sai omadeu vuiki. Ti sai kazo eṉeta ṉe luluekake ko matu keve tu ṉe barolo Romu peuru kale.

1 Koriniti 15:6

ni vota mata o puratake sike paizana va maba madu kasi seke luluevani vo; kake ta lula keta vouva, melai kubo madu se azo ta kebeta saeva;

Kelokelozato 11:13

Koa taku kale inio matuma nunu ta kota evake; ni matu kubo pade matu peuru kale ama ta kota biresuake, tonitoni pade kale azo inio omaomadeu pade kota biresuake, ni sikeura vuro maba poso ta keta vouvake. Koa pado ama vaki ta keta polosake ni ke ilusivake vo aukale ala Baṉara.

Kelokelozato 3:4

Melai kama poso maba madu mela me sai Sadisi peuru kale me evani mela ta pui nio kaqa meqai ika meko suma ko sarueko. Me inio me daliovou aṉa sate tapo sabosaboa mela, ako meta me malezika sole.